Одатда, мураббийларни узун чемпионатда ўзини яхши кўрсата оладиган ва кубок мураббийларига ажратишади. Аслида, бир турнир иккинчисида ёрдамчи бўлиши мумкин.
Ёрқин мисол, бугунги "Юнайтед". Сульшердан талаб қилинадигани — ёши бироз каттароқ футболчилардан иборат бўлган ва уч кун олдин «Реал» билан ўйнаган рақибни жисмонан енгиш. Керак бўлганда, захирадан янги қон тушириб, вазиятда бурилиш ясаш.
Акси бўлди. Эмери 6 алмаштириш орқали ўйин охирига анча кучли етиб келди. Жамоада Гаспар тўп сурадими, Фойтми, Бакками ёки Алкасерми, фарқи йўқ. Ўйин сифатига путур етмаган ҳолда, испанлар тетиклашишди ва қўшимча вақтда устунлик қилишди. Зеро, 2-таймда «МЮ» бутунлай назоратни қўлга олган, «Вильярреал»да қарши ўйин ҳам кузатилмаётганди.
Хўш, «МЮ»нинг захираси шунақа кучсизмиди? Матич, Мата, Ван Де Бек, Жеймс ва ҳатто Амад, ҳа, «Вильярреал» таркибида 18 ёшли футболчи асосийда ўйнади, нима бўлибди?
Гап сифатда эмас, шунчаки, Сульшер бутун чемпионат давомида уларни ўйнатмаган. Охирги 15 минутга ҳам, ҳатто «Рома» 6:2, «Сосьедад» 4:0 ютилганида ҳам, жавоб ўйинида яна асосий таркиб тушаверган. Нега шундай қилган, билмайман.
Захирадан футболчилар ўйнаш учун эмас, пенальти тепиш учун туширилди. Хўп, шундай экан, охирги марта 5 йил олдин пенальти қайтарган Де Хеанинг ўрнига, фаолияти давомида 19 пенальтининг 8 тасини қайтарган Ҳендерсонни тушириш ақлли қарор бўлмасмиди?
Натижада, худди ўтган мавсум охирларидаги каби, оёқда зўрға турадиган Бруно, Рэшфорд, Погба билан мавсумни якунлашга тўғри келди. Майли, улар юлдуз, лекин ҳеч бўлмаса, ўйини чиқмай турганда захирага олиш мумкинми?
Бу ҳаддан ташқари ишонч ёки боғлиқликми, ёки мураббийнинг юмшоқлиги, муҳитни яхши ушлаб туришга бўлган ҳаракатими? Ахир биламиз-ку, жамоавий муҳит ва кайфиятни яхшилайдиган энг муҳим фактор — совринлар.
Қаҳрамон Асланов.
(Яна бир фикр, "МЮ" футболчиларида қандайдир футболча айёрлик, вазиятга тез баҳо бериш етишмайдигандек туюлади. Масалан, кўп кузатаман, тайм тугашига 15-20 секунд қолганда, тезда ҳужумга тўпни етказиб, вазият яратиш ўрнига ҳуштаккача орқага пас бериб, кутиб туришади. Ахир рақибда қарши ҳужум учун вақт қолмайдиган паллада ҳужумга чиқиш тўғри қарор-ку?
Ёки бугун Бруно пенальтилар серияси қуръасида ютди, лекин иккинчи бўлиб тепишни танлади. Ахир статистикадаям, руҳий устунлик учун ҳам, биринчи зарба берган жамоага қулайроқ эканини ҳамма билади...)
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
