“Брюгге”га қарши учрашув МЮнинг бугунги ўйини олдидан таҳлил қилиш учун ҳеч нарса бермайди. Катта ротация сабаб аниқ ҳолатни баҳолашда янглишиб қолишимиз эҳтимоли ошади. Бироқ, “Челси”га қарши ўйин ҳақиқатдан ўрганишга арзийди.
Лондон жамоаси мухлислари албатта ўша ўйиндаги VAR билан боғлиқ баҳсли ҳолатларнигина эслашса керак. Аммо, айни пайтда Сульшернинг таркиби ҳақида ижобий фикрларни нейтраль мухлислар ҳам эътироф этишса керак. Марсьяль спорт формасини тобора яхшилаб бормоқда. Тезлик, дриблинг, зарба кучи ва аниқлиги, вазиятни тўғри баҳолай олиш – бир ҳужумчига нима керак бўлса ҳаммаси бор унда, аслида. Бруну Фернандеш ўйинга тез киришиб кетди. (Масалан, мен бироз вақт керак бўлади, деб ўйлагандим). Йўқ! Португалиялик футболчи майдонда аллақачон эркин нафас олмоқда. Унинг “Стэмфорд Бридж”даги ассистидан ташқари ҳеч қандай алоҳида ҳаракатлари ҳам бундай дейишга имкон бермоқда. Аорон Ван-Биссака ҳимоядаги ишларидан ортиб, ҳужумга ҳам кўмак беришни бошлаб юборди. Фред эса ҳатто билмай қолипман икки ойдан буён клубнинг энг яхши футболчиси сифатида эътироф этилаётган экан!
UEFAнинг “Манчестер Сити” ишидан сўнг ЧЛ йўлланмасини тақдим этувчи 5 ўрин ҳақида кўп айтилди. Амалда МЮ тўртлик учун ҳам курашиши мумкин. Ҳар ҳолда Сульшер шогирдлари рақобатчиларидан бири “Челси”ни енгиб бу ҳаракатни бошлаб юборди.
Хуллас, бугун ўтадиган 19-ўринда бораётган “Уотфорд”га қарши ўйин муаммо бўлмаслиги лозим. Аммо, гап шундаки мавсумдаги биринчи ўйинда шу коллектив ғалаба (2:0) қозонгани ҳам факт. Бу ўйинимизга фақат кескинлик тақдим этади, менимча.
Демак, футбол мухлисларини “Манчестер Юнайтед” – “Уотфорд” учрашувини томоша қилишга чорлаб қоламан. Манзил ўша-ўша!
Матнда хатолик топсангиз, ўша хатони белгилаб, бизга жўнатинг (Ctrl + Enter).