30 апрель куни кўп воқеалар содир бўлган. Дейлик, 2019 йили Лондонда “Тоттенҳэм” Амстердамнинг “Аякс”ига 0:1 ҳисобида ютқазиб қўйган. Ўша пайти бирор бир одам Почеттино йигитлари жавоб баҳсининг иккинчи ярмида футбол тарихидаги энг ажойиб камбэклардан бирини амалга оширадилар деб тахмин қилмаганди.
Шунингдек, 2013 йили 2013 йили “Реал” Мадридда “Боруссия” билан ярим финалнинг жавоб ўйинини ўтказган ва бир ҳафта олдинги Левондовскийнинг тўртта голига етарлича жавоб бера олмаганди – 2:0, бир голнинг қиймати ЕЧЛдан чиқиб кетиш билан баробар бўлган.
Янада ўтмишроққа борсак, 2003 йилнинг 30 апрели ЕЧЛ ғолиби “Милан” чорак финалнинг жавоб ўйинида “Аякс”ни доғда қолдиргани ва ярим финалга йўл олгани билан эсланади. Охиригача Шевченко жамоадошлари шиддат билан боришган.
Биз бугун у ўйинларга эмас, таваллуд санасини нишонлаётган ажойиб дарвозабонга эътиборимизни қаратмоқчимиз. Марк Андре ТерШтеген. Германия терма жамоаси ва "Барселона" клуби посбони.
ТерШтеген дарвозабонларнинг Роналдуси деган таъриф менга ёққанди. Чунки у устида энг кўп ишлаган, хатоларини мунтазам тўғрилаб борган ва ватанида “дарвозабонлар Мессиси” билан жой талашиб келмоқда.
28 баҳорни қарши олаётган Марк Андре тўрт йил муқаддам энг кўп танқид қилинадиган дарвозабон эди. Бироқ, Барса таркибида у шу қадар ўсдики, бугунги кунда ярим жамоа деган таърифни бошқаларга қараганда кўпроқ германиялик киперга нисбатан ишлатишмоқда. Месси қутқаргунча, Тер Штеген ҳисобни ушлаб туриши керак, деган гаплар ҳам чиқди.
"Барселона" ақлимизни танибмизки, ўта ишончли дарвозабонга эга бўлмаганди. Ниҳоят топди. Натижаларнинг кўпида айнан Марк Андренинг бевосита ҳиссаси бор.
Каталонияликларнинг майда паслари авжига олгани сари рақиб клублар уларни ўз жарима майдончалари олдида прессинг билан тўхтатишга уринишаётганини кузатмоқдамиз охирги пайт. Мана шундай пайтда Тер Штеген сиймоси янада ёрқинроқ гавдаланяптики, у қуршовда қолган жамоадошлари ичидан биргина очиқ ўйинчини топишда беқиёс ҳаракат қилади. Бир неча голга ассист бўлишининг сабаби ҳам шу.
Марк Андренинг бу қадар улғайишига терма жамоадаги рақобатчиси Худо берган қобилият бўлганими ё Барселонанинг ўйин услубими деган саволга чиройли жавоб бор: “Марк Андре ҳеч ким билан рақобатлашишни истамайди. Устида ишлайди. Бўлди”.
Бу унинг ўзининг жавоби.
Германия терма жамоасига фақат ҳавас қилсак бўлади. Нойери бор юрт у билан-да тенг кураша оладиган яна бир посбонига эга бўлиб улгурди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
