«Манчестер Сити» Гвардиоланинг «Ювентус»га ўтишини инкор қилди
«Манчестер Сити» бош мураббийи Хосеп Гвардиола жамоани тарк этиб, ёзда «Ювентус»ни қабул қилиб олиши ҳақида тарқалган хабарларни "шаҳарликлар" раҳбарияти инкор қилди.
Матбуотда тарқалган хабарларга кўра, испаниялик мутахассис 4 июнь куни "бьянконери" билан шартнома имзолайди, орадан 10 кун ўтиб — 14 июнь куни бу ҳақда расман эълон қилинади.
«Жамоа директорлар кенгаши аъзоси сифатида тарқалган хабарлардан ҳайрон бўлдим. У бизнинг мураббий, у жамоамизда қолишни истайди. У ҳақида ёзилган хабарлар — ёлғон. Биринчидан, бундай ишни амалга оширишни истаган жиддий жамоа бошқа клуб билан алоқага чиқади. «Манчестер Сити» бундай гаплардан бехабар. Бўлаётган гап-сўзларда асос йўқ. Гвардиола «Манчестер Сити»ни тарк этмаслиги ҳақида алоҳида баёнот бериши шарт эмас. Боиси, бундай муаммонинг ўзи мавжуд эмас", — деди "Манчестер Сити" директорлар кенгаши аъзоси Альберто Галасси Sky Sport Italia нашрига берган интервьюсида.
Гвардиола 2016 йилдан бери «Манчестер Сити»ни бошқариб келмоқда. Уч йиллик фаолияти давомида у "шаҳарликлар" билан 6та совринни қўлга киритди. Унинг амалдаги шартномаси 2021 йилга қадар тузилган.
Манба: championat.com
Киритилди: 18:48, 23.05.2019. Ўқилди: 5203 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар