Яқин ўтмишимда грандлар қаторида юрган айрим клублар ҳозирда жуда қийин аҳволда қолишган. Бунга ишониш қийин лекин бу факт. Бугун шундай клублар ҳақида қисқача...
«Парма»
Бу жамоани 90-йилларда 20 йиллардан сўнг инқириозга учрайди деса ҳеч ким ишонмаса керак! Таркибида Буффон,Креспо, Канавваро сингари супер юлдузлари бор жамоа ўз вақтида бир нечта совринларга эга чиққанини ҳозир кўпчилик унутиб ҳам юборган. Молиявий муаммоларга ўралашиб қолган Италиянинг энг машхур клубларидан бири ҳозирда деярли аутсайдерга айланиб қолди.
«Депортиво»
Испаниянинг энг номдор жамоаларидан бири ҳисобланган бу жамоа Испаниянинг 7 карра кубог соҳиби, 2000-йилдаги мамлакат чемпиони, ЧЛ ни ярим финалчиси бўлган жамоа ҳозирда муоммолар гирдобида қолган. Бу жамоа ўз вақтида афсонавий «Милан» жамоасини йирик ҳисобда енгиб ЧЛ дан чиқариб юборган, ички чемпинатда «Реал»,«Барса» сингари гранд жамоаларга бош оғриқ бўлган клуб ҳозирда жуда қийин аҳволда.
«Лидс»
АПЛ да ўзига яраша ном ва мавқейга эга жамоа ҳозирда қуйи лигаларда тўп сурмоқда. 1975-йилги АПЛ ғолиби, 3 карра Англия лига кубоги эгаси, УЭФА кубоги соҳиби бўлган шонли тарихга эга жамоа ҳозирда кўпчилик мухлисларнинг ёдидан ҳам чиқиб кетган десак адашмаган бўламиз. Ўз ваҳтида ЧЛ да ўлим гуруҳидан чиқиб ярим финалгача етиб бориб Европада шов-шув кўтарган жамоа ҳозирда қарзларга ботиб қолган. Жамоа яхши инвесторга ҳозирда жуда ҳам муҳтож. Афсуски бу клуб ҳали бери АПЛ га қайта олмайди.
Бонус
«Бунёдкор»
Осиёнинг «Барселона»си дея аталадиган яқин ўтмишдаги Осиёнинг энг кучли клуби минг афсуски ҳозирда жуда қийин аҳволда. Ўз вақтида Сколари, Зико сингари супер мураббийлар ишлаган клуб ҳозирда ночор аҳволда эканлигига ишониш жуда ҳам қийин. Ривалдо, Рамос, Виктор, Ристич, Денилсон, Виллианувела,Сервер Жепаров, Тимур Кападзе, Улуғбек Бақоев, Игнатий Нестеров сингари топ даражадаги футболчилар тўп тепган клуб ўз даврида бутун дунёни ўзига қарата олди. Афсуски «Қалдирғочлар»нинг парвози узоққа чўзилмади…
Ўзбекистон кубоги ва чемпионлигини бир неча бор қўлга киритган клуб ҳозирда ўз академиясидаги ёш футболчиларга суянишдан бошқа чора топа олмаяпти. Базан «Буннёдкор»нинг эски ОЧЛ ўйинларини кузатганимда ичимдан нимадур узилиб кетгандай бўлади…
Юртимиздаги илк профессионал клуб деган номга тўлиқ жавоб бера оладиган жамоа шакилланаётган эди. «Бунёдкор» қисқа умри давомида икки бор ОЧЛ ярим финалигача етиб борганинг ўзи бу клубга ҳурматимизни ўз-ўзидан оширади. Жамоанинг энг муҳим фигураси Қосимов «Бунёдкор»дан кетди. Энди «қалдирғочлар» янада қийин аҳволда қолишса ажаб эмас.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
