Футболчилар жонажон жамоаларидан кетиш олдидан ОАВ учун матбуот анжумани ташкил этишлари анъанага айланиб улгурди. Бугун ана шундай учрашувларда айтилган энг таъсирли сўзларни эътиборингизга ҳавола этамиз
2015-йил Икер Касилас
- Авваламбор, шу ерга келиб мени қўллаб-қувватлаб турган инсонларга ўз миннатдорчилигимни билдирмоқчиман. Тўғриси, бугун мен учун ўта оғир кун. Умримнинг энг яхши онлари ўтган клубим билан хайрлашмоқдаман. Мени бу ерда ардоқлаб катта қилишди. Энди бошлаган ишимни «Пору»да давом эттираман. Сизлар билан эса, хайрлашмайман, сабаби ҳа демай яна кўришамиз. Ҳала, Мадрид!
2015-йил Хави
- Мен бундан 25 йил аввал «Барселона»га келган эдим. Ишонинг, бундай ютуқларга эришиш ҳақида хатто орзу ҳам қилмаган эдим. Мен «Барселона»дан миннатдорман ва бу клубнинг бир бўлаги эканлигимдан фахрланаман. Сизлар билан хайрлашиш мен учун жуда оғир, аммо келажакда, албатта, ортга қайтаман деб умид қиламан…
2018-йил Иниеста
- Бу клубда ўтган 22 йил учун ҳаммага раҳмат айтмоқчиман. «Барселона»га илк келган кунларимда болакай эдим. Энди эркак бўлиб уни тарк этмоқдаман. Мен дунёнинг энг кучли клубида ўйнаганим билан фахрланаман ва бу ҳақида ўз фарзандларимга ғурур билан айтиб бераман. Ҳамма-ҳаммаси учун раҳмат сизларга…
2018-йил Арсен Венгер
- Узоқ муддат давомида менга чидаганингиз учун раҳмат! Биламан, сизларга осон бўлмаган (Кулади). Мен ҳам худди сизлар каби «Арсенал»нинг чин мухлисиман. Бу биласизми нима дегани? Бу дегани биз бир оиламиз ва жамоамиз учун биргаликда қайғурамиз, қувонамиз, ғазабланамиз. Мен кейинги мавсумда йигитларимни чин юракдан қўллаб-қувватлаб туришингизни сизлардан илтимос қилган бўлар эдим. Улар шунга лойиқ футболчилар! Сизларга охирги сўзимни айтмоқчиман. Мен сизларни жуда соғинаман…
Роналдунинг «Ювентус»га ўтиш олдидан мухлисларига ёзган мактубидан парча
“Бу буюк 9 йилни ҳеч қачон унутмайман. Менинг қалбим «Реал Мадрид»га бўлган меҳр ва соғинчга тўла. Кетишимга келадиган бўлсак, бунда клубнинг айби йўқ. Мен ўзим улардан илтимос қилдим. Ҳаётимда янги саҳифа очиш мақсадида Туринга йўл оляпман. Шундай бўлсада, «Реал Мадрид»нинг эмблемаси, стадиони, футболкаси доим меники бўлиб қолаверади! Менинг клуб мухлислари олдида қарзим кўп. Улар ва жамоадошларим ёрдами билан мен жамики совринларни қўлга киритдим. Энди хайрлашиш вақти яқинлашганида клубимга омад ва зафарлар тилаб қоламан. Ўз сўзларим якунида бундан 9 йил аввал айтганимдек Ҳала, Мадрид!”
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
