Францияда инқилоб қилаётган турклар: Зеки Челик
37-тур ўйинларидан сўнг Франция чемпионатида “Лилль”нинг мавқеига путур етгандек, аммо ҳали ҳам барчаси жамоанинг ўзига боғлиқ. Сўнгги турда ўртамиёна “Анже” мағлуб этилса, клуб чемпион бўлади ва ПСЖнинг гегемонлигига чек қўяди. Илгари мен Бурак Йилмаз ва Юсуф Язижининг бу натижалардаги ўрни ҳақида ёзгандим. Энди навбат учинчи туркияликка етиб келди – Зеки Челик.
1997 йил таваллуд топган турк 11 ёшида “Бурсаспор” клуби ёшлар таркибига келиб қўшилади. Бу ерда у Энес Унал, Эртуғрул Эрсой, Кубилай Канатсизкуш каби Туркия футболининг янги авлоди вакиллари билан машғулот олиб боради. 2015 йилга келиб эса Бурса шаҳри вакиллари билан илк профессионал шартномага имзо чекади.
Қанот ҳимоясида ҳужумларга тез қўшиладиган футболилар жуда қадрланадиган даврдамиз. Бундай ҳимоячилар ҳужумда ҳар қанча фаол бўлмасин ўз позициясида бироз оқсаш кузатилади. Бунга мисоллар кўп. Зеки Челик бу борада мувозанатли футболчи. У айни вақтда ўз қаноти бўйлаб энг сўнги нуқтага кам борсада, марказдан тўпни олиб ўтиб ҳужумга йўналиш беришда анча фойдали ҳисобланади. Бундан ташқари, у типик қанот ҳимоячиларидан фарқли равишда жисмонан бақувват бўлиб, ўрни келганда ҳимоя марказида ҳам ас қотиши мумкин.
2018 йил Францияга кўчиб ўтган Челик асосий таркибдан дарҳол ўрин топгани учун ҳам кейинчалик “Лилль” раҳбарлари турк футболчиларига жиддий қарай бошладилар. Дастлаб Язижи, сўнгра Йилмаз жамоа футболчига айланди. Челикни эса айни дам бир қатор АПЛ жамоалари кўзлаб юришибди. Улар орасида “Эвертон”нинг ниятлар жиддий, деб ёзади Франциянинг айрим футболга ихтисослашган нашрлари. Бундан ташқари у билан “Милан” ҳам қизиқаётгани ҳақида хабарлар мавжуд.
Миллий терма жамоа бош мураббийи Шенол Гунеш Челикни жуда қадрлайди. У Туркия терма жамоаси таркибида илк учрашувни 2018 йил Россияга қарши ўйинда ўтказган бўлса, илк голини 2019 йил Ўзбекистон терма жамоасига қарши ўтган ўртоқлик ўйинида ўз ҳисобига ёзиб қўяди.
Дарвоқе, Челик бошланишига бир ойдан кам вақт қолган Европа чемпионатида порлаб чиқиши кутилмоқда. Бунисини энди бирга кўрамиз!
Ориф Толипов.
Манба: https://t.me/tolipovuz
Киритилди: 21:00, 18.05.2021. Ўқилди: 2479 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
