«Реал Мадрид» жамоасининг шарафини ҳимоя қилиш ҳар қандай футболчи учун шараф десак, адашмаган бўламиз, лекин шундай ўйинчилар борки, улар шу жамоа сафига ўтиб ўз кариерасини деярли барбод қилишган. Шундай футболчилар ҳақида қисқача...
Илларраменди - 40 миллион евро
"Реал Сосьедад" жамоасидан ҳарид қилинган ёш иқтидор эгаси Хаби Алонсонинг ўрнини эгаллаши кутилган эди. Афсуски, Иллиараменди ўзининг энг пик нуқтасида «Реал Мадрид» га ўтади ва деярли заҳира ва кубок ўйинчисига айланиб қолади. Энг ачинарлиси шундаки, футболчининг ўйини сезиларли равишда «тушиб» кетади. Кейинчалик эса яна ўз жамоасига қайтган ярим ҳимоячи аввалги даражасига чиқа олмади.
Ройстон Дренте - 15 миллион евро
Голландия ёшлар терма жамоаси билан ЖЧда ғолиб бўлган йигитчанинг атрофида бирданига Испаниянинг икки гранди пайдо бўлади. Афсуски, Дренте «Барса»нинг таклифини рад этади ва «қаймоқ ранглилар»сафига бориб қўшилади. Аввалига биринчи мавсумни яхши ўтказган футболчи кейинчалик Марселлога асосий таркибдаги ўрнини бериб қўяди. Бора - бора деярли майдонга тушмай қўяди. Шартномаси тугагач, бир пайтлар дунёнинг энг кучли ёш футболчиси бўлган қаҳрамонимиз узоқ вақт клубсиз қолиб кетади.
Жонатан Вудгейт - 16 миллион
«Ньюкасл» жамоасидаги ишончли ўйинларидан сўнг Фернандо Йерронинг ўрнига ҳарид қилинган футболчи умуман ўзини оқламади ҳисоб. У илк мавсумида бирорта ўйинда майдонга тушмаган бўлса, иккинчи мавсумда 14 та ўйинда ҳаракат қилади. Навбатдаги мавсумда «Реал Мадрид» уни «Мидлсбро» жамоасига ижарага бериб юборади.
Кака - 65 миллион
2009-йилда «Милан» жамоасидан ҳарид қилинган ўйинчи сезиларли даражада «Реал Мадрид»да йўқолиб қолди. «Олтин тўп» эгаси «қироллик» клубида бирорта ҳам ёрқин ўйин кўрсата олмади. Кўпчилик буни жароҳатларга йўяди. Аммо Кака ўзининг интервьюларидан бирида қизиқ бир фактни айтиб ўтган эди : “Тўғриси, «Реал»га клубим илтимос қилгани учун ўтганман. Ўша пайтлари «Милан» молиявий муаммолар гирдобида қолган эди.”
2014- йилда Кака ўз жамоасига эркинагент сифатида қайта ўтади. Афсуки, бу олдинги Кака эмас эди. Унинг ақлбовар қилмас ўйинлари эса «Милан»нинг шонли тарихи сингари мозийда қолиб кетди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
