«Ювентус» А Сериянинг 38-турида «Наполи»нинг омадсизлигидан сўнг Чемпионлар Лигасига йўл олди, бу натижа Андреа Пирло учун ниҳоятда қувончли бўлди.
Мураббий бундай муваффақиятдан сўнг унга клубда иккинчи мавсум берилишига ишонмоқда.
«Мен ҳар доим ҳаракат қилдим ва бу катта натижа. ЕЧЛга чиқиш жуда муҳим эди. Биз Италия кубогини ютдик ва Чемпионлар Лигасига чиқдик.
Кейинги мавсумда ҳам ўзимни клубда кўрмоқдаман. Биз эришган нарсамиздан завқ олишимиз керак.
Роналду ҳақида умумий қарор бор эди. Мен Моратани аяшга қарор қилдим. У чоршанба кунги ўйиндан кейин чарчаган эди.
Жамоамизда баъзи футболчилар ўз имкониятларини ҳам сезмаяпти. Футболчилар ўзларининг қанчалик кучли эканлигини тушунишлари керак.
Бу ерда менда қўрқув ва босим бўлмаган. Жисмоний машқлар тартибини ўрнатиш учун бироз вақт кетди. Футболчиларга эса кўникиш учун. Улар менинг талабларимни тушунишлари керак эди. Шунча чемпионлик билан ўйнаш осон бўлмайди. Мавсум ёмон ўтмади», - дейди Пирло.
Матнда хатолик топсангиз, ўша хатони белгилаб, бизга жўнатинг (Ctrl + Enter).