Ўзбекистон лига кубоги ярим финалининг дастлабки ўйини якунланди. Ушбу босқичда “Қўқон-1912” жамоаси ўз уйида “Пахтакор”ни қабул қилди.
Учрашувнинг 5-дақиқасида меҳмонлар ҳисобни очишди. Қанотдан оширилган тўпни Драган Черан боши билан дарвозамизга аниқ йўллади. Орадан икки дақиқа ўтиб, қўқонликлар пенальти тепиш ҳуқуқига эга бўлишди. Пенальтини эса Суҳроб Бердиев аниқ амалга ошириб ҳисобни тенглаштирди. 24-дақиқада рақибларимиз жарима тўпи тепиш ҳуқуқига эга бўлишди. Машариповнинг жаримадан тепган тўпини Абдуллаев яна қайтарди.
Биринчи бўлим сўнггида меҳмонлар босимни кучайтиришди. Натижада ҳакам томонидан қўшиб берилган дақиқаларда иккинчи тўпни киритишди. Одил Ҳамробеков тепган тўп рикошет холатида футболчимизга тегиб, мезбонлар дарвозасидан ўрин олди. Танаффусга жамоалар шу ҳисобда чиқиб кетишди.
Иккинчи таймни “шерлар” фаол тарзда бошлашди. 52-дақиқада Ҳамдамов-Черан-Сергеев комбинацияси чиройли бўлган эди. Жасур Ёқубов ўз вақтида хавфни бартараф қилди. 55-дақиқада Ҳамидулло Абдуҳамидовнинг яқин масофадан берган зарбаси бирозгина ноаниқ бўлди.
59-дақиқада “Пахтакор” футболчилари учинчи тўпни киритишди. Бу сафар Игорь Сергеев жамоадошлари бошлаб берган ҳужумни самарали якунлади. 70-дақиқада "Қўқон-1912"да ҳисобни тенглаштириш учун яхши вазият вужудга келганди. Отабек Ҳайдаров қулай имкониятни кўкка совурди.
78-дақиқада Шаҳбоз Эркиновнинг бош билан берган зарбаси дарвоза тўсинига тегиб қайтди. 79-дақиқада эса Достонбек Ҳамдамов рақибларнинг тўртинчи голига муаллифлик қилди. 81-дақиқада майдон эгалари ҳисобни қисқартиришди. Захирадан майдонга тушган Шаҳбоз Эркинов рақиб дарвозасини ишғол этди. Авазхон Маматхўжаев барчасини аъло даражада ижро этиб, тўпни жарима майдончасига узатди. Дарвозабон ва ҳимоячиларнинг орасида турган Эркинов вазиятдан унумли фойдаланди. 86-дақиқада Эркиновнинг зарбаси дарвоза устунига тегиб қайтди.
Қолган дақиқаларда мезбонлар бир қатор вазиятларни юзага келтирганларига қарамай, ўйин якунига қадар ҳисоб ўзгармади. Шу тариқа, "Пахтакор" Лига кубоги финалига йўл олди.
Ўзбекистон лига кубоги
Ярим финал
“Қўқон-1912” – “Пахтакор” – 2:4 (1:2)
Ҳакамлар: Жасур Мухторов, Санжар Шоюсупов, Алишер Усмонов, Иброҳим Исмоилов.
Назоратчи: Константин Смирнов.
Комиссар: Александр Давиденко.
Голлар: Суҳроб Бердиев (7 пен), Шаҳбоз Эркинов (81) - Драган Черан (5), Одил Хамробеков (45+2), Игорь Сергеев (59), Достон Хамдамов (79)
“Қўқон-1912”: 1. Ислом Абдуллаев, 7. Жамшид Ҳасанов, 10. Қувондиқ Рўзиев (11. Тимур Ҳакимов – 64), 14. Авазхон Маматхўжаев (72. Алишер Саматов – 85), 15. Ойбек Рустамов, 19. Суҳроб Бердиев, 20. Иқбол Маликжонов, 23. Александр Мерзляков, 27. Жасур Ёқубов, 29. Ҳамидулло Абдуҳамидов, 91. Отабек Ҳайдаров (22. Шахбоз Эркинов – 72).
Захира: 33. Музаффар Абдуллаев, 9. Зафар Тўраев, 16. Жасур Ҳасанов, 21. Тимур Усмонов, 65. Марко Милич.
“Пахтакор”: 25. Элдор Суюнов, 3. Хожиакбар Алижонов, 9. Жалолиддин Машарипов (77. Ҳусниддин Ғофуров - 84), 10. Драган Черан, 11. Игорь Сергеев, 15. Егор Кримец (23. Шерзод Аъзамов – 46), 17. Достонбек Ҳамдамов, 20. Одил Ҳамробеков, 27. Сардор Собирхўжаев (29. Владимир Козак – 82), 34. Фаррух Сайфиев, 55. Марко Симич.
Захира: 35. Санжар Қувватов, -5. Алишер Салимов, 14. Хумоюнмирзо Иминов, 19. Шохрух Маҳмудхожиев, 21. Марат Бикмаев, 43. Иброҳимхалил Йўлдошев.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
