Афсонавий фильмларда қачондир, қаердадир бир қаҳрамон дунёга келиб, бутун борлиқни ўзгартириб юбориши эпизоди жуда кўп учрайди. Мана шундай ҳодисалардан бири инсоният кўз-ўнгида намоён бўлади.
24 июнь, Жанубия Америка, Аргентина деб аталмиш ўлканинг Росарио шаҳрида оддий хонадонлардан бири, Хорхе Орасио ва Селия Мария оиласида бир қаҳрамон туғилади. Акалари ва синглиси билан шу ерда улғаяди. У бувиси Салия туфайли тўп билан ошно тутилади.
Кейинчалик, Росариодаги маҳаллий жамоалардан бирида футбол ўйнай бошлайди. Лео таъсирчан шу боисдан, бу машғулотдан ўзини айро ҳис эта олмайди. Ҳали дунёга келмасидан унга ато этилган иқтидор ва куч уни шу кўйга солар, балки. 11 ёшли болакай кутилмаганда бўй масаласи билан боғлиқ маммоларга дуч келади.
Бўлғуси феноменнинг муолажаси учун ойига 900 доллор сарфлашдан бош тортиб, келажакда миллиардлардан қуруқ қоладиганлар ҳам топилади. Аммо, ушбу митти олмос дунё грандларидан бири, “Барселона“нинг диққатини тортади ва клуб, кўпчиликдан фарқли ўлароқ бу кичик жусса келажакда нималарга қодир бўлишини англай олади. Шундан сўнг, “Каталония“ Лео учун иккинчи уйга, қадрдон ва азиз гўшага айланади. Месси бу ерда ўсади, камол топади. Йиллар ўтиб, у нафақат уз юрти балки, ҳар бир Испаниялик учун севимлига айланади. Ҳатто, Каталониядаги ҳар бир хонадон у билан дастурхон атрофида кечки овқат қилишга интиқади. Унин майдондаги ҳаракатлари шу қадар ҳайратланарли бўладики, уну тўхтатиш мушкулотга айланади. Ўз ёши тоифасида олимпиада ва жаҳон чемпиони бўлади. Шундан сўнг, катта орзулар томон ҳаракат бошланади. Майдонда Хави, Иньеста ва Роналдиньо каби даҳолар, майдон ташқарисида эса Кройф, Райкард, Гивардиола сингари устозлар уни мукаммалик сари етаклайди ва у 22 ёшида мана шу чўққини забт этади. Сўнг, бу ишни яна 5 марта балки, ундан ҳам кўпроқ такрорлайди. Уни “сеҳргар“, “афсона“, “қирол“, “ўзга сайёралик“ каби номлар билан аташади. Ҳатто, эскиргани сари яхшиланиб борадиган винога қиёслаганлар ҳам бўлади. Чунки, у бир қанча ўнлаб рекордларни янгилаб ташлайди, совринларни магнит сингари ўзига тортиб олаверади.
Унинг футболдаги йўли бир текис бўлмайди. Мағлубиятлар, аччиқ хотира бўлиб сақланади, бўшлиқлар, етишмовчиликлар юзага келади. Аммо, Месси тўхтамайди, аксинча қийинчликларда тобланиб, янада кучли бўлиб бораверади. Вақти келиб, уни аср футболининг асл қаҳрамони дея эътроф этишганида башорат амалга ошади!
Дадажон ФОЗИЛЖОНОВ
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
