Эрлинг Ҳоланд болалигидан отаси ўйнаган клубда тўп тепишни орзу қилган. 2000 йилларнинг бошида унинг отаси Алф-Инг Ҳоланд Англиянинг «Лидс» клуби шарафини ҳимоя қилган эди. У машҳурликка эриша олмаган бўлса ҳам профессионал фаолиятида Англия клубида ўз ўрнига эга бўлган футболчилардан бўлган.
Лекин у билан боғлиқ хотиралар одамлар шуъридан тезда ўчиб кетди. Бугун отаси орзу қилган шуҳратли дамлар ўғлига насиб этмоқда. Алф Ингнинг ўғли Эрлинг Ҳоланд Европадаги энг кучли ҳужумчилардан бирига айланди. Уни супер клублар, жумладан, «Челси» ҳам қўлга киртишга интилмоқда.
«Борусциа Дортмунд» ҳужумчиси эндигина 20 ёшда ва келажаги порлоқлиги кўплаб мутахассислар томонидан башорат қилинади. У 2020 йилда «РБ Залцбург»дан 18 миллион фунтга трансфер бўлгандан бери футбол оммасини ҳайратлантиришда давом этмоқда. Ҳоланд бир ярим мавсум давомида умумий 59 та ўйинда майдонга тушиб, 57 та гол уришга муваффақ бўлган.
Бундай сермаҳсул натижага манаман деган ҳужумчилар эришишни орзу қилишади. Немис клуби унинг хизматларига қизиқиш билдираётган жамоалар учун 100 миллион евродан кам нарх белгиламаслигини маълум қилган. Унинг фантастик ўйинларидан — Аугсбургга қарши баҳсни эслашнинг ўзи етарли. Ўшанда у иккинчи бўлимда майдонга тушиб, 23 дақиқа ичида хет-трик муаллифига айланган эди. У бугунга келиб «Дортмунд» тарихига дебют ўйиндаёқ 3 та гол урган футболчи сифатида кирган. Бу натижани олдин фақатгина П.Э.Обамеянг қайд эта олган, холос.
Ҳолланд 20 ёшгача бўлган футболчилар ўртасидаги Жаҳон чемпионатида ҳам ҳайратланарли натижаларга эриша олган. Ўшанда Гондурасга қарши бир ўйинда бир ўзи тўққизта гол уришга муваффақ бўлганди.
Албатта, у ҳалиҳамон ўсишда давом этиши лозим. Лекин унинг ташқи кўриниши буни мутлақо аксини беради, яъни ёшига қараганда анча катта кўринади. 1,94 м бўлган гигант страйкер Йоркшир шаҳрида таввалуд топган ва ўз тенгдошлари орасида доимо энг йирик жуссали кўринишга эга бўлган. Унинг тўп билан муомала қилиши дастлаб «МЮ» мураббийи Сульшернинг эътиборини тортган эди. Ўша пайтда Сульшер «Мёлде» клубида ишлар, Ҳоланд эса ушбу клуб ёшлар жамоаси таркибида тўп сурарди. Бу ҳақда бир интервьюда Шулшер шундай фикр билдиради: «У (Ҳолланд) келажакда аниқ етакчига айланишини таҳмин қилгандим ва шундай бўлди. У менга Лукакунинг ўйин услубини эслатарди».
Таҳминан шу ўша ёшда Лукаку ҳам Премьер Лигага, «Челси»га келиб қўшилганди. Сульшер Ҳоландни ҳам Англияга кўчиб ўтишидан умидвор. Ҳоланднинг ўзи эса болалигидан орзу қилиб келган отасининг клуби, «Лидс Юнайтед» таркибида тўп суришни орзу қилган. Ҳатто ҳозир ҳам бир кун келиб бу орзусига етишни ният қилганини яшириб ўтирмайди.
Жалолиддин ИСМАТОВ тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
