Ҳозиргина якунланган мавсум олди мусобақалар доирасидаги «Атлетико Мадрид» ва «Ювентус» жамоалари ўртасида учрашувдан сўнг, икки клуб мураббийлари журналистларнинг саволларига жавоб бериб ўтишди. Шунингдек журналистлар Роналдудан кичик интервью олишга муваффақ бўлишди. Ҳозир эътиборингизга ўйиндан сўнг билдирилган фикрларни тақдим этамиз.
Сарри
Бугун йигитлар ёмон ўйин ўтказишмади. Тўғри, натижа қониқарсиз бўлган бўлсада, жамоанинг ўйинларидан кўнглим тўлди. Кийиниш хонасида уларга бундай учрашувларда хатога қилиш мумкин бўлсада, сусткашликка йўл қўйиш мумкин эмаслигини уқтирдим. Бугунги учрашувдан асосий мақсадим ҳужумчиларнинг ҳам ҳимояда ёрдам беришларини йўлга қўйиш эди ва йигитлар бу кўрсатмани аъло даражада амалга оширишга муваффақ бўлишди.
Роналду ўз даражасидаги навбатдаги ўйинда иштирок этди. Мен ундан ҳар ўйинда гол кутмайман. Мен учун энг муҳим жамоанинг ўйинини шакиллантириш. Асосийси бу йигитлар бирлашган холда катта ғалабаларга интилишлари лозим. «Ювентус»нинг асосий мақсади ҳам айнан уюшқоқ ва шакилланган жамоани тузиш.
Тан олиш лозим Роналду бу клубнинг энг кучли футболчиси ва у жамоадошларини ўз ортидан эргаштира олади. Шундай бўлсада, биз майдондаги ҳар бир футболчидан ҳимоявий ўйинда фойдаланишимиз даркор. Роналду исталган позицияда ҳаркат қила олади. У энг кучли футболчи! Энг муҳими унга майдонда эркинликни яратиб беришимиз. Ана шундагина у ҳамма кутган ажойиб ўйинни намойиш этади.
Симионе
Ажойиб учрашув! Бугун менинг йигитларим кўрсатган натижадан жуда хурсандман. Тўғри, биз ҳимояда хато қиляпмиз, лекин бу камчиликни тўғрлаш учун ҳар машғулотлар чоғида алоҳида шуғулланаётганимизни ҳам қайт этиш жоиз. Мен қўрқмасдан Фелишни ўйиннинг энг яхши футболчиси деб атаган бўлар эдим. У ёш бўлишига қармасдан, «Реал Мадрид» ва «Ювентус»га қарши ажойиб ўйинларни ўтказди. У мақтовларга лойиқ! Ҳадемай биз илк расмий учрашувимизни ўтказамиз. Бугунги ўйин орқали биз янги мавсум олдидан тўлиқ тайёрланиб олишга эришдик. Бу ўйиннинг аҳамияти катта! Биз янги мавсумни ғалаба билан бошламоқчимиз ва «Ла лига» ғолиблиги учун курашамиз. ЕЧЛ? Агар бу мусобақада ғолиб чиқсак, сира ҳафа бўлмас эдим, лекин мавсум олдидан катта вазифани олдимга қўймоқчи эмасман. Биз учун «Ла Лига»да ғолиб чиқиш муҳимроқ!
Роналду
Биз яҳши ўйнадик, бироқ «Атлетико» бугун биздан кучлироқ футбол намойиш этди. Ўртоқлик ўйини бўлсада, мен учун «Атлетико»га бой берилган ўйин бироз аламли. Нима бўлган тақдирд ҳам «Атлеко Мадрид» мен учун азалий рақиб саналади.
Фелиш? У ажойиб футболчи. Мен Португалия терма жамоасида шундай йигитлар ўсиб келаётганидан хурсандман. Агар у ишлашда тўхтаб қолмаса, катта ютуқларни қўлга киритиши мумкин. Неймарнинг «Реал Мадрид»га ўтиши борасида ҳеч нарса дея олмайман. Неймар қайси клубда ўйнашни таналаш ҳуқуқига эга. Шундай бўлсада, Неймар «Барселона» жамоаси олдидаги бурчини унутмаслиги лозим. «Барса» Неймар учун жуда кўп нарса бера олди. Агар бу трансфер амалга ошса, жуда хунук иш бўлади. Шунга қарамасдан футболда ҳамма нарса бўлиши мумкин. Агарда Неймар «Реал Мадрид»га ўтса, «қироллик клуби» дунёнинг энг кучли футболчилардан бирини қўлга киртади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
