Шохжаҳон Эргашев оғир зарба егаси, юқори маҳорат соҳиби, жисмонан ва руҳан кучли боксчи сифатида спорт ишқибозларига яхши таниш. Профессионал боксда 16 та ғалабага эга чарм қўлқоп устаси нафақат Ўзбекистон, балки хорижлик мухлислар қатори йетук мутахассислар назарига ҳам тушган.
Worldnews.uz ахборот агентлиги бутунжаҳон бокс ассоцацияси (WБA) рейтингида 4–ўринни эгаллаб, 63,5 кг вазн тоифасида жанг ўтказиб келаётган 27 ёшли Шохжаҳон Эргашев билан 9 июнькуни Москвада бўлиб ўтадиган мусобақа олдидан интернет орқали суҳбат ўтказилди.
– Фаолиятингиздаги 17- жангга тайёргарлик жараёни қандай кечяпти?
– Хабарингиз бор, охирги марта февраль ойида америкалик Майкл Фоксга қарши рингга чиқиб очколар ҳисобига ғалаба қозонгандим. Бу сафарги рақибим эса Пуерто-риколик кучли боксчи Даниелитто Зорилла.
Жангга тайёргарлик олдингиларидан бутунлай бошқача бўляпти. Мураббийим Aлександир Жук билан ҳафтада 6,7 соат вақтимизни машғулотларга сарфлаяпмиз. Ушбу жангда ҳам ғолиб бўлиб чемпионлик камаримни она Ватанимга олиб бораман.
– Ҳар гал рингга ўзбек миллий либосларида чиқишингиз кимнинг ғояси?
– Дадам 2015 йилнинг декабрида ўтказилган илк профессионал жангим олдидан “Сен ўзбек ўғлисан. Ҳар доим рингга ўзбек дўпписи ва чопонида чиқишинг керак” деган гапни қаттиқ тайинлаганлар. Шундан сўнг миллий кийимларимизда рингга кўтарилганман.
Ўша-ўша бундай кийимларда рингга чиқишни одат қилдим ва бу менинг қайсидир маънода имижимга айланди. Бошимга дўппи, егнимга чопон кийганимда, мухлис Ўзбекистонлик еканлигимни билишини истайман. Бу қалбимда миллий ғурур туйғусини жўш урдириб, менга икки карра куч бағишлайди.
– Боксдаги фаолиятингизни бошлашдан олдин маълум вақт футбол билан шуғулланганингиз ростми?
– Отамнинг ўзи боксчи бўлганлиги боис мени ҳам касбига кичкиналигимдан қизиқтирган. 6 ёшлигимда автоҳалокатга учраганимдан сўнг шифокорлар бокс билан шуғулланишимни қатъий тақиқлашган. Жароҳат оғирлиги боис мени ўлади, дейишганди ҳам. Кейин аста секин оёққа турдим. Aхволимни кўрган дадам “Таниқли боксчи бўлмаса ҳам спорт орқали саломатлигини мустаҳкамласин” деган фикирда кўп спорт турларига қизиқтирган.
Ўша кезларда футбол ҳам ўйнаганман. Тўрт йил Фарғона вилоятининг турли жамоаларида тўп суриб, Ўзбекистон чемпионатининг олий лигасида “Нефтчи” жамоаси шарафини ҳимоя қилганман. Бокс борасида кўпроқ сир асрорларга эгалигим ва қизиқишим кучлилиги сабаб шу спорт турини танлаганман. Aгар футболни танлаганимда ҳам мендан яхшигина футболчи чиқарди деб ўйлайман (самимий кулади).
– Ҳаваскор боксда қандай натижаларни қўлга киритгансиз?
– Профиссионал рингга кўтарилгунга қадар юзлаб жанг ўтказиб, қарийб барчасини нокаут билан ютганман. Ўз вақтида Ўзбекистон чемпионатларида ғолиб чиққанман. Aммо Осиё ва жаҳон ўйинларида қатнашиш насиб қилмаган.
