Чемпионлар Лигаси 2020/21 йилги мавсуми гуруҳ босқичи ўз экваторига яқинлашиб бўлди. Шундай экан, аллақачон оралиқ натижаларни сарҳисоб қилиш, жамоалар ва уларнинг ижрочиларини баҳолаш мумкин. Демак, қуйида Европанинг энг нуфузли мусобақасида ўз клубларига ёрдам бераётган энг ёш (21 ёшгача) ва қиммат (Transfermarkt’га кўра) футболчилар ҳақида ҳикоя қиламиз. Уларнинг аксарияти эса аллақачон ўз жамоасининг ажралмас бир бўлагига айланган.
Дарвозабон
Кел Шерпен, «Аякс» (20 ёш, 2,2 миллион евро)
Шерпен – «Эмен» академияси тарбияланувчиси ҳисобланади. Ёш дарвозабон 2019 йилнинг июль ойида «Аякс» сафига келиб қўшилган. Ҳозирда Кел Амстердам клубидаги иккинчи дарвозабони мақоми учун жиддий кураш олиб бормоқда. Андре Онана жамоани тарк этгач у «Аякс»нинг асосий дарвозабонига айланиши кутилмоқда. Унинг Чемпионлар Лигаси қайдномасига киритилгани ҳам бунга мисол бўла олади. Шундай экан, Кел эртами, кечми барибир Чемпионлар Лигасида ўзини кўрсатиш имкониятига эга бўлади.
Ҳимоячилар
Нянзу Куасси, «Бавария» (18 ёш, 11 миллион евро)
Куасси «Аякс»даги ҳамкасби сингари, ҳозирча ўз имкониятини кутмоқда. Француз ҳали «Бавария» сафида Чемпионлар Лигасида ўйин ўтказмади, бироқ бу турнир унга асло бегона эмас. Ўтган мавсумда футболчи ПСЖ сафида Чемпионлар Лигаси баҳсларида бир неча ўйинларда қатнашганди. Ахир бежизга унинг трансфер нархи 11 миллион евро эмас-ку. «Бавария» ҳимоячилари билан доимий равишда ғайриоддий нимадир содир бўлаётганини ҳисобга олиб, Куассининг тез орада ўз имкониятига эга бўлиши мумкинлигига ҳеч қандай шубҳа йўқ. Бундан ташқари, у эндигина 18 ёшда бўлишига қарамай, ПСЖнинг асосий жамоасида нақ 905 дақиқа ўйнаган.
Эрик Гарсия, «Манчестер Сити» (19 ёш, 20 миллион евро)
Гарсия ёзги трансферлар ойнасининг бош қаҳрамонларидан бири бўлди. Ўзи тарбияланган «Барселона» ҳақиқатан ҳам ёш ҳимоячини ўз сафига қайтаришни хоҳлади. Бироқ якунда клублар келиша олмади, шунга қарамай, испаниялик футболчининг январь ойида ватанига қайтиш эҳтимоли юқорилиги айтилмоқда. Гарсия Чемпионлар Лигасининг амалдаги мавсумида битта ўйинда иштирок этди («Порту»га қарши ўйинда). Тўғри, Гвардиола уни Европанинг энг нуфузли мусобақасида кўп ҳам ўйнатаётгани йўқ, бироқ бу унинг (ҳозирча) салоҳиятига заррача ҳам шубҳа уйғотмаяпти. Кўпчилик мутахассислар буни футболчининг амалдаги шартномасини узайтиришни хоҳламаётгани билан боғламоқда. Эҳтимол, у «Барселона»да кўпроқ ўйин амалиётига эга бўлар.
Рис Жеймс, «Челси» (20 ёш, 30 миллион евро)
Жеймс Чемионлар Лигасида иккита ўйин ўтказди ва бир марта голли узатмани амалга оширди. Ўтган мавсумдан бошлаб Фрэнк Лэмпард бу йигитни мунтазам равишда Еврокубоклар ўйинларига жалб этиб келади. Жеймс бор-йўғи ўтган мавсумда асосий жамоага қўшилган бўлишига қарамай, Премьер Лигада «кўклар»нинг асосий ҳимоячиларидан бири ҳисобланади. «Челси» ўз тарбияланувчисидан катта умидлар кутаётгани сезилиб турибди.
Алфонсо Дэвис, «Бавария» (19 ёш, 80 миллион евро)
«Бавария»нинг чап қанот ҳимоячиси ўтган мавсумнинг том маънодаги юлдузига айланди. У «қизил машина» таркибида треблга эришди ва барча турнирлар, шу жумладан, Чемпионлар Лигасида ҳам жуда фойдали ҳаракат қилди (8 та ўйин 4 та голли пас). «Бавария» эса янги ва ёш юлдузига «совчилар» чиқмасидан у билан шартномани қайта кўриб чиқишга шошилди. Transfermarkt портали футболчининг қийматини бир йилнинг ичида 10 миллион евродан 80 миллион еврога кўтарди.
