Akmalxon Eshonxonov
Al-Ayn shahridan maxsus
“Ertaga Osiyoning kuchli jamoalaridan biriga qarshi maydonga tushamiz. Biz faqat ertangi o‘yin haqida emas, pley-off bahsi haqida ham o‘ylayapmiz. 1/8 finalda qaysi raqibga qarshi maydonga tushishimizning ahamiyati yo‘q.
Raqib tanlash kerak emas. Ertaga faqat uch ochko uchun maydonga tushamiz. Maqsadimiz guruhda birinchi o‘rinni qo‘lga kiritish. Yaponiyaga qarshi o‘zimizni eng yaxshi o‘yinimizni namoyish qilmoqchimiz.
Albatta, ertaga g‘alaba uchun maydonga tushamiz. Ammo ba’zi futbolchilarga dam berish rejamiz ham bor. Chunki biz pley-off haqida ham o‘ylashimiz kerak.
Misr terma jamoasini boshqarganimda, Afrika Kubogida jamoa yaxshi o‘ynagan paytda tarkibdagi futbolchilarga dam bermagandim. Keyin o‘sha futbolchilarda charchoq alomatlari sezildi. O‘sha tajribamdan kelib chiqib, ertaga tarkibda ba’zi o‘zgarishlar bo‘lishi mumkin. Qaysi futbolchilarga dam berish borasida bugungi mashg‘ulotdan keyin bir to‘xtamga kelamiz.
Tarkibda o‘zgarishlar bo‘lishi Yaponiyaga qarshi o‘yinda bizga natijaning ahamiyati yo‘q degani emas. Albatta, biz uch ochkoni qo‘lga kiritishga harakat qilamiz. Guruhni yuz foizlik natija bilan tugatish niyatimiz bor. Bir narsani tushunishingizni istardim. Pley-offda kuchsiz raqib bo‘lmaydi.
Har qanday raqibga qarshi o‘ynashga tayyor bo‘lish kerak. Biz bosh sovrinni qo‘lga kiritish maqsadida ushbu turnirga kelganmiz. Shunday ekan, har qanday raqib bilan o‘ynashga tayyormiz.
Yaponiyaga qarshi o‘yinlardagi statistikamiz yaxshi emas. Ammo bu statiskaning ertangi o‘yin uchun ahamiyati yo‘q. Ertangi o‘yin 90 daqiqadan iborat, bitta o‘yinda har qanday natija qayd etilishi mumkin. Natijaga erishish uchun statistikadan kelib chiqib ish qilinmaydi. Biz O‘zbekiston terma jamoasida hammasini boshidan boshlaganmiz. Umid qilib qolamanki, ijobiy natijaga erishamiz.
Yaponiyani nimani evaziga yutishimiz mumkin? Bu haqida o‘zim biladigan narsalarni hozirgi matbuot anjumanida aytib o‘tirmayman. Yaponiya kuchli jamoa. Ammo har qanday kuchli jamoani ham mag‘lubiyatga uchratish mumkin. Biz shunga harakat qilamiz.
Ertangi o‘yinda muhimi g‘alaba qozonish. Pley-offni qaysi shaharda o‘tkazishning ahamiyati yo‘q. Bu ikkinchi darajali masala. BAAning barcha shaharlari chiroyli, barcha mehmonxonalarda sharoit a’lo darajda. Shu sababli bu muhim emas. Muhimi g‘alaba qozonish.”, dedi Kuper.
Ma’lumot o‘rnida, ertaga Yaponiya terma jamoasi ko‘k rangli libosda, O‘zbekiston esa oq rangli libosda harakat qiladi.
O‘yin Al-Ayn shahridagi “Xalifa bin Zayd” stadionida Toshkent vaqti bilan soat 18:30 da boshlanadi. Mazkur bahsni BAAlik hakam Muhammad Abdulla Hasan boshqaradi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
