Евро-2020 мусобақаси ўзининг ҳал қилувчи палласига кириб бормоқда.
Мусобақанинг чорак финал жуфтликлари маълум бўлганидан хабарингиз бор. Биринчи ярим финал йўлланмаси учун Швецария ва Испания терма жамоалари кураш олиб боришади.
Келинг, 2 июль куни Тошкент вақти билан 21:00да бошланадиган ўйиндан олдин жамоаларнинг шу босқичга қадар босиб ўтган йўли ва қўшимча маълумотлар билан танишиб оламиз.
ШВЕЦАРИЯ
Швецария терма жамоаси "А" гуруҳида Италия, Уэльс ва Туркия термалари билан беллашди ва якунда 4 очко тўплаган ҳолда учинчи ўрин билан плей-оффга йўл олди. Тўплар нисбати: 4-5.
"A" гуруҳи натижалари
12/06 Уэльс 1:1 Швецария (Боку)
16/06 Италия 3:0 Швецария (Рим)
20/06 Швецария 3:1 Туркия (Боку)
Нимчорак финал
28/06 Франция 3:3 Швецария (пеналтилар серияси 4:5) (Бухарест)
Чорак финал
02/07 Швецария - Испания (Санкт-Петербург)
Швецария терма жамоаси тўпурари Ҳаррис Сеферович (3 гол).
Европа чемпионати саралашида 8 ўйинда 5 ғалаба, 2 дуранг ва 1 мағлубият қайд этган. Тўплар нисбати: 19-6.
Евро саралашидаги тўпурар Седрик Иттен (3).
Шу пайтга қадар Швецария Европа чемпионатидаги энг яхши натижасини Евро-2016 да қайд этган. Жамоа нимчорак финалга қадар етиб борган ва Польша билан баҳсда пеналтилар сериясида (1:1, пен. 4-5) мағлубиятга учраганди.
Швецария бош мураббийи Владимир Петкович 2014 йилдан бери терма жамоани бошқариб келмоқда. Ўшандан бери швецарияликлар йирик мусобақаларнинг барчасида мунтазам иштирок этиб келишмоқда.
Асосий ўйинчи: Жердан Шакири
Жамоанинг мияси, ҳақиқий ўзгариш қила оладиган футболчи. Унинг Туркия билан ўйиндаги дубли жамоасини плей-оффга олиб чиқди. Ҳужумчилар ортида ҳужумдаги бўшлиқни тўлдирган ҳолда сифатли ҳужумга ўтишни кафолатлайди.
Ўйинини кузатиш керак бўлган футболчи: Брил Эмболо (24 ёш).
Жароҳатлардан кейин 2019 йилда Мёнхенгладбахнинг "Боруссия" жамоасида порлаган ҳужумчи кучли, кўп қиррали ва юқори билан тезлиги билан ажралиб туради.
Биласизми?
Швецария Петкович қўлостида мусобақаларнинг барчасида гуруҳдан чиқишни уддалаган ва бу сафар биринчи марта плей-оффда Франция устидан ғалаба қозониб юришини давом эттирадиган бўлди. Бунга қадар 2014 йилдан бери барча йирик мусобақаларда жамоа плей-оффдаёқ тўхтаган.
ИСПАНИЯ
Испания терма жамоаси "E" гуруҳида Швеция, Польша ва Словакия термалари билан беллашди ҳамда 5 очко тўплаган ҳолда иккинчи ўрин билан плей-оффга йўл олди. Тўплар нисбати: 6-1.
"E" гуруҳи натижалари
14/06 Испания 0:0 Швеция (Севилья)
19/06 Испания 1:1 Польша (Севилья)
23/06 Словакия 0:5 Испания (Севилья)
Нимчорак финал
28/06 Хорватия 3:5 Испания (экстра таймлар) (Копенгаген)
Чорак финал
02/07 Швецария - Испания (Санкт-Петербург)
Испания терма жмаоаси тўпурарлари: Алваро Мората, Пабло Сарабия, Ферран Торрес (2 гол).
Европа чемпионати саралашида 10 ўйинда 8 ғалаба ва 2 дуранг қайд этган. Тўплар нисбати: 31-5.
Евро саралашидаги тўпурарлар: Алваро Мората, Серхио Рамос, Родриго (4).
Шу пайтга қадар Испания терма жамоаси уч марта (1964, 2008, 2012) Европа чемпиони бўлган.
Ўтган мусобақада эса нимчорак финалда Италияга мағлуб бўлиб (0:2) юришини тўхтатган.
Испания термаси бош мураббийи Луис Энрике 2019 йилдан бери "қизил фурия"ни бошқариб келмоқда. У аввал "Барселона" билан 2015 йилда УЕФА Чемпионлар лигасида ғолиб чиққан.
Асосий ўйинчи: Жерар Морено
Фаолияти давомида энг ишончга тўлган ва Европа лигасининг амалдаги ғолиби. Ўнг қанот ҳужумида ўйнайдиган чапақай футболчи ёлғон тўққизликда ҳам анча хавфли. Шунингдек, жамоаси ҳужумларини ташкил қила оладиган 10 рақамли ўйинчи ҳамдир.
Ўйинини кузатиш керак бўлган футболчи: Педри (18 ёш).
Йиллар давомида жуда кўплаб иқтидорли футболчилар етишиб чиққан бўлса-да, 18 ёшида кичик жуссаси билан биринчи тўлиқ мавсумидаёқ "Барселона" ярим ҳимоя чизиғида ҳукмронлик қила оладиган ўйинчилар жуда кам. Унинг футбол интеллекти ақлбовар қилмас даражада юқори.
Биласизми?
Испания Европа чемпионатида чемпионлик совринини муваффақиятли тарзда ҳимоя қила олган ягона терма жамоа ҳисобланади, 2012 йилда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
