Бу жамоанинг трансфер бозоридаги ҳаридларини кўриб бироз ранжидим. Яқинлашаётган мавсумда АПЛ ғолиблиги учун курашмоқчи бўлган жамоа бирорта «ўйинни ўзига оладиган» ўйинчи ҳарид қилганича йўқ. Бугун «Манчестер Юнайтет» ва у ботиб қолган ботқоқ ҳақида сўз боради
Алекс Фергуссон ўхшаши бошқа топилмади
.jpg)
Ўйинларни сақични асабий чайнаб томоша қиладиган мураббийнинг кетиши жамоага шу қадар таъсир кўрсатишини таҳмин қилиш жуда мушкул эди. Афсуски, шундай бўлди. Ферги бобо чорак аср эгаллаб турган постини ташлаб кетдию, ўз рақибларидан илгарилаб кетган «қизил иблислар»нинг кемаси ботқоққа ботиб қолди. Аввалига Давид Моес ва ван Гал роса уруниб олиб чиқа олмаган кема кўлмакка маҳкам ўрнашиб олди. Шу қадар маҳкам ўрнашиб олдики, хатто «Беназир» уни жойидан силжита олмади. Сўнгра ҳеч ким кутмаган жойдан келган Сулшер клубни ботқоқдан олиб чиқдию, бепаён океанда адашиб қолди. Дарҳақиқат, адашиб қолди!
Шу ўринда бир фактни келтириб ўтишни истадим. Норвегиялик мураббийнинг жамоа бош мураббийи бўлишига Ферги бобо бошиданоқ қарши бўлган ва у билан профессионал шартнома тузмасликни раҳбариятдан илтимос қилган экан. Клуб мутасаддилари эса, жамоани ботқоқдан олиб чиққан мураббийга ишонч билдиришди ва футбол оламининг отаси айтган сўзларга қулоқ илишмади. Оқибатда клуб юқорида айтилганидек, катта океанда адашиб қолди ва бесамар суза бошлади. Унинг ортида келаётган бошқа кемалар эса осонлик билан уни ортда қолдириб кетди. Хатто ҳаммадан камроқ ёқилғИ ишлатувчи Почетино бошчилигидаги «шпорлар» ҳам улардан анча илгарилаб кетди. Айни дамда жамоа очиқ океанда адашиб юрибди…
Энг қизиғИ шундаки, Фергуссон Сулшернинг жамоа постига келишига қанчалар норозилик билдирган бўлса, Почетинони жамоа рули тепасига келишини шунчалик истаган эди. Афсуски, футболни у қадар тушунмайдиган америкаликлар унинг қарашларини эскилик сарқитига чиқариб қўйди ва ҳаммаси чалкашиб кетди…
Жамоанинг асосий юлдузи Алекс Фергуссоннинг кетишини катта трансферлар билан ёпиб юборишни мақсад қилган жамоа бирин-кетин ноаниқ трансферларни амалга оширишни бошлади. Клубнинг эгилган қаддини тиклаш мақсадида жамоага таклиф этилган Фалкао, Ди Мариа, Санчес, Рохо, Депай, Погба, Андер Эррера, Валдез, Феллайни, Ибраҳимович, Байи ва бошқа футболчилар кучли мутахассис йўқлиги учун жамоанинг ўйин фалсафасига мослашиб кета олмади. Тўғри, улардан баъзилар имкон даражасида ҳаракат қилган бўлиши мумкин, бироқ бирортаси жамоанинг етакчисига айлана олмади. «Қизил иблислар» трансферлар учун ҳамшаҳарларидан кам пул сарфлашмаган бўлсада, ўйин сифати ва даражаси борасида улардан анча ортда қолиб кетишди.
Гап шундаки, трансферларга сарфланган пуллар қиймати тенг бўлсада, мураббийларни танлашда адашган «Манчестер Юнайтед» «Ман Сити»дан анча ортда қолиб кетди.
Ҳозирда ёш ва ғалабага чанқоқ Сулшер нималарнидир ўзгартиришга урунаётган бўлсада, бу унинг қўлидан келмаслиги тобора аниқ бўлиб боряпти. Футболчиларга эркинлик бериш ва майдонда улар истаганича шароит яратиб бериш эвазига футболда кучли клуб тузиб бўлмайди. Тўғри, йигитлар эркинлик ва яхши кайфият фактори эвазига бир нечта ғалабаларни қўлга киритди, бироқ «Манчестер Сити» ва «Барселона» сингари ўз ўйин услубини шакиллантиришга муваффақ бўлган клублар олдида ип эша оламай қолди. Айнан шу жамоаларга қарши баҳсда Сулшернинг нақадар тактика ва стратегия борасида тажрибасизлиги кўриниб қолди. Аслида «ПСЖ» билан бўлган биринчи учрашувнинг ўзидаёқ Сулшер шунчаки мотиватор эканлиги кўриниб қолган эди. Иккинчи учрашувда эса «ПСЖ» ўз кучига ортиқча ишониб юбориши эвазига мағлуб бўлди. Ўша учрашувни 10 бор қайта ташкил қилсангиз ҳаммасини «ПСЖ»нинг қўли баланд келишини «Манчестер Юнайтед»нинг ашаддий мухлислари ҳам жуда яхши билишади.
