Хабарингиз бор, эртага Ўзбекистон Кубогининг чорак финалининг навбатдаги учрашувлари ўтказилади. ПРО-Лига пешқадами бўлиб турган «Андижон» ўз майдонида мамлакатимизнинг байроқдор жамоаларидан бири бўлган Тошкентнинг «Бунёдкор» жамоасини қабул қилади.
Шубҳасиз бўлажак ўйинга ҳар икки жамоа ҳам пухта тайёргарлик кўриб, ўз олдига ярим финал йўлланмасини қўлга киритиш вазифасини қўйган дейиш мумкин.
Эртанги ўйинга бўлган қизиқиш жуда юқори. Учрашувга чиқарилган чипталар сотуви деярли тугаш арафасида. Негаки, махаллий ишқибозларни «Бунёдкор» билан ўйин жуда-жуда қизиқтирмоқда. Андижонлик мухлислар эртанги баҳсда севимли жамоасидан ҳудди «Навбаҳор» билан Кубок доирасида кўрсатилган ўйиндан кутишмоқда. Табиийки иншқибозлар клубнинг ҳам эртанги ўйинга бўлган тайёргарлик ишлари авжида дейиш мумкин. Учрашувни СПОРТ ТВ орқали жонли эфир орқали кўриш мумкин бўлади.
«Андижон» - «Бунёдкор» учрашуви олдидан эътиборингизга қизиқарли маълумотларни ҳавола этишни лозим дея топдик.
Бу икки клуб ўзаро 18 бор куч синашган. Натижалар “Бунёдкор”нинг катта устунлигини кўрсатмоқда. “Қалдирғочлар” 14та ўйинда ғолиблик нашидасини суришган. 4та ўйин дуранг билан якунланган. “Андижон” ўз тарихида бу рақибни умуман енга олмаган. Тўп киритиш борасида ҳам устунлик ўз-ўзидан “Бунёдкор” томонида – 32:3. Ўзаро ўйнларда “Бунёдкор” 46 очкони қўлга киритган. “Андижон” эса ҳозиргача 4 очко ишлаб олган.
“Бунёдкор”нинг “Андижон” устидан қозонган энг йирик ғалабаси – 4:0 (2015 йил). “Андижон” ҳисобида эса ғалаба йўқлигини юқорида айтиб ўтдик.
Ушбу жамоалар сўнгги маротаба 2016 йил Олий лига доирасида икки бор тўқнаш келган.
Биринчи даврада Тошкентда ўтган ўйинда “Бунёдкор” ғалаба қозонган. Ўшанда «қалдирғочлар»нинг тунислик легионери Шакер Зуаги билан Достонбек Ҳамдамов биринчи бўлимда “бургутлар” дарвозасига тўп киритиб “қалдирғочлар”га ғалаба келтирган – 2:0.
Мавсумнинг иккинчи қисмида, Андижондаги «Соғлом авлод» стадионида кечган баҳсда нурсиз дуранг (0:0) қайд этилганди.
ФАКТ! Андижонда ўтган ўйинларда "Бунёдкор" умуман мағлуб бўлмаган.
Андижонда ўтган барча учрашувлар:
03.11.2016.
«Андижон» - «Бунёдкор» 0:0
20.06.2015.
«Андижон» - «Бунёдкор» 0:2
02.11.2014.
«Андижон» - «Бунёдкор» 0:2
01.07.2012.
«Андижон» - «Бунёдкор» 0:2
17.09.2011.
«Андижон» - «Бунёдкор» 1:1
22.08.2010.
«Андижон» - «Бунёдкор» 0:0
14.05.2009.
«Андижон» - «Бунёдкор» 1:2
30.03.2008.
«Андижон» - «Бунёдкор» 0:1
22.06.2007.
«Андижон» - «Бунёдкор» 0:2
«Андижон» клуб матбуот хизмати.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
