Аслида, Филиппе Коутиньо масаласига тўхталмоқчи эмасдим. Аммо ҳозир сўнгги хабарлардан бирига кўзим тушди-ю, рости бразилиялик ИҚТИДОР ЭГАСИга ачиндим.
Хуллас, Коутиньо бўйича вазиятдан хабардорсиз: "Барселона" сотмоқчи, "Бавария" ижарага олган, аммо сотиб олмоқчи эмас, Каталония клубига қайтармоқчи, "Барселона"да жой йўқ, испан клуби Филиппени қандай қилиб бўлмасин сотиши керак, шунинг учун нархини 70 млн фунтгача туширди, аммо шу пулга ҳам харидор чиқмаяпти. "Челси"дан қизиқиш бор, аммо "кўк-анорранглилар" футболчини фақат ижарага олмоқчи, холос, 70 млн фунт кўплик қилади, деб ҳисоблаяпти. "Ливерпуль" қайтариб оларкан, деган миш-мишлар чиққанди, аммо айни пандемия пайтида "қизиллар" раҳбарияти Коутиньо учун пул сарфламаса керак.
Коутиньо юқоридаги каби аросатда қолишга муносиб футболчи эмас (иқтидори жиҳатидан). Характер жиҳатдан эса бунга муносиб. Эҳтимол, футболчининг мухлислари бу фикрим учун мени қоралашар, аммо Коутиньонинг айни керак пайтида "Ливерпул"дан қандай кетгани, кетиш учун нималар қилгани ёдимизда.
Аслида, Коутиньо Ливерпулдан кетганидан кейиноқ тақдир томонидан жазоланганди. "Барселона" ЕЧЛда узоққа боролмаган, "Ливерпуль" эса ЕЧЛ ғолиби бўлганди. Қизиғи, Филиппе совринлар учун "Барса"га ўтганди. Энди таққослаймиз, Коутиньо кетганидан кейин Клопп жамоаси ЕЧЛ бош совринини қўлга киритди. Шунингдек, АПЛ чемпиони бўлишга жуда-жуда яқин турибди. Агар Коутиньо ҳозир Ливерпулда бўлганида, шаҳарнинг бош жамоаси сафида тарихий совринни қўлга киритиб, катта эҳтимол билан жамоанинг асосий футболчиларидан бири сифатида шон-шуҳратга бурканарди. Аммо ўша пайтдаги нотўғри қарори, "қулоқсизлиги" туфайли бугун кераксиз футболчига айланди-қолди. "Барселона"-ку майли, Коутиньонинг чизиғида ўйнайдиган футболчилар бордир, аммо марказда Филиппенинг даражасидаги футболчиси бўлмаган "Бавария" ҳам бразилияликни сотиб олишни истамади. Эҳтимол, биз айтаётган ўша иқтидорли Коутиньо бугун оддий Коутиньога айлангандир. Нима бўлганда ҳам, биргина нотўғри қадам Филиппени порлоқ келажакдан деярли маҳрум қилди.
Шунинг учун нима бўлганда ҳам садоқат ҳеч қачон панд бермайди. Эҳтимол, совринсиз қоларсиз, аммо Тотти, Де Росси каби садоқат тимсолига айланасиз. Сизни ҳурмат билан ёдга олишади. Ҳатто пул устун бўлган соҳада ҳам садоқатнинг ўрни бўлак. У ана шундай буюк хислат.
Низомжон ИСЛОМОВ
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
