Бундан бир неча дақиқа олдин Дубайда Dubai Match World Cup анъанавий турнирининг финал баҳси ўз якунига етди.
Ушбу турнирда биринчи бор иштирок этаётганига қарамай, Ўзбекистон олимпия терма жамоамиз финалга йўл олишга эришди. Финалда Россиянинг амалдаги чемпиони "Зенит"га қарши баҳс олиб борган олимпиячиларимиз йирик ҳисобда мағлубиятга учрашди.
Ўйиндан бироз аввал "Бунёдкор" Украина чемпиони "Шахтёр"ни пенальтилар сериясида мағлубиятга учратиб, турнирда учинчи ўринни олишга эришганди.
Финалда тажрибали рақибга қарши тўп сурган олимпиячилиаримиз ўйиннинг 5-дақиқасидаёқ майдонда 10 киши бўлиб қолишди. Акбар Тўраев питерликлар ҳужумчиси Александр Бухаровга нисбатан қўпол ўйнади, деб ҳисоблаган учрашув бош ҳаками дарвозабонимизни майдондан четлатди.
Данко Лазович эса пенальтини аниқ амалга оширди ва "Зенит"ни ҳисобда олдинга олиб чиқди.
Ҳа, дарвоқе, Акбар Тўраев ўрнига яна асосий дарвозабонимиз Санжар Қувватовнинг майдонга тушиши кутилмаган ҳол бўлди, дейиш мумкин. Мусобақа норасмий мақомда бўлганлиги учун, ташкилотчилар бунга қаршилик кўрсатишмагандир. Балки, Спалетти жаноблари ҳам бунга қарши чиқмаган бўлиши мукмин.
Майдонда 10 киши бўлиб қолган олимпиячиларимиз, кучли рақибига қарши жиддий қаршилик кўрсатишди. Баъзи ҳолларда ҳамюртларимиз Жевнов қўриқлаётган дарвоза олдида етарлича хавфли вазиятлар яратишганларига ҳам гувоҳ бўлдик. Бироз совуққонлик етишмади.
Иккинчи бўлимда эса майдонга Александр Гейнрих ҳамда Станислав Андреев каби тажрибали футболчиларимизнинг майдонга тушиши, ўйинимизни бироз кучайтиргандек бўлди. Ўйиннинг 70 дақиқаларидан бошлаб футболчиларимиз бутун жамоа бўлиб ҳужумга ўта бошлашди. Ҳимояни унутиб қўйган терма жамоамиз эса бирин кетин ўз дарвозаларидан голлар ўтказа бошлашди.
Бу ерда дарвозабон ёки ҳимоячиларимизни айблаш ноўрин. "Зенит"нинг тажрибали футболчилари майдоннинг барча чизиқларда футболчиларимизга деярли имкон беришмади. Якуний ҳисоб 5:0.
Олимпия терма жамоамиз финалда бироз ҳунукроқ ҳисобда мағлубиятга учраган бўлишсада, турнир давомида ёмон таассурот қолдиришмади. Энг асосийси, ушбу турнир Автсралия олимпия терма жамоасига қарши муҳим ўйин олдидан терма жамоамизга ўзига ҳос тайёргарлик вазифасини бажариб берди. Ўйинлардан тўғри ҳулосалар чиқарилишига, ҳамда муҳим ўйин олдидан футболчиларимиз етарлича тажриба оширганларига ишониб қоламиз.
ЗЕНИТ — ЎЗБЕКИСТОН О.Т.Ж (1:0)
Голлар: Лазович 10 (пен), Розина 68, 81, Данни 85, 88
Амалга оширилмаган пенальти: Генриз (90+3)
ЗЕНИТ: Жевнов, Губочан, Бруну Алвеш (Чеминава 90), Ломбертс, Лукович (Кришито 64), Быстров, Зырянов (Данни 46), Денисов (Розина 50), Широков (Хусти 35), Лазович (Файзулин 51), Бухаров (Телегин 72)
ЎЗБЕКИСТОН О.Т.Ж.: Акбар Тўраев, Салим Мустафоев (Станислав Андреев – 56, Зоҳир Пиримов – 76), Акбар Исматуллаев, Абдуқаҳҳор Ҳожиакбаров, Ислом Тўхтахўжаев, Ойбек Қиличев, Олег Зотеев, Фозил Мусаев, Кенжа Тўраев (Александр Гейнрих – 54), Темурхўжа Абдухолиқов (Санжар Қуватов – 8), Жасур Ҳасанов (Дилшод Раҳматуллаев – 74, Меҳмонов 89) Огоҳлантиришлар: Денисов (28), Широков (32)
Четлатиш: А.Тўраев (6)
23 январ. Дубай, "Ал-Мактум" стадиони
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
