Яқинда ўз касбига нольойиқ ҳунарлар кўрсатган ҳакамлар ҳақида мақола эълон қилган эдик.Бугун ушбу мақоланинг аксини эътиборингизга ҳавола қиламиз. Бугун ўзининг ажойиб ҳакамлиги орқали футбол оламидаги ажойиб учрашувларни безаб берган реферилар ҳақида тўхталиб ўтамиз.
Николо Риццолли
.jpg)
Италиялик қаттиққўл ҳакам ўзининг ҳакамлик услубига эга инсон. У бошқарган учрашувларнинг бирортасида вазиятни қўлдан чиқариб юбормаган . Риццолли қабул қилган қарорлар ўйиндан сўнг кўпинча муҳокама қилинган бўлсада, ҳар сафар ҳакам қабул қилган қарор тўғри бўлиб чиққан. Унинг кар точкаларни аямасдан тарқатиши аввалига кўпчиликда ҳакамга нисбатан ишончсизлик ҳиссини уйғотиши мумкин, аммо қаҳрамонимиз ўз услубига суянган ҳолда учрашувни қўл остида ушлаб туради ва ўз ишини ажойиб уддалайди.
Равшан Эрматов
Футбол оламидаги энг машҳур ўзбек! Бу рейтингимизга ватандошимиз ҳақли равишда кирди. Унинг 2010-йилдаги ЖЧдаги ажойиб иштирокидан сўнг «Ле Газетта дела Спорт» нашри у ҳақида Мундиал кашфиётлари номли мақолани эълон қилган эди. Ватандошимиз ЖАРдаги ҳакамлиги орқали бутун футбол оламига танилиб кетди.
Равшан Эрматов ўзи бошқарган учрашувларда иложи борича ўйинга аралашмасликка урунади ва камдан-кам ҳолларда баҳсли қарор чиқаради. Унинг ЖЧларда ишлаш бўйича мутлоқ рекордчи эканлги сўзларимизга исбот бўла олади.
Мартин Клаттенбург
Ўзининг кескин қарорлари билан тезда машҳур бўлиб кетган инглиз ўз кариераси давомида бир нечта финалларни бошқаришга улгурди.Унинг Европа Чемпионлар Лигаси ва Европа чемпионатининг финалидаги ҳакамлиги ўта юқори баҳолангани сўзимизга исбот бўла олади. У бундан ташқари АПЛ да 2017-йилга қадар ҳам ҳар мавсум деярли 10 га яқин ўта муҳим учрашувларни ажойиб бошқариб келган. Ҳозирда ФИФА ҳакамлар қўмитасида фаолият олиб бормоқда.
Ҳовард Уэбб
.jpg)
Қаҳрамонимиз 2014-йилда ўз фаолиятига нуқта қўйган бўлсада, хали-ҳамон мухлисларнинг ёдидан чиққани йўқ. Унинг пик нуқтаси 2010-йилга тўғри келади. Айнан ўша йили Уэбб Чемпионлар лигаси финалини ва Жаҳон чемпионати финалини бошқарган ва ўзига хос рекорд соҳибига айланган эди. У ўзи бошқарган учрашувларда сариқ карточкани аямай берсада, жуда камдан-кам ҳолатларда қизил карточкани чўнтагидан олган. Унинг қизматлари эвазига Англия ҳакамлик мактабининг обрўси халқаро ареналарга кўтарилди. Аслида полиция офицери саналадиган қаҳрамонимиз футбол тарихида ўзидан из қолдиришга улгурди.
Пиерлуижи Коллина
«Футбол оламидаги энг машҳур 10 та шахсдан бири»,- дея эътироф этилувчи италиялик ҳакам ҳозирда ФИФА ва УЭФА ҳакамлар қўмитаси раиси вазифасида ишлаб келмоқда. У ўз кариераси давомида кўплаб финалларни ва ўта муҳим учрашувларни ажойиб бошқаргани билан кўпчиликнинг ёдида қолган. Аслида, қаҳрамонимизни машҳур қилган жиҳат бу эмас.
Гап шундаки унинг кариераси энг гуллаган чоғида Италия «А серияси» кичик жаҳон чемпионати дея юритилар, ҳар бир очко олтинга тенг эди. Италия мафиялари бошчилигидаги клублар унинг ҳакамлигига таъсир ўтказишга жуда кўп бор урунишган. Ўз мақсадларига ета олмаганлар эса икки бор унга суиқасд уюштиришади. Бахтга қарши ҳар сафар тирик қолган Коллина ҳеч нарсага қарамай, одиллик билан ҳакамлик қилишда давом этаверади. Бу эса кўп ўтмай унинг бутун дунё оммаси эътиборига тушишини таъминлайди. Аввалари ВАР ва голни аниқловчи ускунасиз ҳам учрашвларни ҳаққоний бошқарган Коллина ҳозирги кунларимизга қадар ҳакамлар учун халоллик рамзи бопълиб келмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
