Беларусь чемпионатининг 19-тури доирасида "Энергетик-БГУ" ўз уйида "Торпедо-БелАЗ"ни қабул қилиб, йирик ҳисобда мағлуб бўлди.
"Талабалар" баҳсни жуда яхши бошлашган эди. Учрашувнинг 31-дақиқасида Умаровнинг узатмасидан кейин Гирс бўш дарвозани ишғол қилган эди. Аммо тайм тугашига 3 дақиқа қолганида меҳмонлар ҳисобни тенглаштиришди.
Иккинчи бўлим бошида "Энергетик" футболчиси Юдчиц рақибга нисбатан фол ишлатгани учун пенальти белгиланди ва ўзи майдондан четлатилди. "Торпедо" пенальтидан ҳисобда олдинга ўтиб олди ҳамда қолган дақиқаларда яна 2та гол уриб, ҳисобни йирик кўринишга келтирди.
Бугунги мағлубиятдан кейин "Энергетик-БГУ" 7-ўринга тушиб қолди.