Немис мутахассиси «Ливерпул» устозига айлангач, бирин -кетин ўртамиёна трансферларни амалга оширишни бошлайди. Бир қарашда кулгули туюлган харидлар орадан вақтлар ўтиб ўзини тўлиқ оқлади ва мураббийнинг нақадар топоғонлигини белгилаб берди. Шу кунга қадар «Ливерпуль» клуби Клопп айтган бир нечта ўйинчиларни ҳарид қилди ва ҳеч бирида адашгани йўқ. Бугун Клопп томонидан амалга оширилган энг омадли ҳаридлар ҳақида сўз боради.
Вейналдум
«Барселона» билан бўлган жавоб баҳсининг супер қаҳрамонига айланган голландиялик футболчи «Ливерпуль»га ўтишдан аввал «Нюкасл» сафида АПЛда жон салқашга урунаётган футболчилардан бири эди. Тўғриси, унинг энг юқори даражаси «Нюкасл» клуби бўлиб, бундан кучлироқ жамоаларнинг бирортаси у билан қизиқмаган эди. Шундай бўлсада, Юрген Клопп футболчини сотиб олишларини раҳбариятга талаб вазифа қилиб берди ва уни 27 миллион евро эвазига ўз жамоасига қўшиб олди. Ҳозирда голландиялик футболчининг трансфер қиймати 60 миллион атрофида баҳоланмоқда. У ҳозирда кўҳна қитъанинг энг кучли ярим ҳимоячиларидан бири саналади. Жаноб Клоппнинг ажойиб топилмасига қойил қолмасдан иложимиз йўқ.
Садио Мане
«Соутгемптон»да ўзининг тезлиги билан ҳаммани ҳайрон қолдирган сенегаллик Садио Мане ҳам Клоппнинг буюртмаси эканлигидан хабарингиз бор. Ушбу трансферни амлага оширишдан аввал раҳбарият бу футболчига барқарорлик етишмаслигини, унда тезлик ва жисмоний устунликдан бошқа ҳеч қандай қобилият йўқ эканлигини қайта-қайта такрорласада, Клопп шу футболчини харид қилиш зарур деб туриб олади. «Ливерпуль» клуби босслари қайсар мураббийнинг талабини бажаришдан бошқа йўл топа олишмайди. Клопп Маненинг тўлиқ футболчи бўлишига ва очилмаган қирраларини очишда катта рўл ўйнайди ва бутун дунёга янги юлдузни таништиради. Маненинг трансфери 40 миллион еврога баҳоланган бўлса, ҳозирда бу футболчи 125 миллион евродан камига сотилмайди. Клопп чаққон йигитни супер юлдуз даражасига олиб чиқа олди.
Эндрю Робертсон
Шотландиялик футболчи 15 ёшга тўлган чоғида «Селтик» клуби у билан шартнома имзолашдан бош тортади ва Робертсон Шотландиянинг 3-двизионидаги жамоаларда тўп суришни бошлайди… Ўз кариерасида тинимсиз қоқилишларга учрасада, чекинмаган йигитни Клопп ўз жамоасида кўриш учун 9 миллион евродан воз кечганида кўплаб мутахассислар уни очиқчасига танқид қилишга тушиб кетишади. Шунга қарамасдан, Клопп ўз режасини амалга оширади ва футболчини «ливерпуль»га олиб келади. Ҳозирда трансфер қиймати 60 миллиондан кўпроғига баҳоланадиган қанот ҳимоячиси ўз амплуасида дунёнинг энг кучли футболчиси даражасига кўтарила олди. Клопп томонидан унга билдирилган катта ишонч ўз сўзини айтди ва Робертсон ўз ўйинини янги даражага олиб чиқишни уддалади.
Виржил ван Дейк
«Соутгемптон» футбол клубининг етакчиси сифатида АПЛ нинг кўплаб клубларни ўзига қаратган ҳимоячи кичик фурсат ичида супер юлдузга айланиб қолди…
Дарҳақиқат, Клопп ҳимояни кучайтириш мақсадида айнан Виржилни танлади ва уни дунёдаги энг қиммат ҳимоячига айланишига ҳам қарамасдан Виржилни харид қилди. Ўртамиёна ҳимоячи учун тўланган пуллар сабабли голландиялик футболчи катта босим остида қолиб кетди. Шундай бўлсада, жаноб Клопп бу сафар ҳам ҳаммани ҳайратда қолдирди. Виржил бу мавсумда АПЛнинг энг яхши футболчиси бўлган бўлса, ЕЧЛ баҳсларида уни ҳеч ким алдаб ўта олмаган илк ҳимоячига айланди. Мавсум сўнгида эса «олтин тўп» соврини учун асосий даъвогар бўлиб турибди. Бундан чамаси 2 ё 3 йил илгари бундай футболчи бор эканлиги ҳақида кўпчилик эшитмаган ҳам эди.
Муҳаммад Салаҳ
Лондоннинг «Челси» клубидаги жуда омадсиз мавсумлардан сўнг тушкун кайфиятда Италияга йўл олган мисрлик футболчи учун Клопп 42 миллион евро тўламоқчи эканлигини эшитган экспертлар уни танқидларга кўмиб ташлашди. Салаҳнинг ўйин услуби АПЛга мос эмаслиги, жисмонан бақувват эмаслиги ва ҳоказолар билан Клоппни кўп танқид қилишди.
Жамоага Салаҳ келгач илк мавсумнинг ўзидаёқ уни танқид қилганлар бошқа эфирга чиқа олмай қолди. Салаҳ бир мавсумнинг ўзида Месси ва Роналду даражасида машхурликка эришди ва дахшатли сермаҳсуллик намойиш этди. Илк ЕЧЛ финалини эрта тарк этган бўлсада, иккинчи финалда гол урди ва жамоасининг чемпионлиги учун катта ҳисса қўшди. Клопп уни мега юлдуз даражасига олиб чиқди. Бугунги кунга келиб унинг трансфер қимати 150 миллиондан ҳам ошиб кетди. Бу нақд 4 баробар қимматлашиш дегани. Юрген Клоппнинг топқирлиги олдида шляпамизни ечишдан бошқа иложимиз йўқ!
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов.jpg)
Қаҳрамон Асланов
Шуҳрат Шокиржонов
Шерзод Ражабов
