Акмалхон Эшонхонов
Ал-Айн шаҳридан махсус
“Эртага Осиёнинг кучли жамоаларидан бирига қарши майдонга тушамиз. Биз фақат эртанги ўйин ҳақида эмас, плей-офф баҳси ҳақида ҳам ўйлаяпмиз. 1/8 финалда қайси рақибга қарши майдонга тушишимизнинг аҳамияти йўқ.
Рақиб танлаш керак эмас. Эртага фақат уч очко учун майдонга тушамиз. Мақсадимиз гуруҳда биринчи ўринни қўлга киритиш. Японияга қарши ўзимизни энг яхши ўйинимизни намойиш қилмоқчимиз.
Албатта, эртага ғалаба учун майдонга тушамиз. Аммо баъзи футболчиларга дам бериш режамиз ҳам бор. Чунки биз плей-офф ҳақида ҳам ўйлашимиз керак.
Миср терма жамоасини бошқарганимда, Африка Кубогида жамоа яхши ўйнаган пайтда таркибдаги футболчиларга дам бермагандим. Кейин ўша футболчиларда чарчоқ аломатлари сезилди. Ўша тажрибамдан келиб чиқиб, эртага таркибда баъзи ўзгаришлар бўлиши мумкин. Қайси футболчиларга дам бериш борасида бугунги машғулотдан кейин бир тўхтамга келамиз.
Таркибда ўзгаришлар бўлиши Японияга қарши ўйинда бизга натижанинг аҳамияти йўқ дегани эмас. Албатта, биз уч очкони қўлга киритишга ҳаракат қиламиз. Гуруҳни юз фоизлик натижа билан тугатиш ниятимиз бор. Бир нарсани тушунишингизни истардим. Плей-оффда кучсиз рақиб бўлмайди.
Ҳар қандай рақибга қарши ўйнашга тайёр бўлиш керак. Биз бош совринни қўлга киритиш мақсадида ушбу турнирга келганмиз. Шундай экан, ҳар қандай рақиб билан ўйнашга тайёрмиз.
Японияга қарши ўйинлардаги статистикамиз яхши эмас. Аммо бу статисканинг эртанги ўйин учун аҳамияти йўқ. Эртанги ўйин 90 дақиқадан иборат, битта ўйинда ҳар қандай натижа қайд этилиши мумкин. Натижага эришиш учун статистикадан келиб чиқиб иш қилинмайди. Биз Ўзбекистон терма жамоасида ҳаммасини бошидан бошлаганмиз. Умид қилиб қоламанки, ижобий натижага эришамиз.
Японияни нимани эвазига ютишимиз мумкин? Бу ҳақида ўзим биладиган нарсаларни ҳозирги матбуот анжуманида айтиб ўтирмайман. Япония кучли жамоа. Аммо ҳар қандай кучли жамоани ҳам мағлубиятга учратиш мумкин. Биз шунга ҳаракат қиламиз.
Эртанги ўйинда муҳими ғалаба қозониш. Плей-оффни қайси шаҳарда ўтказишнинг аҳамияти йўқ. Бу иккинчи даражали масала. БААнинг барча шаҳарлари чиройли, барча меҳмонхоналарда шароит аъло даражда. Шу сабабли бу муҳим эмас. Муҳими ғалаба қозониш.”, деди Купер.
Маълумот ўрнида, эртага Япония терма жамоаси кўк рангли либосда, Ўзбекистон эса оқ рангли либосда ҳаракат қилади.
Ўйин Ал-Айн шаҳридаги “Халифа бин Зайд” стадионида Тошкент вақти билан соат 18:30 да бошланади. Мазкур баҳсни БААлик ҳакам Муҳаммад Абдулла Ҳасан бошқаради.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
