Ushbu ruknimizdagi eng so‘nggi yangiliklar bilan tanishtirishda davom etamiz.
Uinks ketadimi?
Angliyaning "Tottenhem" jamoasi yarim himoyachisi Xarri Uinksning kelakagi borasida Joze Mourino o‘z fikrlari bilan o‘rtoqlashib o‘tdi.
"Ha u mening oldimga keldi. Nafaqat u balki, boshqa futbolchilar ham men bilan ketish borasida suhbatlashgani kelishdi. Mening klubdagi ofisim birinchi qavatda joylashgan. Atayin ularga qulay bo‘lishini uchun birinchi qavatni tanlaganman. Hozircha, Uinksning kelajagi noma’lum bo‘lib qolmoqda"
"The Sun" nashrining ma’lum qilishicha, futbolchi APLning bir nechta jamoalari bilan shaxsiy shartnoma borasida muzokaralar olib bormoqda.
Keylor MLSda?!
Parijning PSJ jamoasi darvozasini qo‘riqlayotgan Keylor Navas Faoliyatini MLSda davom ettirishi mumkin.
Goal nashrining ma’lum qilishicha, darvozabon bilan shaxsan Devid Bekhem qiziqib qolganbo‘lib, u futbolchini o‘z jamoasiga olib kelmoqchi.
Manbaning ma’lum qilishicha, futbolchining o‘zi ham shartnomasi yakunlangach, faoliyatini boshqa chempionatda davom ettirmoqchi.
Jeyms ketadimi?
Angliyaning "Manchester Yunayted" jamoasi yarim himoyachisi Deniyel Jeyms faoliyatini boshqa klubda davom ettirishi mumkin.
"The Telegraph" nashrining ma’lum qilishicha, uyelslik futbolchi bilan "Lids" qiziqib qolgan va uni qishda o‘z safiga qo‘shib olmoqchi.
Eslatib o‘tamiz, bu mavsumda Jeyms atigi 3 ta o‘yinda maydonga tushdi xolos.
Vlashich Italiyada?!
Italiyaning "Atalanta" jamoasi Alexandro Gomesning o‘rnini to‘ldirishga qodir futbolchi izlashda davom etmoqda.
Bu haqida "Bergamo L'erco" nashri ma’lum qilmoqda. Ma’lumotlarga qaraganda, jamoa nishonida Moskvaning "SSKA" klubi yarim himoyachisi Nikola Vlashich mavjud.
Manbaning ma’lum qilishicha, shuningdek, "Sampdoria" a’zosi Gaston Ramires ham faoliyatini Bergamoda davom ettirishi mumkin.