Миср терма жамоаси ҳамда «Ливерпуль» етакчиси Муҳаммад Салоҳ ўзига хос ўтмишга эга. Шу кунга қадар ва ҳозир ҳам унинг атрофидаги воқеалар кишини қизиқтириб қўйиши табиий.
Муҳаммад Алининг мухлиси
Муҳаммад Салоҳ афсонавий боксчи Муҳаммад Алининг мухлиси ҳисобланади. Унинг боксчи шарафига «Муҳаммад» деб исм қўйилганми ёки йўқ, бу ҳақда аниқ факт мавжуд эмас.
Салоҳнинг карьераси ҳам Алининг фаолиятига ўхшайди: «Челси»да нокдаун, кейин эса Алига ўхшаб зафар чўққиси сари омадли интилиш.
Ўпич билан боғлиқ можаро
Салоҳнинг Европадаги биринчи клуби Швейцариянинг «Базел»и ҳисобланади. Бу ердаги биринчи мавсумидан кейин Муҳаммад Швейцариянинг энг яхши ёш футболчисини унвонини қўлга киритади. Совринни қабул қилиб олаётганда эса мукофотни унга тақдим этган қизнинг юзидан ўпиб қўяди.
Бу эса Мисрда катта можарога сабаб бўлади. Чунки Мисрда бундай ҳолат ахлоқсизлик ҳисобланади. Салоҳ эса бундай реакциядан таажжубга тушади: «Мен энг яхши бўлдим. Швейцарияда, бегона жойда мени қўллаб-қувватлашяпти, ўз юртимда эса танқид қилишмоқда».
Миср афсонаси
Айни дамда Салоҳ Мисрда афсонага айланиб улгурди. Айнан унинг голлари эвазига мамлакат терма жамоаси 28 йил деганда илк бор жаҳон чемпионатига чиқди. У АПЛ рекордчиси ҳисобланади, Месси ва Роналду билан рақобатлашмоқда, Африка ва АПЛнинг энг яхши футболчиси номларига эга чиққан. Бу билан эса Мисрнинг ҳам обрўси ортмоқда.
Салоҳ туғилган қишлоғи — Нагриг аҳлига ғамхўр. У кўп пул жўнатади, шу билан бирга мактаб, футбол майдонлари ва бошқа иншоотлар қурилишига ёрдам беради.
2017 йил охирида Салоҳ яна бир муҳим ишга қўл урди — маҳаллий валютани сақлаб қолди. Ҳукумат Миср фунтини хорижий валюта ёрдамида сақлаб қолиш ҳаракатини бошлаганида Салоҳ биринчилардан бўлиб ёрдамга келди — давлатга 210 минг фунт берди.
Бундан ташқари, Салоҳ камтарин. Хусусан, Миср мундиалга чиққанида маҳаллий бизнесменлардан бири футболчига вилла совға қилмоқчи бўлган, аммо Салоҳ буни рад этиб, қишлоғига ёрдам беришни сўраган.
Армияга бормаган
2014 йилда Салоҳнинг футболдаги келажаги сўроқ остида қолганди. Чунки у мамлакат қонунларига кўра мажбурий ҳарбий хизматга кетиши керак эди. Бу вақтда эса у «Челси»да ўйнарди. Хуллас, Бош вазир, таълим вазири ва Миср термаси устози бирга маслаҳатлашиб, Салоҳни армиядан олиб қолишга қарор қилишди ва Муҳаммад футболдаги карьерасини давом эттирди.
Майдонга тўкилган кўз ёшлар
Салоҳ болалигида «Эль-Мовкалун» жамоаси шарафини ҳимоя қилган. У дастлаб чап қанот ҳимоясида ўйнаган. Машғулотларга бориш учун 5 та автобус алмашишига тўғри келган. Аммо футболга бўлган муҳаббат олдида қийинчиликлар сезилмаган.
Ўйинлардан бирида Салоҳнинг жамоаси 4:0 ҳисобида ғалаба қозонган. Жамоадошлари хурсанд бўлса-да, Салоҳ майдонни кўз ёш билан тарк этган, у гол урмаганидан қаттиқ хафа бўлганди. Кейин эса мураббий уни ҳужумга ўтказди. Натижа ёмон бўлмади – «U16» ва «U17» жамоаларда Салоҳ 35 та гол урди.
Муҳаммадни «мисрлик Месси» деб аташади, чунки ўйинлари ўхшаб кетади. Салоҳнинг ўзига эса кўпроқ Роналду ёқади. Буни у қуйидагича изоҳлайди: «Ҳеч ким ўз устида Роналду каби ишламайди».
Қизининг исмини ўзгартирган
Салоҳнинг эътиқоди кучли. У ҳар бир голидан кейин Яратганга ташаккур айтади. Қолаверса, рўза пайтида ҳатто 35 даража иссиқда ҳам сув ичишни рад этган. Амалида мустаҳкам.
Муҳаммад қизига Макка деб исм қўйган. У дастлаб қизини «Мекки» исми билан (шаҳарнинг бир қисми) атаган, аммо бу казинолар тармоғи бўлмиш «Мекка Бинго» номига ўхшаб қолгани учун бу қарорини ўзгартирган. Сабаби Ислом динида қимор тақиқланган. Шу боис у қизининг исмини ўзгартиришга қарор қилган.
Манба: isport.ua
Киритилди: 16:39, 12.10.2019. Ўқилди: 7016 марта. Фикрлар: 1 та.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
