Футбол қанчалар ҳавфсиз спорт тури бўлиб кўринмаси, аслида ундай эмас. Айниқса, баъзи футболчилар майдонда бўлса, футбол янада ҳавфли спорт турига айланади. Англаганингиздек, бугун сўз жуда қўпол ўйин намойиш этувчи футболчилар ҳақида боради.
Найжел Де Йонг
Голландиялик футболчини футболчилик фаолияти давомида киритган голлари билан эмас, рақибларига етказган жароҳатлари орқали барчанинг ёдида қолган десак, адашамаган бўламиз. Қўпол ўйин борасида тенгсизлардан бири саналадиган Де Йонг 2010-йилда ўзининг энг пик формасига кўтарилди. Қаҳрамонимиз ўша йили аввалига ўртоқлик учрашувида Стюварт Ҳолдингнинг оёғини синдирган бўлса, ўша йили бўлиб ўтган ЖЧ финалида Хаби Алонсага оёқ билан зарба бериб интернет юлдузига айланиб кетди. Энг ачинарлиси эса, орадан бир неча ой ўтиб Ҳатем Бен Арфанинг кариерасини «сочиб» ташлади. Найжел французнинг иккита суягини синдириб юборгани етмаганидек, унинг футболчилик фаолияти уёқда турсин, оёқларида юриб кетишини ҳам катта савол остида қолдирди. Кейинчалик футболчи бир нечта клубларда ўз фаолиятини тиклашга урунган бўлсада, ҳар мавсумда ўртача 3 бора қизил карточка олиш одатини ташламади.
Марко Матерацци
Италиялик ҳимоячи ўзининг жуда қўпол ўйинлари билан биргаликда, ҳунук сўзлари билан ҳам рақибларининг ёдида қолган. Ўйин давомида рақибларнинг асабини янада таранглаштиришда италиялик футболчига етадигани йўқ эди. Энг ачинарлиси шундаки, Марко кўпинча рақибнинг етакчи футболчиларига қарши персонал тарзда тўп сурар, уларни сафдан чиқариш учун барча ифлосликлардан фойдаланар эди. Унинг қўпо ўйини ҳақида ўз интервьюларида кўп боре слаб ўтадиган Андрей Шевченко қуйидаги сўзларни айтган эди: « Марко позицияни бой бераётганини сезса, дарров майда қўида бузарлик ишлатади. Имкон бўлди дегунча жароҳат етказишга урунади. Афсуски, у бу ишни шу қадар усталик билан амалга оширадики, ҳакамлар назаридан кўпинча четда қолиб кетишни уддалай олади. Унга қарши Италиядаги барча ҳужумчилар ўйнашдан қўрқиб қолишгани ҳалигача ёдимда»
Дарҳақиқат, жисмонан бақувват футболчининг бирорта ёрқин ўтказган ўйини бўлмаса ҳам, ҳалигача мухлислар томонидан эсланади. Балки, Зидан билан бўлган воқея сабаблидир?!
Вини Жонс
Энг тез қизил карточка олган футболчи сифатида (Ўйиннинг 3 секундида) АПЛ тарихида абадий қоладиган қаҳрамонимиз ўзининг жанжалкашлиги билан барча мухлисларга яхши таниш десак, адашмаган бўламиз. Жонс ўзининг жуда қўпол ўйини билан АПЛ ҳужумчиларининг кушандасига айланган Жонс ўйин пайтида ҳеч нарсадан чўчимас, қизил карточка унинг учун одатий холга айланган эди. Тўп учун курашларда бутсанинг таг қисми билан киришадиган Вини АПЛдаги узоқ давом этмаган фаолияти давомида 128 бор сариқ карточка билан огоҳлантирилган бўлса 12 бор майдондан четлатилишга ҳам улгурган. Кейинчалик, футболдан зерикиб қолган жалжалкаш йигит ўз фаолиятини кинода давом эттиришга қарор қилади. Винни ўз иштирок этган деярли барча фильмларда салбиий қаҳрамон рўлида иштирок этган бўлсада, унга кутилганидек машхурлик насиб этмади. Ачинарлиси, ҳозирда футболчи руҳий кассаликлар билан оғриб қолган, ва бир неча йиллардан бери ушбу касаликларга қарши мардонавор курашиб келмоқда.
Кевин Мускат
Асосан АПЛнинг кучсиз жамоаларида тўп сурган Мускат машхур футболчиларни сафдан чиқариш бўйича, ўзига ҳос реcорд ўрнатган. Австралиялик футболчи бир мавсумнинг ўзида Эшли Янг, Дуггари, Барош ва Белламини бир неча ойга футболдан четлатишга «муваффақ» бўлгани билан ҳам жуда машхур. Бундан ташқари, қаҳрамонимиз ўйин давомида ҳеч кимни аяб ўтирмас, хатто бир сафар рақиб жамоанинг мураббийси билан ҳам ўйин пайтида муштлашиб кетишгача боради. Чемпионшипдаги фаолияти давомида эса, ундан жабр кўрмаган ҳужумчи қолмаган десак, адашамган бўламиз. Ўз фаолияти давомида 123 бор сариқ карточкага лойиқ кўрилган Мускат, 15 бор қизил карточка билан «сийланган» бўлсада, ўз ўйин услубидан воз кечмагани ажабланарли. Энг қизиғИ шундаки, қаҳрамонимиз ўзининг хайрлашув учрашувида ҳам икки бор сариқ карточка олиб майдонни қарсаклар остида тарк этган. ОАВ томонидан ўтказилган сўровномада, Кевин Мускат футболдаги энг ёқимсиз инсон номинациясида катта фарқ билан ғолиб чиққани сўзимизга исбот бўла олади.
Рой Кин
«Манчестер Юнайтед»нинг марказий зонасини бир ўзи эплай оладиган даражада куча эга бўлган ирланд «қизил иблислар» мухлисларининг ёдидан кўтарилмагани аниқ. Ўзининг кескин паткатлари, ҳакамга босим ўтказиши ва бир эмас, 3 футболчини бутсаларини михга илишга мажбур қиладиган даражада жароҳат етказгани билан «ёввойи» лақабини (шунингдек Кино лақаби ҳам мавжуд) ортирган Ройни эслаб ўтмаслик адолатдан бўлмас эди. Ҳеч қачон ҳакамларда беркитиб қўполлик ишлатмаган Кин ҳакам томонидан қизил карточка кўрсатилиши билан майдони тезда тарк этар, ҳеч қачон бу борада баҳслашиб ўтирмас эди. Унинг қизиққон ҳарактери туфайли клубнинг ёш футболчилар ҳам ҳайқиб туришар, хатто Роналду ҳам унинг кийиниш хонасидаги ўрнига ўтириб олишдан қўрқанин яшириб ўтирмайди. Кин ўйин пайтида нафақат рақибларини, балки сусткашликка йўл қўйган жамоадошларини ҳам аяб ўтирмас, уларни бўралатиб сўкаверар эди. Унинг бу ҳаракатларига афсонавий Фергуссон қуйидагича изоҳ берган эди: «Ҳар бир жамоанинг ўз питбулли бўлиши лозим» Ўз фаолияти давомида клублар миқиёсидаги барча мусобақада ғолиб чиққан ирланд ҳозирда мураббийлик фаолиятини олиб бормоқда ва ҳозирча жанжаллардан бошқа каттароқ натижага эришанича йўқ.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