Афсонавий 7-рақам эгасиз қолиб кетди
«Манчестер Юнайтед» клуби футболчиси Жорж Бест ўзининг афсонавий 7 – рақами ҳақида шундай деган эди :
«Мен бу рақамни қанчалар буюк эканлигини билар эдим. Уни эгаллаб янада буюк ғалабаларга эришдим. Бир куни уйқудан туриб ўйлаб қолдим. Мободо ўйинимда пасайиш кузатилса, мен 7 – рақамга нолойиқ бўлиб қоламанми?! Бир лаҳзада юрагимни қўрқув эгаллади. Эртага мени мухлислар 7 – рақамга нолойиқ эди деб эслашларидан қўрқиб кетдим»…
Ўз даврининг тенгсиз футболчиси ва ажойиб файласуф Жорж Бест бу рақамнинг клуб учун нақадар чуқур аҳамият касб этишини ўз сўзларида аён қилиб кетган эди…
Ундан сўнг бир нечта юлдузлар 7 – рақамга мос ўйин кўрсатишга қўлдан келганча урунишди. Фергуссон клуб академияси тарбияланувчиларига қора рангли бутсадан бошқасини киймасликни шарт қилиб қўйган бўлсаю, 7 – рақамга ҳурматни йўқотар эдими? Эрик Контана ва Бекҳамлар 20- аср сўнги ва янги аср бошида орқаларида ёзилган рақамга муносиб футбол намойиш этишди. Улар майдонда ғалаба учун қолганлардан икки ҳисса кўпроқ ҳаракат қилишди. Сўнгра бу рақам Роналдуга насиб этди. Шуни унутмаслик лозимки, Криш Ферги бобонинг қўл остига келгунига қадар Рикардо Қурежманинг соясидаги йигит эди. «Спортинг» клубидан келган озғин ўспиринни РОНАЛДУ қилган Ферги бобо ва клубнинг афсонавий 7 – рақами эканлигини унутмаслигимиз лозим. «Манчестер Юнайтед»нинг доимо кучли 7 – рақамли футболчилари бўлган. Афсуски, Роналду кетгач, бу рақам ишдан чиқди. Уни Депай ёки Валенция сингари футболчилар кўтара олишмади. Бора – бора бу рақам ҳақида жуда кўпчилик унутиб ҳам юборди.
Хулоса
.jpg)
«Ўз одатларини унутган халқ - йўқликка маҳкум» деганларидек, клуб бепаён океанда йўлидан адашган кемадек йўқолиб қолди. Футбол олами океанларданда кенг бўлиб, унда йўқолган клублар унутилишга маҳкум. Афсуски, «Манчестер Юнайтед» тобора унутилиб бормоқда. Янги мавсумда жамоанинг акцияли клуб тарихида рекорд даражада пастлаб кетди. Мухлисларнинг клуб ғалабасига бўлган ишончи пасайгани етмаганидек, халқаро бозорда ҳам жамоанинг савдоси кескин тушиб кетди. Авваллари иссиқ нон сингари бир зумда сотилиб кетадиган клуб футболкалари пештахталарда чанг босиб қоляпти. Жамоани елкасида кўтариб юриши кутилган Погба бошқа клубга ўтиш дардида ёнмоқда. Афсуски, вақт ўз жойида турмайди. 21 – асрда катта футболга кириб келган «Манчестер Сити» ва «Челси» клублари ҳозирги кунга келиб улардан ўйин сифати борасида илгарилаб кетди. Хатто «Тоттенҳем» клуби кичик бюджет бўлишига қарамасдан, тўғри йўлга қўйилган режа ва кучли мутахассис ёрдамида ЙЧЛ финалида ўйнади. Бу эса «Манчестер Юнайтед»нинг асосий рақиблари улардан қай даражада узоқлашиб бораётганини билдиради. Агарда Глейзерлар оиласи клубдаги ишни тўғри йўлга қўймаса, кучли мураббийни ўз вақтида клубга олиб келишни ортга сурса, АПЛ грандлари ва «Манчестер Юнайтед» ўртасидаги тафовут катталашиб кетади. Кейинчалик бу бўшлиқни тўлдириш учун бир неча йиллар керак бўлади…
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
