Xabaringiz bor, ertaga O‘zbekiston Kubogining chorak finalining navbatdagi uchrashuvlari o‘tkaziladi. PRO-Liga peshqadami bo‘lib turgan «Andijon» o‘z maydonida mamlakatimizning bayroqdor jamoalaridan biri bo‘lgan Toshkentning «Bunyodkor» jamoasini qabul qiladi.
Shubhasiz bo‘lajak o‘yinga har ikki jamoa ham puxta tayyorgarlik ko‘rib, o‘z oldiga yarim final yo‘llanmasini qo‘lga kiritish vazifasini qo‘ygan deyish mumkin.
Ertangi o‘yinga bo‘lgan qiziqish juda yuqori. Uchrashuvga chiqarilgan chiptalar sotuvi deyarli tugash arafasida. Negaki, maxalliy ishqibozlarni «Bunyodkor» bilan o‘yin juda-juda qiziqtirmoqda. Andijonlik muxlislar ertangi bahsda sevimli jamoasidan huddi «Navbahor» bilan Kubok doirasida ko‘rsatilgan o‘yindan kutishmoqda. Tabiiyki inshqibozlar klubning ham ertangi o‘yinga bo‘lgan tayyorgarlik ishlari avjida deyish mumkin. Uchrashuvni SPORT TV orqali jonli efir orqali ko‘rish mumkin bo‘ladi.
«Andijon» - «Bunyodkor» uchrashuvi oldidan e’tiboringizga qiziqarli ma’lumotlarni havola etishni lozim deya topdik.
Bu ikki klub o‘zaro 18 bor kuch sinashgan. Natijalar “Bunyodkor”ning katta ustunligini ko‘rsatmoqda. “Qaldirg‘ochlar” 14ta o‘yinda g‘oliblik nashidasini surishgan. 4ta o‘yin durang bilan yakunlangan. “Andijon” o‘z tarixida bu raqibni umuman yenga olmagan. To‘p kiritish borasida ham ustunlik o‘z-o‘zidan “Bunyodkor” tomonida – 32:3. O‘zaro o‘ynlarda “Bunyodkor” 46 ochkoni qo‘lga kiritgan. “Andijon” esa hozirgacha 4 ochko ishlab olgan.
“Bunyodkor”ning “Andijon” ustidan qozongan eng yirik g‘alabasi – 4:0 (2015 yil). “Andijon” hisobida esa g‘alaba yo‘qligini yuqorida aytib o‘tdik.
Ushbu jamoalar so‘nggi marotaba 2016 yil Oliy liga doirasida ikki bor to‘qnash kelgan.
Birinchi davrada Toshkentda o‘tgan o‘yinda “Bunyodkor” g‘alaba qozongan. O‘shanda «qaldirg‘ochlar»ning tunislik legioneri Shaker Zuagi bilan Dostonbek Hamdamov birinchi bo‘limda “burgutlar” darvozasiga to‘p kiritib “qaldirg‘ochlar”ga g‘alaba keltirgan – 2:0.
Mavsumning ikkinchi qismida, Andijondagi «Sog‘lom avlod» stadionida kechgan bahsda nursiz durang (0:0) qayd etilgandi.
FAKT! Andijonda o‘tgan o‘yinlarda "Bunyodkor" umuman mag‘lub bo‘lmagan.
Andijonda o‘tgan barcha uchrashuvlar:
03.11.2016.
«Andijon» - «Bunyodkor» 0:0
20.06.2015.
«Andijon» - «Bunyodkor» 0:2
02.11.2014.
«Andijon» - «Bunyodkor» 0:2
01.07.2012.
«Andijon» - «Bunyodkor» 0:2
17.09.2011.
«Andijon» - «Bunyodkor» 1:1
22.08.2010.
«Andijon» - «Bunyodkor» 0:0
14.05.2009.
«Andijon» - «Bunyodkor» 1:2
30.03.2008.
«Andijon» - «Bunyodkor» 0:1
22.06.2007.
«Andijon» - «Bunyodkor» 0:2
«Andijon» klub matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
