Stadion.uz APL voz kechgan, biroq boshqa chempionatda o‘zini ko‘rsata olgan hujumchilar haqida fikr almashadi. Morata, o‘z vaqtida «Chelsi»da faoliyat olib borgan, ammo bu davrni omadli deb bo‘lmaydi. Qahramonimiz Ispaniyaga qaytgach, o‘z imijini ancha tiklab oldi. «Yuventus»ga o‘tgach esa, tempni yanada oshirdi.
Bundan ko‘rinib turibdiki, APL barcha hujumchilarni ham qabul qilavermaydi. Bugungi qahramonlarimiz ham aynan shunday voqeani boshdan kechirganlar. Keling, hozir Turin super klubida fantastic o‘yin namoyish etayotgan Moratadan boshlaymiz.
Alvaro Morata
Ispaniyalik hujumchilar borasida negadir «Chelsi»ga ko‘pincha omad kulib boqmaydi. Ayniqsa, ular qimmatga xarid qilingan bo‘lsa. O‘z vaqtida Torres transferi omadsizlikka uchragan bo‘lsa, keyinroq bu ishni Morata takrorladi. E’tiborlisi shundaki, «Chelsi» Morata uchun naqd 60 million yevrodan voz kechgan edi. Afsuski, Alvaro 46 ta uchrashuvda atigi 16 bor gol kiritdi xolos. Bu summadagi futbolchi uchun bu statistikani mos deb bo‘lmaydi. Tan olish lozim, Moratadan «Chelsi» muxlislari ko‘proq narsa kutgan edi. Oqibatda, jamoa hujumchini bir mavsumga ijara asosida “Atletiko”ga qaytarib yuboradi. «Matraschilar» safida qahramonimiz ancha o‘zini tiklab oldi va mavsumni 16+3 bilan yakunladi. Keyin yana Turinga ko‘chib o‘tdi va gollar seriyasini boshlab yubordi. Hozirda aynan u “A ceriya”ning to‘purarlaridan biri sanaladi.
Diyego Forlan
Tan olishi lozim, Forlan Angliyada hech narsa qila olmadi. Urugvaylik hujumchi “qizil iblislar safidagi o‘zining birinchi golini kiritish uchun 23 ta o‘yinni sarf etib yuborganida ham hech kim undan xafa bo‘lgani yo‘q. Afsuski, sermahsullik bobida unga «tumanli albion»da nimadir yetishmadi. «Vilyareal»ga o‘tishga qadar qahramonimiz yana 9 ta gol kiritdi, ammo hozir buni hech kim eslay olmaydi. Qahramonimiz, Ispaniyaga qaytgach, birinchi mavsumdayoq 25 ta gol bilan «oltin butsa»ni o‘ziniki qilib oldi. E’tiborlisi shundaki, bu Forlanning formasi pik darajaga ko‘tarilmagan chog‘lar edi. Uning eng «gullagan» davri “Ateletiko” safida o‘tdi. 198 ta o‘yin, 96 ta gol. JAR mamlakatida bo‘lib o‘tgan JCHda aynan uni musobaqaning eng yaxshi futbolchisi deb e’tirof etishadi. Ochig‘i, Forlan singari super forvard nima uchun Angliyada, yana Ser Aleks Fergusson qo‘l ostida o‘zini ko‘rsata olmagani katta jumboqligicha qolmoqda.
Andrey Kramarich
2015 yilda «Lester» xorvatiyalik hujumchini qo‘lga kiritish uchun «Chelsi» bilan raqobatga kirishdi va 9 million yevro evaziga kurashda g‘olib chiqdi. Bu o‘sha paytlarda «tulkilar» uchun rekord summadagi transfer edi! E’tiborlisi shundaki, Kramarich o‘zining Angliyadagi birinchi mavsumidayoq APL oltin medallariga ega chiqdi. Afsuski, xorvat chempionatning atigi 2 ta o‘yinida ishtirok etdi va hatto medalsiz qolib ketdi. 9 millionlik hujumchi effekt bermagach, uni arzimagan pul evaziga «Xoffenxaym»ga jo‘natib yuborishadi. E’tiborlisi shundaki, hujumchi Bundesligani tezda o‘ziniki qilib oladi. 156 ta o‘yin 78 ta gol! Bu mavsum esa, uning uchun chinakam sermahsul boshlandi. Ilk 6 ta turda maydonga tushgan Andret naqd 9 ta gol kiritishga ulgurdi! Ayniqsa, sentyabr oyida uning dubli yengilmas «Bavariya»ni qoqilishga majbur qilgani ko‘pchilikning e’tiboriga tushdi. Arsenalida hujumchilar uchun kerakli barcha narsasi mavjud yigit nima sababdan Angliyada o‘zini ko‘rsata olmagani esa ochiq savolligicha qolmoqda.