Ярим ҳимоячилар
Эдуардо Камавинга, Ренн (18; 50 миллион эвро)
Ўтган мавсумда Камавинга «Ренн»ни Чемпионлар Лигаси гуруҳ босқичига олиб чиққан футболчилардан бири бўлди. Ҳозирча ярим ҳимоячи фақатгина битта ўйинда майдонга тушди. У жароҳати туфайли жамоасининг Чемпионлар Лигасидаги қолган ўйинларида иштирок эта олмади. Худди шу сабабга кўра, у ички чемпионат баҳсларини ҳам ўтказиб юбормоқда. «Ренн» ҳозирча ўз тарбияланувчисига катта умид билдирмоқда. Гарчи, «қироллик клуби»нинг молиявий аҳволи яхшиланиши биланоқ, ёш француз Испанияга йўл олиши аниқ бўлса-да, «Ренн» «Реал»нинг таклифларини рад этиб келмоқда.
Фил Фоден, «Манчестер Сити» (20 ёш, 60 миллион евро)
Хосеп Гвардиола Фоден келажакда «Манчестер Сити»нинг юлдузига айланишига ишонмоқда. Мутахассис ёш инглиз йигитига шу даражада ишонадики, уни ушбу мавсумда деярли ҳар бир учрашувда майдонга туширмоқда. Фил «шаҳарликлар»нинг Чемпионлар Лигасидаги барча ўйинларида қатнашди. Гвардиола уни турли позициялар: марказий, ҳужумкор ва ўнг қанот ярим ҳимоячиси билан бир қаторда вингер ва марказий ҳужумчи сифатида ҳам синаб кўрмоқда. Айнан ушбу ўзгарувчанлик Фоденни ҳозирги пайтда энг қиммат ёш футболчилардан бирига айлантирган.
Ансу Фати, «Барселона» (18 ёш, 80 миллион евро)
Фати ҳозирда «Барселона»нинг энг қиммат активларидан биридир. У 17 ёшидаёқ шундай натижага эришишга муваффақ бўлди. Каталонияликларнинг кадрлар билан боғлиқ муаммолари ёш вингерга ўзини кўрсатишга имкон берди. Испаниялик футболчи муваффақиятсизликка учрамади, шу боис у аллақачон асосий таркибда барқарор ўйнаб келмоқда. Фати Чемпионлар Лигасида жуда фойдали ҳаракат қилмоқда.
Футболчи «кўк-анорранглилар»нинг Чемпионлар Лигасидаги барча (3 та) учрашувларида голли узатмани амалга оширди. «Ференцварош»га қарши ўйинда эса гол ҳам урди. Аммо жароҳати сабаб Фати энди жамоаси плей-офф босқичига чиқсагина Чемпионлар Лигасида ўйнаши мумкин.
Жейдон Санчо, «Боруссия Д» (20 ёш, 117 миллион евро)
Санчо ўз ёш тоифасининг энг ёрқин юлдузларидан бири ҳисобланади. «Боруссия» вингери узоқ вақтдан бери «Манчестер Юнайтед»нинг асосий трансфер мақсади бўлиб келмоқда. Бироқ «арилар» футболчини осонликча қўйиб юборишни хоҳламаяпти. Санчо Чемпионлар Лигасида 2 та учрашувда қатнашиб, 1 та ўйинда гол урди. Ҳозирча қанот ҳужумчиси унчалик самарали ҳаракат қилмаяпти, аммо ҳеч ким футболчининг маҳорати ва истеъдодига шубҳа қилмайди. «Манчестер» эса ҳамон уни «Олд Траффорд»га олиб келишни мақсад қилмоқда. Бироқ «Боруссия» футболчини 100 миллион евродан камига сотмоқчи эмас.
Ҳужумчилар
Жоау Феликс, «Атлетико» (20 ёш, 80 миллион евро)
2019/20 йилги мавсум давомида Феликсни танқид қилмаган одам қолмади. Ёш ҳужумчи ҳақиқатан ҳам «Атлетико» сафидаги биринчи мавсумида эсда қоларли бирор бир ҳаракатни амалга оширмади. Аммо 2020/21 йилги мавсумда португалиялик футболчи ажойиб ўйин кўрсатмоқда. Ҳужумчи «Зальцбург»га қарши ўйинда дубль қайд этди. Ла Лигада ҳам унинг ишлари яхши кетмоқда. Бундан ташқари, португалиялик вақти-вақти билан голли паслар ҳам бериб турибди. Ҳужумчи ниҳоят янги жамоасида ўз ўрнини топаётган кўринади.
Эрлинг Ҳоланд, «Боруссия Д» (20 ёш, 80 миллион евро)
Ҳоланд бир неча йилдан бери худди гол машинаси каби ҳаракат қилади. Унинг бу хусусияти кучайса, кучаймоқдаки, асло сусайгани йўқ. Ҳужумчи Чемпионлар Лигасидаги «Боруссия»нинг уч ўйинида ҳам гол урди. «Брюгге»га қарши ўйинда эса норвегиялик дубль қайд этди. Ҳоланд Санчо билан бирга «Боруссия» энг қиммат ўйинчиларидан ҳисобланади. Қайд этиш жоизки, Ҳоланд эртами, кечми барибир клубини ўзгартиради. Сўнгги маълумотларга кўра, «Реал» қишда уни ўз сафига қўшиб олишни мақсад қилган. Шунингдек, футболчининг ўзи ҳам Мадридда ўйнашни орзу қилиши айтилмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
