Муҳаммад Салаҳ «Ювентус»да?!
Яқин кунларда «Ливерпуль» юлдузи Муҳаммад Салаҳнинг клубдан кетиши тўғрисида кўплаб миш-мишлар пайдо бўлди. Бугун айнан шу мавзуга тўхталиб ўтамиз.
Милнер ва Салаҳ
«Ливерпуль»нинг фахрий футболчиларидан бири ва клубнинг пенальтий тепувчи футболчиси саналадиган Жеймс Милнер ва қаҳрамонимизнинг муносабатлари ёмонлашганидан кўпчиликнинг хабари бўлмаса керак. Якунланаётган мавсумнинг бошида Салаҳ бир неча бор Милнердан пенальтини амалга оширишни унга топширишини илтимос қилган. Инглиз футболчиси бундан бош тортган ва айнан шу масалада клубдаги футболчиларнинг фикри икки хил кўринишга келади. Доимо ички интизомни талаб қилувчи Клопп эса Милнерни ҳурмат қилиш зарурлигини Салаҳга уқтиради ва пенальтий тепиш ҳуқуқи тўлиқ Милнерга ўтади. Айнан ўша можародан сўнг бир нечта инглиз нашрлари Салаҳнинг клубдан кетишини тахмин қилишган эди ва вазият ҳам шунга яқинлашиб қолгндек туюлмоқда. Юрген Клопп агарда молиявий қулай таклиф тушадиган бўлса, Салаҳни ушлаб қолишдан манфаат йўқлигини яхши ҳис қилиб турибди. Бир пайтлар Коутино клубдан кетганида ҳам клуб заррача кучсизлашиб қолмаган, қайтанга янги ўйинчилар клубни янги даражага олиб чиққан эди. Шундай экан Салаҳнинг клубдан кетиши мавсум сўнгига келиб тобора аниқ бўлиб боряпти.
«Ливерпуль»да ички низолар
Ҳозирда клубда ички низолар кўпайиб бормоқда деб ёзмоқда «Newslink» нашри клуб ичидаги ишончли манбааларга таянган холда.
Манбаанинг такидлашича, клубда Милнер ва Салаҳнинг тарафдорлари орасида сўз қочган ва Клопп бу муоммаларни ечими сифатида Салаҳни сотиб юборишни мўлжалламоқда.
Бундай хол бундан аввал ҳам бразилиялик Фелиппе Коутино билан бўлган ва клуб уни «Барселона»га ички муҳитни яхшилаш мақсадида сотиб юборишга мажбур бўлган эди. Эндиликда Салаҳнинг клубда қолмаслиги тобора аниқ бўлиб бормоқда ва унга муносиб ўринбосар сифатида айнан Дибаланинг клубга келиши эҳтимоли юқори.
Дибала ва 40 миллион евро
Аргентиналик футболчининг мавсум сўнгида «Ювентус»дан кетиши борасида Италиянинг бир нечта нашрлари ёзишмоқда ва бу айни хақиқат! Паоло Роналдуга ўйнайдиган «Юве»да ўзи учун позиция ярата олмади ва очиқчасига заҳирага «михланиб» қолди. Унинг иқтидорига шубҳа бўлиши мумкин эмас, бироқ буни амалда кўрсатиш учун янги клубга ўтиш шарт!
«Le Gazzeta dello sport» нашрининг хабар беришича «Ювентус»нинг янги мавсумдаги илк ҳариди катта эҳтимол билан Муҳаммад Салаҳ бўлади ва клуб «Ливерпул»га 40 миллион евро ва Паоло Дибалани қўшиб беради! Яна шу ҳам маълумки томонлар келишув шартларини келишиб олиш мақсадида ҳадемай расмий учрашув ўтказишади. Бу келишувдан икки футболчи ҳам, икки клуб ҳам фойда кўришини ҳисобга олсак, бу келишув амалга ошади ва ёзда Салаҳ «Ювентус»га ўтади.
Салаҳни шахсан Роналду «Ювентус»га олиб келмоқчи
Португалиялик футболчи клубга ЕЧЛни ютиб бера олмаган бўлсада, анчагина даромад келтиргани ҳақида бундан аввалги мақолаларимизда эслатиб ўтган эдик. Айнан Роналдуга суянган холда «Юве» янги, кучли клуб тузиш мақсадида футболчи билан трансфер масаласида маслаҳатлашгани ҳақида анча аввал хабарлар тарқаган эди. Айнан Роналду жамоада кўришни истаган футболчилар орасида Салаҳ биринчи ўринда турибди. Салаҳнинг келиши «Ювентус» клубининг маркетинг ишларида ҳам яхшигина даромад олиш ва ЕЧЛда ғолиб чиқиш имконини оширади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Машъал
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
