Микел Артета мураббий сифатида кимдан сабоқ олиб кўзи пишганини барчамиз яхши биламиз. Пепнинг ёнида ўтган йиллар Артетадаги мураббий шахси учун тажриба, омад, муваффақият ва яна бошқа кўплаб ижобият экани аниқ. Аммо, испаниялик мутахассис ҳеч қачон Артетанинг ҳозирги вазияти каби ҳолатда бўлмаган. Шунинг учун ундан устозининг услуби ёки йўлини кутиш нотўғри бўлади. Фикримни изоҳлашга ҳаракат қиламан.
Гвардиола замонавий футболга ўз имзоси билан кирган, тарих учун кичик, бироқ футбол учун етарли даражада катта бир давр мобайнида ҳукмрон услуби ва ўйини бўлган "Барселона"ни шакллантирди. (Кимдир, бу ўйин Гвардиолагача ҳам бўлган, деса, мен "ҳа, шундай", - дейман. Баҳслашмайман!).
Каталон клуби чўққида экан ўша даврда унинг ўйинига энг ўхшаш, энг яқин ўйин фикримча "Арсенал"да эди. Илло, Венгер фаолиятининг катта бир қисми фақатгина унинг жамоасигагина хос бўлган жароҳатлар билан ўтди. Бу ерда лигалар ўртасидаги фарқли ҳолатлар ҳам ўта муҳим роль ўйнаган. Испан футболидаги руҳият тики-така учун ўта идеал. Аммо, АПЛда вазият бошқача. Руҳият ўзга, тезлик ва кураш ритми баланд. Бу ерда саноқсиз майда узатмалар устига ўйинни қуриш учун таркиб эгилувчанлиги жуда юқори бўлиши даркор. Яъни, кенг ва муҳташам (икки) таркиб зарур. Арсенга "Арсенал"да шунинг йўқлиги панд берди. Гвардиоланинг ўзи МСда буни айнан ўша муҳташам имкониятлар ва битмас-туганмас ресусрлар орқали уддалади.
Муаммо шундаки, “Арсенал” раҳбарияти ҳали ҳам катта мақсадларни амалга оширишга қодир таркиб шакллантириш фикри, хоҳиши ва иродасидан йироқ. Артета иложи борича устозининг эмас, ўзининг хос услуби ва йўлини топгани маъқул. Бироқ, бу албатта тики-такага зид бўлиши ёки ундан олисда бўлиши шарт ҳам эмас. Яъни, янгилик ихтиро қилиш эмас, борини мукаммалаштириш, ўз футболчилари имкониятларидан келиб чиқиб шакл бериш лозим.
Ўзи нега Артета ҳақида ёздим. Яна саноқли дақиқалардан сўнг Футбол ТВ телеканилида унинг жамоаси иштирокидаги ўйин трансляцияси бошланади. Ўйиндан ўйинга унинг мураббий сифатидаги арсеналида қандай қуроллар борлиги ҳақида тасаввур ҳосил бўлмоқда. Ҳали якуний фикрларга эрталиги рост. Лекин, айнан мана шу Артетанинг арсеналидаги қуроллар “Арсенал”нинг истоқболини белгилайди.
Кўрамиз, бугун нима бўлар экан?!
Футбол ТВ, Cоат 19:00
“Бёрнли” – “Арсенал”
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
