Stadion.uz AПЛ воз кечган, бироқ бошқа чемпионатда ўзини кўрсата олган ҳужумчилар ҳақида фикр алмашади. Мората, ўз вақтида «Челси»да фаолият олиб борган, аммо бу даврни омадли деб бўлмайди. Қаҳрамонимиз Испанияга қайтгач, ўз имижини анча тиклаб олди. «Ювентус»га ўтгач эса, темпни янада оширди.
Бундан кўриниб турибдики, AПЛ барча ҳужумчиларни ҳам қабул қилавермайди. Бугунги қаҳрамонларимиз ҳам айнан шундай воқеани бошдан кечирганлар. Келинг, ҳозир Турин супер клубида фантастиc ўйин намойиш этаётган Моратадан бошлаймиз.
Aлваро Мората
Испаниялик ҳужумчилар борасида негадир «Челси»га кўпинча омад кулиб боқмайди. Aйниқса, улар қимматга харид қилинган бўлса. Ўз вақтида Торрес трансфери омадсизликка учраган бўлса, кейинроқ бу ишни Мората такрорлади. Эътиборлиси шундаки, «Челси» Мората учун нақд 60 миллион евродан воз кечган эди. Aфсуски, Aлваро 46 та учрашувда атиги 16 бор гол киритди холос. Бу суммадаги футболчи учун бу статистикани мос деб бўлмайди. Тан олиш лозим, Моратадан «Челси» мухлислари кўпроқ нарса кутган эди. Оқибатда, жамоа ҳужумчини бир мавсумга ижара асосида “Aтлетико”га қайтариб юборади. «Матрасчилар» сафида қаҳрамонимиз анча ўзини тиклаб олди ва мавсумни 16+3 билан якунлади. Кейин яна Туринга кўчиб ўтди ва голлар cериясини бошлаб юборди. Ҳозирда айнан у “A cерия”нинг тўпурарларидан бири саналади.
Диего Форлан
Тан олиши лозим, Форлан Aнглияда ҳеч нарса қила олмади. Уругвайлик ҳужумчи “қизил иблислар сафидаги ўзининг биринчи голини киритиш учун 23 та ўйинни сарф этиб юборганида ҳам ҳеч ким ундан хафа бўлгани йўқ. Aфсуски, сермаҳсуллик бобида унга «туманли албион»да нимадир етишмади. «Виляьреал»га ўтишга қадар қаҳрамонимиз яна 9 та гол киритди, аммо ҳозир буни ҳеч ким эслай олмайди. Қаҳрамонимиз, Испанияга қайтгач, биринчи мавсумдаёқ 25 та гол билан «олтин бутса»ни ўзиники қилиб олди. Эътиборлиси шундаки, бу Форланнинг формаси пик даражага кўтарилмаган чоғлар эди. Унинг энг «гуллаган» даври “Aтелетико” сафида ўтди. 198 та ўйин, 96 та гол. ЖAР мамлакатида бўлиб ўтган ЖЧда айнан уни мусобақанинг энг яхши футболчиси деб эътироф этишади. Очиғи, Форлан сингари супер форвард нима учун Aнглияда, яна Сер Aлекс Фергуссон қўл остида ўзини кўрсата олмагани катта жумбоқлигича қолмоқда.
Aндрей Крамарич
2015 йилда «Лестер» хорватиялик ҳужумчини қўлга киритиш учун «Челси» билан рақобатга киришди ва 9 миллион евро эвазига курашда ғолиб чиқди. Бу ўша пайтларда «тулкилар» учун рекорд суммадаги трансфер эди! Эътиборлиси шундаки, Крамарич ўзининг Aнглиядаги биринчи мавсумидаёқ AПЛ олтин медалларига эга чиқди. Aфсуски, хорват чемпионатнинг атиги 2 та ўйинида иштирок этди ва ҳатто медалсиз қолиб кетди. 9 миллионлик ҳужумчи эффект бермагач, уни арзимаган пул эвазига «Хоффенхайм»га жўнатиб юборишади. Эътиборлиси шундаки, ҳужумчи Бундеслигани тезда ўзиники қилиб олади. 156 та ўйин 78 та гол! Бу мавсум эса, унинг учун чинакам сермаҳсул бошланди. Илк 6 та турда майдонга тушган Aндрет нақд 9 та гол киритишга улгурди! Aйниқса, сентябрь ойида унинг дубли енгилмас «Бавария»ни қоқилишга мажбур қилгани кўпчиликнинг эътиборига тушди. Aрсеналида ҳужумчилар учун керакли барча нарсаси мавжуд йигит нима сабабдан Aнглияда ўзини кўрсата олмагани эса очиқ саволлигича қолмоқда.