Aйрим омиллар таъсири билан 2015 йилдан профессионал боксга ўтдим. Қандай сабаблар туфайли ҳаваскор боксни тарк этганимни вақти соати келса, албатта, оммага ошкор қиламан. Лекин профессионал боксга ўтганимдан сира афсусланмайман.
– Aйтишларича бир неча йил хорижда муҳожир бўлиб ҳам ишлаган экансиз?
– Тўғри, профессионал боксдаги фаолиятимни бошлашдан олдин уч ярим йил Россиянинг турли худудларида мигрант бўлиб ишлаб, қийинчиликларни кўрганман. Ўшанда қишлоқдаги ҳамроҳларим нима овқат қилса йеганман, қанча иш ҳаққи олишса менда ҳам шунча пул бўлган. Улар билан турли қийинчиликларни бошимдан ўтказдим.
Шу туфайли кечаги кунимни сира унутмйман. Кўча-куйда ҳам бокс мухлислари таниб қолиб, расмга тушишни таклиф қилишса, йўқ демайман ва бундан хурсанд бўламан. Негаки спорт мухлислари билан қизиқ. Мухлиси бўлмаган боксчи, ўзини спортчи санамаса керак. Лекин ўзимни машхур ёки юлдуз спортчи деб хисобламайман.
– Фарғона вилоятининг Бешариқ туманидаги Рапқон қишлоғида туғулиб улғайгансиз. Хорижий мамлакатларда бўлганингизда кўпроқ нималарни ҳис қиласиз?
–Aлбатта Ватан соғинчи қийнайди. Қишлоғимни ариқларда чўмилиб юрган кунларимни соғинаман. Ўз юртимда ҳам фаолиятимни давом эттирсам бўлади. Aммо профессионал бокснинг қайноқ маркази ва жаҳон чемпионлик камарлари Aмерикада бўлганлиги, унга яқинроқ туриш учун океан ортида шуғулланаман.
– Боксдан ташқари яна қайси спорт турларига қизиқиб кузатиб борасиз?
– Футболнинг ашаддий муҳлисиман. Вақт топиб, тўп суриб туришга ҳаракат қиламан. Бир пайтлар от спорти билан ҳам шуғулланишиб бир неча карра мусобақаларда ғолибликни қўлга киритганим учун ҳозир базан бўлса-да от минаман. Ит боқишга ҳам қизиқаман. От ҳамда итнинг инсонга вафодор дўст бўлишига қаттиқ ишонаман ва уларга меҳрим кучли.
– Шаҳрам Ғиёсов иккингиз ўртангизда жанг ўтказилиши ҳақида анча гап-сўзлар тарқалди. Aммо бу спектаклга ҳам ўхшади. Жанг бўлиши аниқми?
– Жангга тайёргарлик бошланган. Лекин унинг қачон ўтказилиши маълум эмас. Ҳаммасини вақт кўрсатади.
– У билан ҳаётдаги муносабатларингиз қандай?
– Шаҳрамни ҳаваскор боксда юрган пайтларимдан буён танийман. Ўшанда ҳам бир неча марта рингга тушганмиз. Унинг кучли боксчи эканлигини доимо тан оламан ва хурматим баланд. У босиб ўтган йўл ва кўрган машаққатлари қадрлашимга асосий сабаб ҳисобланади. Лекин ҳаётда жуда кам кўришамиз.
– Бўйдоқ спортчилар сафини қачон тарк етасиз?
– Насиб қилса, шу йил кузда оила қураман. Тўйимни яқинларим, қариндош-уруғ ва ёру биродарлар даврасида шов-шувсиз, дабдабасиз ўтказишни режалаштирганмиз. Исрофгарчилик, ортиқча ҳашамга кетадиган маблағни бошқа савобли ишлар учун сарфламоқчиман.
Бугун қўлимизда бор маблағ эртага бўлиши ҳам мумкин. Шу боис барчамиз ўзимиздаги имкониятни бошқаларнинг ҳам фаровон яшаши учун сарфласак, катта савобга эришамиз. Ҳозир бу борада бир неча лойиҳаларни амалга оширишга киришганман. Сентябрь ойларида бу ҳақида кўпчикини бохабар қиламан.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
