Yaqinda o‘z kasbiga nolyoyiq hunarlar ko‘rsatgan hakamlar haqida maqola e’lon qilgan edik.Bugun ushbu maqolaning aksini e’tiboringizga havola qilamiz. Bugun o‘zining ajoyib hakamligi orqali futbol olamidagi ajoyib uchrashuvlarni bezab bergan referilar haqida to‘xtalib o‘tamiz.
Nikolo Rissolli
.jpg)
Italiyalik qattiqqo‘l hakam o‘zining hakamlik uslubiga ega inson. U boshqargan uchrashuvlarning birortasida vaziyatni qo‘ldan chiqarib yubormagan . Rissolli qabul qilgan qarorlar o‘yindan so‘ng ko‘pincha muhokama qilingan bo‘lsada, har safar hakam qabul qilgan qaror to‘g‘ri bo‘lib chiqqan. Uning kar tochkalarni ayamasdan tarqatishi avvaliga ko‘pchilikda hakamga nisbatan ishonchsizlik hissini uyg‘otishi mumkin, ammo qahramonimiz o‘z uslubiga suyangan holda uchrashuvni qo‘l ostida ushlab turadi va o‘z ishini ajoyib uddalaydi.
Ravshan Ermatov
Futbol olamidagi eng mashhur o‘zbek! Bu reytingimizga vatandoshimiz haqli ravishda kirdi. Uning 2010-yildagi JCHdagi ajoyib ishtirokidan so‘ng «Le Gazetta dela Sport» nashri u haqida Mundial kashfiyotlari nomli maqolani e’lon qilgan edi. Vatandoshimiz JARdagi hakamligi orqali butun futbol olamiga tanilib ketdi.
Ravshan Ermatov o‘zi boshqargan uchrashuvlarda iloji boricha o‘yinga aralashmaslikka urunadi va kamdan-kam hollarda bahsli qaror chiqaradi. Uning JCHlarda ishlash bo‘yicha mutloq rekordchi ekanlgi so‘zlarimizga isbot bo‘la oladi.
Martin Klattenburg
O‘zining keskin qarorlari bilan tezda mashhur bo‘lib ketgan ingliz o‘z kariyerasi davomida bir nechta finallarni boshqarishga ulgurdi.Uning Yevropa Chempionlar Ligasi va Yevropa chempionatining finalidagi hakamligi o‘ta yuqori baholangani so‘zimizga isbot bo‘la oladi. U bundan tashqari APL da 2017-yilga qadar ham har mavsum deyarli 10 ga yaqin o‘ta muhim uchrashuvlarni ajoyib boshqarib kelgan. Hozirda FIFA hakamlar qo‘mitasida faoliyat olib bormoqda.
Hovard Uebb
.jpg)
Qahramonimiz 2014-yilda o‘z faoliyatiga nuqta qo‘ygan bo‘lsada, xali-hamon muxlislarning yodidan chiqqani yo‘q. Uning pik nuqtasi 2010-yilga to‘g‘ri keladi. Aynan o‘sha yili Uebb Chempionlar ligasi finalini va Jahon chempionati finalini boshqargan va o‘ziga xos rekord sohibiga aylangan edi. U o‘zi boshqargan uchrashuvlarda sariq kartochkani ayamay bersada, juda kamdan-kam holatlarda qizil kartochkani cho‘ntagidan olgan. Uning qizmatlari evaziga Angliya hakamlik maktabining obro‘si xalqaro arenalarga ko‘tarildi. Aslida polisiya ofiseri sanaladigan qahramonimiz futbol tarixida o‘zidan iz qoldirishga ulgurdi.
Piyerluiji Kollina
«Futbol olamidagi eng mashhur 10 ta shaxsdan biri»,- deya e’tirof etiluvchi italiyalik hakam hozirda FIFA va UEFA hakamlar qo‘mitasi raisi vazifasida ishlab kelmoqda. U o‘z kariyerasi davomida ko‘plab finallarni va o‘ta muhim uchrashuvlarni ajoyib boshqargani bilan ko‘pchilikning yodida qolgan. Aslida, qahramonimizni mashhur qilgan jihat bu emas.
Gap shundaki uning kariyerasi eng gullagan chog‘ida Italiya «A seriyasi» kichik jahon chempionati deya yuritilar, har bir ochko oltinga teng edi. Italiya mafiyalari boshchiligidagi klublar uning hakamligiga ta’sir o‘tkazishga juda ko‘p bor urunishgan. O‘z maqsadlariga yeta olmaganlar esa ikki bor unga suiqasd uyushtirishadi. Baxtga qarshi har safar tirik qolgan Kollina hech narsaga qaramay, odillik bilan hakamlik qilishda davom etaveradi. Bu esa ko‘p o‘tmay uning butun dunyo ommasi e’tiboriga tushishini ta’minlaydi. Avvalari VAR va golni aniqlovchi uskunasiz ham uchrashvlarni haqqoniy boshqargan Kollina hozirgi kunlarimizga qadar hakamlar uchun xalollik ramzi bop’lib kelmoqda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