Boshko Balaban
Xorvatiyalik forvardlar haqida gap ketar ekan, yaqin o‘tmishga nazar solishimiz shart! 2001 yilda “Aston Villa” Balaban uchun o‘sha paytlardag rekord summa – 5,8 million yevro sarflashgan edi. Boshka Angliyaga super hujumchi maqomida tashrif buyuradi. Qahramonimiz o‘zining ilk mavsumida negadir atigi 9 ta o‘yinda ishtirok etadi va ijara asosida Zagrebning «Dinamo»siga qaytarib yuboriladi. Balaban, ortga qaytgach, mavsumni 15 ta gol bilan yakunlaydi. So‘ng, uni Belgiyaning «Bryugge» klubi sotib oladi. Belgiyada hujumchi o‘zining to‘purarlik mahoratini shu qadar namoyish etadiki, unga mahalliy muxlislar «super Boshka» laqabini berishadi Inglizlar esa, Birmingem jamoasida shunday familiyadagi futbolchi bo‘lganini hozir eslay olmasalar kerak. Yana kim biladi deysiz?!
Yon Dal Tomasson
Aslida, Yon «Nyukasl»ga 1997 yilda hujumkor yarim himoyachi sifatida jalb qilingan edi. Klub shu yo‘sinda, Alan Shirrarga yordam bermoqchi edi. Kutilmaganda, Shirrar jarohat oladi. Bu paytda Les Ferdinand boshqa jamoaga ravona bo‘lgan edi. Murabbiylar noilojlikdan Tomassonni markazga ko‘chiradi. Qahramonimiz o‘zini yangi ampluada juda yomon his etadi. 35 ta o‘yin 4 ta gol! Dahshatli omadsizlikdan so‘ng, klub uni «Feynoord»ga ijara asosida jo‘natib yuboradi. U yerda, daniyalik hujumchi o‘zini ko‘rsatishni boshlaydi. 4 mavsum davomida futbolchi 71 ta gol kiritadi va mahalliy muxlislar yoqimtoyiga aylanadi. Aynan uning xizmatlari evaziga «Feynoord» 2002 yilda UYEFA kubogida zafar quchgani muxlislar yodidan ko‘tarilmagan bo‘lsa, ajam emas.
Memfis Depay
Lui Van Gal «qizil iblislar» rahbariyatini yosh gollandiyalik futbolchi uchun 25 million yevro sarflashga ko‘ndiradi. Afsuski, Memfis kutilgan darajada porlay olmadi. 53 ta o‘yin va atigi 7 ta gol. 7-raqamning yangi egasi uchun yarashmaydigan statistika! Izidan chiqqan karyerasini tiklash maqsadida, Depay 2017 yilda «Lion» bilan shartnoma imzolaydi. E’tiborlisi shundaki, «Lion»da qahramonimiz o‘zini ancha erkin his etishni boshladi. U allaqachon fransuz jamoasi safida 53 ta gol kiritdi va terma jamoaning asosiy quroliga aylandi. Boz ustiga, bugungi kunda «Barselona»ning birinchi raqamli nishoni bo‘lib turibdi.
Yago Aspas
«Liverpul»ning ashaddiy muxlislari ham Aspas qachonlardir «Mersisaydliklar» sharafini himoya qilganini eslay olmasa kerak. Vaholanki, «qizillar» o‘z vaqitida ispan uchun 9 million funtdan voz kechishgan edi. O‘zining ilk mavsumida Aspas birorta ham gol kirita olmadi va 2014 yilda Ispaniyaga qaytarib yuborildi. Qahramonimiz «Selta»ga o‘tgach, o‘zini namoyish etishni boshladi. «La Liga»dagi 6 ta mavsumda qahramonimiz 93 ta gol kiritdi va terma jamoadan muntazam chaqiruv oldi. Ikkinchi Torres bo‘lishi taxmin qilingan yigitni negadir Angliya qabul qilishni istamadi.
Dushan Tadich
“Ayaks” safida tezkor va texnikasi kuchli Tadichning o‘yinlariga e’tibor berar ekansiz, shu yigit qachonlardir Angliyada omadsizlikka uchraganiga ishonish qiyin. Dushan o‘zining APLdagi eng yaxshi mavsumida ham 7 tadan ko‘p gol kiritmagan. «Sautgempton» safida o‘rtamiyona forvard sifatida qaralgan futbolchiga Gollandiyada ikkinchi yoshlikni taqdim etishdi. 2018 yilda inglizlar Tadichni shunchaki qo‘yib yuborishdi. Keyin fantastik mavsum boshlandi. Qahramonimiz bir mavsum davomida barcha musobaqalarni qo‘shib hisoblasak naqd 62 (!) ta gol kiritishni uddaladi. Ayniqsa, «Real»ga qarshi o‘yinlardagi ikkita gol futbolchining naqadar yuqori saviyada ekanligini ko‘rsatib berdi. Dushanda bunday o‘yinlar soni juda ko‘p, ammo ularning birortasi ham Angliya maydonlarida o‘tmagan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
