Сайёрамизнинг клублар ўртасидаги энг нуфузли турнири саналадиган Европа Чемпионлар Лигасининг қадри тобора ошиб бормоқда. Футбол янги аср бошида бизнесга айлангач, клубларнинг дунё рейтингидаги ўрни айни шу мусобақадаги иштироки билан чамбарчас боғлиқ бўлиб қолгани ҳеч кимга сир эмас. Унда ғалаба қозониш доимо ёқимли, бироқ қанча урунсанг ҳам ҳаётда ҳар доим ҳам омад келавермайди. Бугун нуфузли мусобақанинг сўнгги йиллардаги энг омадсиз жамоалари ҳақида сўз боради.
«Манчестер Сити»
2010-йилда Шайх Мансур қўл остига ўтган «Манчестер Сити» клуби мана қарийб 10 йил давомида АПЛда бир неча бор чемпионликни қўлга киритишни уддасидан чиқди. Шундай бўлсада, клубнинг жаҳон бозорида ишлари ҳавас қилгулик даражада эмас. Клуб учун қанча сармоя сарфлашсада, улар ҳамшаҳарларига машҳурлик борасида ета олишмаяпти. Айни шу камчиликни бартараф этиш учун «Ман Сити» клуби ЙЧЛда ғалаба қозонишни ўз олдига мақсад қилиб қўйди ва ишга жиддий киришди. Бу мусобақада сўнгги йилларда бир неча бор чемпионликни қўлга киритган Пеп Гвардиоланинг келиши ҳам айнан ЙЧЛда ғолиб чиқиш учун ташланган жиддий қадам эди. Афсуски, кучли мутахассис ҳам жамоага ёрдам бера олмаяпти. Шу кунга қадар клубнинг энг яхши натижаси Пелегрининг давридаги ярим финал бўлиб турибди. Гвардиола эса Плай-офф босқичида «Монако», «Ливерпул» сингари клублар тўсиғидан ўта олмаган бўлса, бу мавсумда камтарин «Тоттенҳем» уларни азалий орзудан маҳрум қилди. Дарҳақиқат, клуб томонидан ажратилаётган пулларни инобатга олиб натижага қарасак, омадсизликни дарров сезасиз.
«Атлетико Мадрид»
Диего Симионе қўл остига ўтган «Матрасчилар» ўйинида кескин ўзгариш кузатилади ва клуб секин-аста эмас, катта тезликда Европа грандлари қаторига қўшилиб олади. Айниқса, 2014-йилги мавсумда жамоа 18 йиллик танаффусдан сўнг, «Барселона» ва «Реал Мадрид»дек гранд клубларни сезиларли фарқ билан ортда қолдирганча «Ла Лига»да чемпионликни қўлга киритади ва ЙЧЛ финалига қадар ортиқча қийинчилисиз етиб келади. Испанча ёки Мадридча ўтган финал якунига сониялар қолган бир пайтда ҳам Симионе шогирдлари азалий рақибларидан ҳисобда олдинда боришарди, бироқ… Қолганини ҳамма яхши билса, ажаб эмас. Орадан кўп ўтмай жамоа сўнгги кучини йиғиб яна финалга қадар етиб келади. Уларни ҳар доимгидек «Реал Мадрид» кутиб олади. Тўлиқ тенг курашларда ўтган ўйинда пенальтилар церийасида мағлуб бўлган «Атлетико Мадрид» яна чемпионликдан қуруқ қолади. Энг ачинарлиси шундаки, «Атлетико Мадрид» кичик бюджет билан ҳам топ клуб яратиш мумкинлигини исботлаши учун бир неча бор урунган бўлсада, буни уддасидан чиқа олмади. Ажойиб мавсумлардан сўнг клуб бирин-кетин ўз футболчиларини сотиб юборишни бошлади ва жамоа яна ўртамиёналар сафига қўшилиб қолди.
Эктор Купернинг омадсиз «Валенcияси»
Ҳозирда Ўзбекистон терма жамоасида бош мураббий сифатида фаолият олиб бораётган Эктор Купер янги аср бошида Испаниянинг «Валенcия» клуби билан шов-шув кўтарган ва икки бор ЙЧЛ финалига қадар етиб борган эди. Биринчи финалда «Реал Мадрид» билан тўқнаш келган «Валенция»га тажриба етмаган бўлса, иккинчи финлада очиқчасига омад улардан юз ўгирган эди. «Бавария» билан кечган асабий учрашувда ғолиб аниқланмагач, жамоалар футбол лотареясида ўз омадларини синаб кўришади. Ўша учрашувда Купер шогирдлари кучли кўринган бўлсада, пенальтилар церийасида немис клуби Оливер Каннинг ажойиб ўйини эвазига чемпионликни қўлга киртади. Купернинг «Валенcия»си эса, кўп ўтмай кучли клублар томонидан талон-тарожга учрайди ва халқаро турнирларнинг финалида бошқа кўриниш бермай қўяди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