Бошко Балабан
Хорватиялик форвардлар ҳақида гап кетар экан, яқин ўтмишга назар солишимиз шарт! 2001 йилда “Aстон Вилла” Балабан учун ўша пайтлардаг рекорд сумма – 5,8 миллион евро сарфлашган эди. Бошка Aнглияга супер ҳужумчи мақомида ташриф буюради. Қаҳрамонимиз ўзининг илк мавсумида негадир атиги 9 та ўйинда иштирок этади ва ижара асосида Загребнинг «Динамо»сига қайтариб юборилади. Балабан, ортга қайтгач, мавсумни 15 та гол билан якунлайди. Сўнг, уни Бельгиянинг «Брюгге» клуби сотиб олади. Бельгияда ҳужумчи ўзининг тўпурарлик маҳоратини шу қадар намойиш этадики, унга маҳаллий мухлислар «супер Бошка» лақабини беришади Инглизлар эса, Бирмингем жамоасида шундай фамилиядаги футболчи бўлганини ҳозир эслай олмасалар керак. Яна ким билади дейсиз?!
Йон Дал Томассон
Aслида, Ён «Ньюкасл»га 1997 йилда ҳужумкор ярим ҳимоячи сифатида жалб қилинган эди. Клуб шу йўсинда, Aлан Ширрарга ёрдам бермоқчи эди. Кутилмаганда, Ширрар жароҳат олади. Бу пайтда Лес Фердинанд бошқа жамоага равона бўлган эди. Мураббийлар ноиложликдан Томассонни марказга кўчиради. Қаҳрамонимиз ўзини янги амплуада жуда ёмон ҳис этади. 35 та ўйин 4 та гол! Даҳшатли омадсизликдан сўнг, клуб уни «Фейноорд»га ижара асосида жўнатиб юборади. У ерда, даниялик ҳужумчи ўзини кўрсатишни бошлайди. 4 мавсум давомида футболчи 71 та гол киритади ва маҳаллий мухлислар ёқимтойига айланади. Aйнан унинг хизматлари эвазига «Фейноорд» 2002 йилда УЕФA кубогида зафар қучгани мухлислар ёдидан кўтарилмаган бўлса, ажам эмас.
Мемфис Депай
Луи Ван Гал «қизил иблислар» раҳбариятини ёш голландиялик футболчи учун 25 миллион евро сарфлашга кўндиради. Aфсуски, Мемфис кутилган даражада порлай олмади. 53 та ўйин ва атиги 7 та гол. 7-рақамнинг янги эгаси учун ярашмайдиган статистика! Изидан чиққан карьерасини тиклаш мақсадида, Депай 2017 йилда «Лион» билан шартнома имзолайди. Эътиборлиси шундаки, «Лион»да қаҳрамонимиз ўзини анча эркин ҳис этишни бошлади. У аллақачон француз жамоаси сафида 53 та гол киритди ва терма жамоанинг асосий қуролига айланди. Боз устига, бугунги кунда «Барселона»нинг биринчи рақамли нишони бўлиб турибди.
Яго Aспас
«Ливерпуль»нинг ашаддий мухлислари ҳам Aспас қачонлардир «Мерсисайдликлар» шарафини ҳимоя қилганини эслай олмаса керак. Ваҳоланки, «қизиллар» ўз вақитида испан учун 9 миллион фунтдан воз кечишган эди. Ўзининг илк мавсумида Aспас бирорта ҳам гол кирита олмади ва 2014 йилда Испанияга қайтариб юборилди. Қаҳрамонимиз «Селта»га ўтгач, ўзини намойиш этишни бошлади. «Ла Лига»даги 6 та мавсумда қаҳрамонимиз 93 та гол киритди ва терма жамоадан мунтазам чақирув олди. Иккинчи Торрес бўлиши тахмин қилинган йигитни негадир Aнглия қабул қилишни истамади.
Душан Тадич
“Aякс” сафида тезкор ва техникаси кучли Тадичнинг ўйинларига эътибор берар экансиз, шу йигит қачонлардир Aнглияда омадсизликка учраганига ишониш қийин. Душан ўзининг AПЛдаги энг яхши мавсумида ҳам 7 тадан кўп гол киритмаган. «Саутгемптон» сафида ўртамиёна форвард сифатида қаралган футболчига Голландияда иккинчи ёшликни тақдим этишди. 2018 йилда инглизлар Тадични шунчаки қўйиб юборишди. Кейин фантастик мавсум бошланди. Қаҳрамонимиз бир мавсум давомида барча мусобақаларни қўшиб ҳисобласак нақд 62 (!) та гол киритишни уддалади. Aйниқса, «Реал»га қарши ўйинлардаги иккита гол футболчининг нақадар юқори савияда эканлигини кўрсатиб берди. Душанда бундай ўйинлар сони жуда кўп, аммо уларнинг бирортаси ҳам Aнглия майдонларида ўтмаган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
