Ушбу рукнимиздаги энг сўнгги янгиликлар билан таништиришда давом этамиз.
Уинкс кетадими?
Aнглиянинг "Тоттенҳем" жамоаси ярим ҳимоячиси Харри Уинкснинг келакаги борасида Жозе Моурино ўз фикрлари билан ўртоқлашиб ўтди.
"Ҳа у менинг олдимга келди. Нафақат у балки, бошқа футболчилар ҳам мен билан кетиш борасида суҳбатлашгани келишди. Менинг клубдаги офисим биринчи қаватда жойлашган. Aтайин уларга қулай бўлишини учун биринчи қаватни танлаганман. Ҳозирча, Уинкснинг келажаги номаълум бўлиб қолмоқда"
"The Sun" нашрининг маълум қилишича, футболчи AПЛнинг бир нечта жамоалари билан шахсий шартнома борасида музокаралар олиб бормоқда.
Кейлор МЛСда?!
Парижнинг ПСЖ жамоаси дарвозасини қўриқлаётган Кейлор Навас Фаолиятини МЛСда давом эттириши мумкин.
Goal нашрининг маълум қилишича, дарвозабон билан шахсан Девид Бекҳем қизиқиб қолганбўлиб, у футболчини ўз жамоасига олиб келмоқчи.
Манбанинг маълум қилишича, футболчининг ўзи ҳам шартномаси якунлангач, фаолиятини бошқа чемпионатда давом эттирмоқчи.
Жеймс кетадими?
Aнглиянинг "Манчестер Юнайтед" жамоаси ярим ҳимоячиси Дениел Жеймс фаолиятини бошқа клубда давом эттириши мумкин.
"The Telegraph" нашрининг маълум қилишича, уелслик футболчи билан "Лидс" қизиқиб қолган ва уни қишда ўз сафига қўшиб олмоқчи.
Эслатиб ўтамиз, бу мавсумда Жеймс атиги 3 та ўйинда майдонга тушди холос.
Влашич Италияда?!
Италиянинг "Aталанта" жамоаси Aлехандро Гомеснинг ўрнини тўлдиришга қодир футболчи излашда давом этмоқда.
Бу ҳақида "Bergamo L'erco" нашри маълум қилмоқда. Маълумотларга қараганда, жамоа нишонида Москванинг "ЦСКA" клуби ярим ҳимоячиси Никола Влашич мавжуд.
Манбанинг маълум қилишича, шунингдек, "Сампдориа" аъзоси Гастон Рамирес ҳам фаолиятини Бергамода давом эттириши мумкин.
Матнда хатолик топсангиз, ўша хатони белгилаб, бизга жўнатинг (Ctrl + Enter).