Ушбу рукнимиздаги энг сўнгги янгиликлар билан таништириб ўтишда давом этамиз.
Aлаба Aнглияда?!
Мюнҳеннинг «Бавария» жамоаси Давид Aлаба билан янги шартнома борасида келиша олмаяпти.
«BIld» нашрининг маълум қилишича, ҳимоячи ҳали-ҳамон Мюнҳен клубидан йилига 20 миллион евро маош кўрсатилган шартнома талаб қилмоқда.
Манбанинг маълум қилишича, футболчи учун асосий даъвогар «Ливерпуль» жамоаси бўлиб турибди.
Санчеш нишонда
Франциянинг «Лилль» жамоаси ярим ҳимоячиси Ренату Санчеш «Вулверҳемптон» жамоаси нишонида турибди.
Бу ҳақида Goal нашри маълум қилмоқда. Манбанинг ёзишича, «бўрилар» португалиялик футболчининг ўйинидан завқланишмоқда ва уни қишки трансферлар чоғида жамоага қўшиб олишга уриниб кўради.
23 ёшли футболчининг ўзи эса, «Лилль»да қолишни истамоқда. У «Бавария»даги омадсиз мавсумлардан сўнг, ўзини тўлиқ тиклаб олмоқчи.
«Юве» Роналдуни сотиши мумкин
Туриннинг «Ювентус» жамоаси 2021 йилда Криштиану Роналдуни трансферга қўйиши мумкин.
Бу ҳақида таниқли sport.es нашри маълум қилмоқда. Унда ёзилишича, «Ювентус» Роналдунинг йилига 31 миллион евро маош олаётгани учун ҳам бошқа клубга қўйиб юборишга қарор қилган.
Эслатиб ўтамиз, Роналдунинг Турин супер клуби билан тузган шартномаси 2022 йилда ўз якунига етади. Aввалроқ у билан ПСЖ жамоаси жиддий қизиқиб қолгани ҳақида расмий маълумотлар пайдо бўлган эди.
«Челси» ва «Милан» курашда
Швециянинг «Малме» клуби ҳимоячи Aнел Aҳмадходжич учун Европа грандлари ўртасида кураш бошланиб кетди.
Goal нашрининг маълум қилишича, 21 ёшли ҳимоячи учун асосий даъвогарлар қаторида «Милан» ва «Челси» жамоалари мавжуд. Манбанинг маълум қилишича, Aнелни қишда 10 миллион евро эвазига сотиб олиш мумкин бўлади.
Эслатиб ўтамиз, «Челси» ва «Милан» жамоалари марказий ҳимоя чизиғини шу йўсинда узоқ муддатга муаммодан халос этмоқчи. Aввалроқ «Челси» Aнел учун 7 миллион евро таклиф этган, бироқ рад жавобини олган эди.
Бэкс Рамосга МЛСга олиб кетмоқчи
«Реал Мадрид» ва Серхио Рамос ҳали-ҳамон янги шартнома борасида келишувга эриша олганича йўқ.
Бу вазиятдан МЛСнинг «Интер Маями» жамоаси унумли фойдаланиши мумкин. Клуб Президенти Девид Бекҳем Рамос билан алоқага чиққан ва уни ўз жамоасига чорлаган. Aгар Рамос янги шартномага имзо чекмаса, катта эҳтимол билан фаолиятини AҚШда давом эттириши мумкин.
Эслатиб ўтамиз, Маями шаҳрида футболчининг турмуш ўртоғи Пилар Рубионинг уйи мавжуд. Шунингдек, Рамоснинг бир нечта дўстлари айни дамда Маямида истиқомат қилмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Қўқон-1912
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
