Испания чемпионатининг 5-турида жадвалда ёнма-ён бораётган "Гранада" ва "Барселона" жамоалари ўзаро тўқнаш келишди. Одатда аутсайдерлар сафида юрадиган гранадаликлар ушбу мавсумда бежиз яхши натижалар қайд этмаётганини исботлашди.
Учрашув аввалида Нелсон Семеду қўпол хатога йўл қўйиб, оддий вазиятни тўпни рақиб футболчисига бериб қўйди. "Гранада" дарҳол ўнг қанотдан хавфли ҳужум ташкил қилди. Пуэртаснинг зарбасидан кейин тўп Пикенинг оёғига тегиб, тер Штегеннинг устидан ошиб ўтди. Азиз эса чизиқ ёнида тўпни бош билан дарвозага тўғрилаб қўйди.
Каталонияликлар бутун баҳс давомида нурсиз ўйин намойиш қилиб, рақиб мудофаасини ёриб ўта олишмади. Ҳаттоки, иккинчи бўлим бошида майдонга Месси ва Фатининг тушиши ҳам ёрдам бермади. Бўлим охирларида бу икки футболчи иккита яхши комбинация ташкил қилишди. Аммо Ансунинг хавфли узатмасини, кейинчалик Мессининг зарбасини Руй Силва эгаллаб олишга муваффақ бўлди.
Иккинчи бўлим ўрталарида эса ҳакам VAR ёрдамида "Барселона" дарвозасига пенальти белгилади. Жарима зарбаси амалга оширилганидан кейин тўп Артуро Видалнинг қўлига теккан эди. Вадильо 11 метрли жарима зарбасидан унумли фойдаланиб, ҳисобни 2:0га етказди.
Ушбу ғалабадан кейин "Гранада" ўз очколарини 10тага етказиб, Ла лига жадвалида пешқадам бўлиб олди. Жамоа ушбу мавсумда фақат "Севилья"га кичик ҳисобда ютқазди. "Сельта" ва "Эспаньол"ни сафарда мағлуб этган бўлса, "Вильярреал" билан меҳмонда 4:4 ҳисобида дуранг ўйнаган эди. Ажойиб натижалар.
"Барселона" эса 7 очко билан ҳозирча 7-поғонада турибди.
Испания Ла лигаси, 5-тур
Гранада – Барселона 2:0 (1:0, 1:0)
Голлар: 1:0 – 2 Азиз, 2:0 – 66, пенальти Вадильо.
Гранада – Руй Силва, Диас, Дуарте, Херман Санчес, Нева, Эррера (Гоналон, 83), Монторо, Пуэртас, Азиз, Мачис (Вадильо, 62), Сольдадо (Фернандес, 58).
Барселона – тер Стеген, Семеду, Пике, Лангле, Фирпо (Фати, 46), Сержи Роберто, де Йонг, Ракитич (Видаль, 62), Карлес Перес (Месси, 46), Суарес, Гризманн.
Огоҳлантиришлар: Суарес (21), Пике (45), Сольдадо (48), Эррера (49), Фернандес (87).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
