Odatda, murabbiylarni uzun chempionatda o‘zini yaxshi ko‘rsata oladigan va kubok murabbiylariga ajratishadi. Aslida, bir turnir ikkinchisida yordamchi bo‘lishi mumkin.
Yorqin misol, bugungi "Yunayted". Sulsherdan talab qilinadigani — yoshi biroz kattaroq futbolchilardan iborat bo‘lgan va uch kun oldin «Real» bilan o‘ynagan raqibni jismonan yengish. Kerak bo‘lganda, zaxiradan yangi qon tushirib, vaziyatda burilish yasash.
Aksi bo‘ldi. Emeri 6 almashtirish orqali o‘yin oxiriga ancha kuchli yetib keldi. Jamoada Gaspar to‘p suradimi, Foytmi, Bakkami yoki Alkasermi, farqi yo‘q. O‘yin sifatiga putur yetmagan holda, ispanlar tetiklashishdi va qo‘shimcha vaqtda ustunlik qilishdi. Zero, 2-taymda «MYU» butunlay nazoratni qo‘lga olgan, «Vilyarreal»da qarshi o‘yin ham kuzatilmayotgandi.
Xo‘sh, «MYU»ning zaxirasi shunaqa kuchsizmidi? Matich, Mata, Van De Bek, Jeyms va hatto Amad, ha, «Vilyarreal» tarkibida 18 yoshli futbolchi asosiyda o‘ynadi, nima bo‘libdi?
Gap sifatda emas, shunchaki, Sulsher butun chempionat davomida ularni o‘ynatmagan. Oxirgi 15 minutga ham, hatto «Roma» 6:2, «Sosyedad» 4:0 yutilganida ham, javob o‘yinida yana asosiy tarkib tushavergan. Nega shunday qilgan, bilmayman.
Zaxiradan futbolchilar o‘ynash uchun emas, penalti tepish uchun tushirildi. Xo‘p, shunday ekan, oxirgi marta 5 yil oldin penalti qaytargan De Xeaning o‘rniga, faoliyati davomida 19 penaltining 8 tasini qaytargan Hendersonni tushirish aqlli qaror bo‘lmasmidi?
Natijada, xuddi o‘tgan mavsum oxirlaridagi kabi, oyoqda zo‘rg‘a turadigan Bruno, Reshford, Pogba bilan mavsumni yakunlashga to‘g‘ri keldi. Mayli, ular yulduz, lekin hech bo‘lmasa, o‘yini chiqmay turganda zaxiraga olish mumkinmi?
Bu haddan tashqari ishonch yoki bog‘liqlikmi, yoki murabbiyning yumshoqligi, muhitni yaxshi ushlab turishga bo‘lgan harakatimi? Axir bilamiz-ku, jamoaviy muhit va kayfiyatni yaxshilaydigan eng muhim faktor — sovrinlar.
Qahramon Aslanov.
(Yana bir fikr, "MYU" futbolchilarida qandaydir futbolcha ayyorlik, vaziyatga tez baho berish yetishmaydigandek tuyuladi. Masalan, ko‘p kuzataman, taym tugashiga 15-20 sekund qolganda, tezda hujumga to‘pni yetkazib, vaziyat yaratish o‘rniga hushtakkacha orqaga pas berib, kutib turishadi. Axir raqibda qarshi hujum uchun vaqt qolmaydigan pallada hujumga chiqish to‘g‘ri qaror-ku?
Yoki bugun Bruno penaltilar seriyasi qur’asida yutdi, lekin ikkinchi bo‘lib tepishni tanladi. Axir statistikadayam, ruhiy ustunlik uchun ham, birinchi zarba bergan jamoaga qulayroq ekanini hamma biladi...)
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
