Туркия футбол федерациясининг ташқи алоқалар бўйича қўмита аъзоси Гюркан Теоман туркийзабон мамлакатлар ўртасида мусобақа ташкил этишни таклиф қилди.
Azerisport.com тарқатган хабарга кўра, турнирга "Турон кубоги" номи таклиф этилди. Ушбу мусобақани ташкил этиш учун ишчи гуруҳ ташкил этилди.
Теоманнинг фикрича, бундай турнир мамлакатларнинг халқаро тажрибасини ошириб, молиявий фойда ҳам келтиради.
«Бу мусобақа жамоаларнинг миллий чемпионатлардаги иштирокига халал бермайди, уларнинг телетрансляциялар ва ҳомийлардан оладиган даромадини оширади. Шунингдек, бу клублар ўртасидаги алоқаларни мустаҳкамлайди», - деди Теоман.
Агар режа амалга ошса, унда Туркия, Ўзбекистон, Озарбойжон, Қозоғистон, Қирғизистон, Туркманистон ва Кипр клублари иштирок этиши кутилмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).