Ла лиганинг 12-тури доирасида "Бетис"га қарши ўйиндаги мағлубият (3:4) туфайли "Барселона" клуби испан нашрлари саҳифасидан тушмай қолди. Маълумотларга қараганда, мазкур ўйиндан кейин жамоа бош мураббийи Эрнесто Вальверде ва ҳужумчи Луис Суарес ҳимоячи Жерар Пике билан тортишиб қолишган.
11 ноябрь, якшанба куни бўлиб ўтган ўйин давомида Вальверде баъзи футболчиларнинг ҳаракатидан қониқиш ҳосил қилмаётгани кўриниб турганди. Каталонияликлар ҳисобда ортда боришаётган пайтда Пике бир неча марта ҳужумга ўтаётганини айтиб, ўз ўрнини Иван Ракитичга қолдирди. Вазиятларнинг бирида Жерар рақиб ҳимоячиси Марк Бартра билан тўп учун курашда ютқазди ва андалусияликлар қарши ҳужумга ўтиб кетишди. Сўнгги ҳимоячи позициясида қолган Ракитич рақибга нисбатан фол ишлатишга мажбур бўлди. Натижада у иккинчи сариқ карточкани олиб, "Барса"нинг бир киши кам бўлиб қолишига сабабчи бўлди. Боз устига, хорватиялик футболчи "Атлетико"га қарши бўладиган ўйинни ўтказиб юборишга мажбур бўлади.
"Кўк-анорранглилар" бир киши кам бўлиб қолгани сабабли Вальверде ҳужум чизиғини кучайтириш имкониятидан маҳрум бўлди. Ҳисоб 2:4 бўлиб турганида ҳам Пике мураббийнинг маслаҳатига амал қилмасдан яна олдинга қараб югуриб кетди. Бундан жаҳли чиққан мураббий ҳимоячини сўкиб берди: "Яна қаёққа қараб югуряпсан? Улар яна битта голни уришади-ку... Жерар!"
Ўйиндан кейин асабий тортишув Пике ва Луис Суарес ўртасида давом этди. Улар ўз оғизларини қўллари билан бекитиб олган бўлсалар-да, испан нашрлари гап нима ҳақида кетаётганини аниқлашга муваффақ бўлишди. Жерар уругвайлик футболчининг танқидларига ҳимоячи кескин жавоб қайтарди. Бундан ташқари, Пике бошқа футболчи Артуро Видаль билан ҳам "сан-ман"га борди. Испаниялик футболчи жуда қулай вазиятда Видалнинг гол уришига халал бериб қолганди.
Испан нашрларининг таъкидлашича, "Барселона"нинг асосий муаммоларидан бири "кичик" жамоаларга қарши ўйинларда футболчилар керакли мотивация билан ёндашмайди. Грандларга қарши ўйинларни эса "кўк-анорранглар" юқори савияда ўтказишади ва рақибга ҳеч қандай имконият қолдиришмайди. "Бетис" клуби ўйин борасида интизомсизлик туфайли "Барса"ни жазолашга муваффақ бўлди.
Ҳозирда "Барселона" Испания Ла лигаси пешқадами бўлиб турган бўлса-да, чемпионликни қўлга киритиш уларга осон бўлмайди. Маълумот учун: Европанинг топ-5 чемпионатлари пешқадамлари орасида энг кам очко (24) жамғарган клуб — "Барселона" . Каталонияликлар ушбу мавсумда ўз дарвозаларидан нақ 18та тўп ўтказиб юборишга мажбур бўлишди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
