- Кеча клуб эгалари ва раҳбарияти билан кечки овқатда бирган бўлдингиз. Де Россининг шартномаси борасида ҳам фикрлашиб олдингизларми?
- Йўқ, шартнома ҳақида гап кетмади, бошқа нарсаларни муҳокама қилдик. Бироқ мутлақо шубҳа қилмайманки, Даниэле жамоада қолади, бундан асло хавотирланаётганим йўқ. Фақат шартномани пича аввалроқ чўзиш мумкин бўлган вазиятда қолиб кетганимиздан бироз ачиндим. Ахир фақат пулни ўйламайдиган футболчилар ҳам бор. Романистлар учун Даниэле кимлигию, унинг ўзи учун "Рома" нимани англатишини барчамиз биламиз. Шу боис, ташвишланаётганим йўқ, ўйлашимча, унинг ўзи ҳам жамоада қолишни истайди.
- Борриелло сотилди, Освальдо икки ойга сафдан чиқди, сизга яна бир ҳужумчи керак эмасми? Боян хафа бўлмайдими, у ўзини асосий таркиб ўйинчиси ҳисоблайдику?
- Фараз қилинг, Месси келса-ю, хафа бўлиб кетиб қолса (кулади). Освальдо билан шундай ҳол юз берди, у бизнинг асосий ўйинчимизга айлана бошлаган эди. Шу сабабли, бутун бир жамоада муштаракликка эришишимиз, фурсати келганда ҳар қандай ўйинчини алмаштира олишимиз керак. Мен клубдан ҳужумчи харид қилиш сўрамадим, ьизда Капрари, Верре, Пишителла бор, Примаверадан ёшлар етишиб чиқмоқда. Мен сўраган ягона нарса – жамоадаги ўйинчилар сонини қисқартириш бўлди. Освальдо ўйнамаганда, Борриелло уни алмаштириш учун мен танлаган ўйинчи эмасди.
- Айтишларича, Де Россини сотмасликни январда сўраган экансиз...
- Бундай миш-мишлар қаердан пайдо бўлади, ҳайронман.
- Борриеллосиз сизда 25 футболчи, жароҳат олмаганлар эса 23 нафар, бу етарли сонми?
- Ҳали таркибни қисқартириш имконияти бор, бу уаммо эмас. Биз жамоага Борини ва Примаверадан йигитларни жалб қиламиз.
- Сизда Пизарро билан муаммолар пайдо бўлган эди. Нима деб ўйлайсиз: у қайтадими, ёки унинг Римдаги саргузаштлари поёнига етганми?
- Йўқ, у "Рома" футболчиси. Ҳамма биладики, биз битта оиламиз, ўзимизга яраша қонун-қоидаларимиз бор, унга амал қилинса ҳаммага яхши бўлади. Қоидаларга амал қилинмаса, албатта жазо жорий этилиши лозим. Ҳозир у оилавий сабаблар билан Чилида бўлиб турибди, қайтгач унинг режалари қанақа эканлигига қараб кўрамиз. Ҳозирча у бизнинг орамизда ва доим ўзини тўғри тутиб юрган.
- Эртанги ўйин ҳақида савол бермоқчи эдим...
- Раҳмат, ўн марта савол берсангиз ҳам розиман...
- Жамоа ўзини қандай ҳис қилаяпти, "Кьево"га қарши қандай муаммолар бор?
- Ўйлашимча, чемпионат танаффусигача биз мавсумнинг энг зўр онларини ўтказдик, бу эса ижобий таъсир кўрсатиши мумкин. Ўйин, албатта, осон бўлмайди, уларда яхши қарши ҳужумлар бор, "Лацио"га қарши ўйиндагидек ажойиб ўйин ўтказишади, ҳамшаҳарларимизга қарши яхши ўйнашди ва ҳақли равишда ғалабани қўлга киритишди. Биз учун бу ўйин бошлаб қўйганларимизни давом эттириш учун рағбат, мен жамоамдан мутлақо кутилмаган чоғланиш кутмоқдаман, Мавлуд байрамидан аввалги амбиция ва хоҳишни кўрсатишларини истардим.
- Освальдо – бу мавсумдаги бел мушакларидан жароҳат олган ўн учинчи ўйинчи бўляпти, сизда бу борада бирор бир изоҳ борми?
- Футбол – спортнинг ўта қийин тури, футболчилар роҳибалардек кун тартибида яшашлари талаб этилади, бироқ бунинг уддасидан чиқиш қийин – уларнинг кўпчилиги ёш, ҳаммаси осон деб ўйлашади. Оақатланиш, зўриқишни назорат этиш муҳим ахамиятга эга, ҳамма професионаллар ҳаёти билан яшаши керак. Освальдога келсак, у товон зарбасини қабул қилди, бу – футболчилар учун энг хавфли зарбалардан бири. Нима бўлганда ҳам, бундай оралиқ жароҳатлар мени кўп ҳам ташвишлантираётгани йўқ.
- Освальдосиз нима ўзгаради? Бу Боян учун имкониятми?
- Вариантларим кўп, Тотти кўпроқ ҳужумда иштирок этади, масалан, хуллас ечимлар бор. Боян – шулардан бири, мен рақобатни истайман, бизнинг тақвимимизга кўра, менга ҳамма керак. Шу сабабли ҳамма ўз имкониятига эга бўлади.
- Машғулотларингиз қизғин ва муросасиз ўтади, бунга муваффақият калити сафатида қарайсизми?
- Айнан шу нарса мен учун калит ҳисобланади, чунки қандай шуғуллансанг, шундай ўйнайсан. Агар машғулот жараёнида 100 фоиз ҳаракат қилинса, ўйинда ҳам шундай бўлади. Икки ойдан буён шу йўлга ўтганмиз, аминманки, тўғри йўлдамиз.
- Амаури ва Квальярелла, улардан қай бири фойдалироқ бўларди?
- Шошаётганимиз йўқ, клубни кучайтиришга боғлиқ ҳамма ишларга – раҳбарият масъул. Менинг ишим – жамоани ўйинга тайёрлаш. Агар клуб улардан бирини танлашга қарор қилса, бирга ўтириб масала устида бош қотирамиз.
- Агар танлаш имконияти сизга берилса, кимни танлардингиз?
- Иккиланмасдан Мессини танлардим!
- Узоқ танаффуздан сўнг ўйинчилар қандай аҳволда?
- Биз байрам таътилида бажариш учун барчага персонал машқларни тақсимлаб берган эдик. Таътилдан қайтишгач, ажойиб формадаги ўйинчиларга кўзим тушди, улар шунақанги интенсив равишда машқ қилишардики, баъзиларини тўхтатишга ҳам мажбур бўлдим.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
