Misr terma jamoasi hamda «Liverpul» yetakchisi Muhammad Saloh o‘ziga xos o‘tmishga ega. Shu kunga qadar va hozir ham uning atrofidagi voqealar kishini qiziqtirib qo‘yishi tabiiy.
Muhammad Alining muxlisi
Muhammad Saloh afsonaviy bokschi Muhammad Alining muxlisi hisoblanadi. Uning bokschi sharafiga «Muhammad» deb ism qo‘yilganmi yoki yo‘q, bu haqda aniq fakt mavjud emas.
Salohning karyerasi ham Alining faoliyatiga o‘xshaydi: «Chelsi»da nokdaun, keyin esa Aliga o‘xshab zafar cho‘qqisi sari omadli intilish.
O‘pich bilan bog‘liq mojaro
Salohning Yevropadagi birinchi klubi Shveysariyaning «Bazel»i hisoblanadi. Bu yerdagi birinchi mavsumidan keyin Muhammad Shveysariyaning eng yaxshi yosh futbolchisini unvonini qo‘lga kiritadi. Sovrinni qabul qilib olayotganda esa mukofotni unga taqdim etgan qizning yuzidan o‘pib qo‘yadi.
Bu esa Misrda katta mojaroga sabab bo‘ladi. Chunki Misrda bunday holat axloqsizlik hisoblanadi. Saloh esa bunday reaksiyadan taajjubga tushadi: «Men eng yaxshi bo‘ldim. Shveysariyada, begona joyda meni qo‘llab-quvvatlashyapti, o‘z yurtimda esa tanqid qilishmoqda».
Misr afsonasi
Ayni damda Saloh Misrda afsonaga aylanib ulgurdi. Aynan uning gollari evaziga mamlakat terma jamoasi 28 yil deganda ilk bor jahon chempionatiga chiqdi. U APL rekordchisi hisoblanadi, Messi va Ronaldu bilan raqobatlashmoqda, Afrika va APLning eng yaxshi futbolchisi nomlariga ega chiqqan. Bu bilan esa Misrning ham obro‘si ortmoqda.
Saloh tug‘ilgan qishlog‘i — Nagrig ahliga g‘amxo‘r. U ko‘p pul jo‘natadi, shu bilan birga maktab, futbol maydonlari va boshqa inshootlar qurilishiga yordam beradi.
2017 yil oxirida Saloh yana bir muhim ishga qo‘l urdi — mahalliy valyutani saqlab qoldi. Hukumat Misr funtini xorijiy valyuta yordamida saqlab qolish harakatini boshlaganida Saloh birinchilardan bo‘lib yordamga keldi — davlatga 210 ming funt berdi.
Bundan tashqari, Saloh kamtarin. Xususan, Misr mundialga chiqqanida mahalliy biznesmenlardan biri futbolchiga villa sovg‘a qilmoqchi bo‘lgan, ammo Saloh buni rad etib, qishlog‘iga yordam berishni so‘ragan.
Armiyaga bormagan
2014 yilda Salohning futboldagi kelajagi so‘roq ostida qolgandi. Chunki u mamlakat qonunlariga ko‘ra majburiy harbiy xizmatga ketishi kerak edi. Bu vaqtda esa u «Chelsi»da o‘ynardi. Xullas, Bosh vazir, ta’lim vaziri va Misr termasi ustozi birga maslahatlashib, Salohni armiyadan olib qolishga qaror qilishdi va Muhammad futboldagi karyerasini davom ettirdi.
Maydonga to‘kilgan ko‘z yoshlar
Saloh bolaligida «El-Movkalun» jamoasi sharafini himoya qilgan. U dastlab chap qanot himoyasida o‘ynagan. Mashg‘ulotlarga borish uchun 5 ta avtobus almashishiga to‘g‘ri kelgan. Ammo futbolga bo‘lgan muhabbat oldida qiyinchiliklar sezilmagan.
O‘yinlardan birida Salohning jamoasi 4:0 hisobida g‘alaba qozongan. Jamoadoshlari xursand bo‘lsa-da, Saloh maydonni ko‘z yosh bilan tark etgan, u gol urmaganidan qattiq xafa bo‘lgandi. Keyin esa murabbiy uni hujumga o‘tkazdi. Natija yomon bo‘lmadi – «U16» va «U17» jamoalarda Saloh 35 ta gol urdi.
Muhammadni «misrlik Messi» deb atashadi, chunki o‘yinlari o‘xshab ketadi. Salohning o‘ziga esa ko‘proq Ronaldu yoqadi. Buni u quyidagicha izohlaydi: «Hech kim o‘z ustida Ronaldu kabi ishlamaydi».
Qizining ismini o‘zgartirgan
Salohning e’tiqodi kuchli. U har bir golidan keyin Yaratganga tashakkur aytadi. Qolaversa, ro‘za paytida hatto 35 daraja issiqda ham suv ichishni rad etgan. Amalida mustahkam.
Muhammad qiziga Makka deb ism qo‘ygan. U dastlab qizini «Mekki» ismi bilan (shaharning bir qismi) atagan, ammo bu kazinolar tarmog‘i bo‘lmish «Mekka Bingo» nomiga o‘xshab qolgani uchun bu qarorini o‘zgartirgan. Sababi Islom dinida qimor taqiqlangan. Shu bois u qizining ismini o‘zgartirishga qaror qilgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
