Ўтган йил аввалида коронавирус дунё бўйлаб тарқалиб кетганидан сўнг, март ойидаёқ барча спорт турлари қатори футбол ҳам тўхтатиб қўйилди. Бутун дунё худди, узлатга чўмгандек эди. Барча ўз уйида бўлиб, ижтимоий муҳит вужудга келтириш таъқиқлаб қўйилди. Шундай вазият кўплаб футбол юлдузларига ҳам тегишли бўлган. Улар ҳам ўз оилалари бағрида бир неча ой бирга бўлган. Шундай пайтларда улар, яъни футбол юлдузлари, асосан бир хил иш билан шуғулланишган. Қуйида бир нечта футболчилар номини келтириб ўтамиз.
Роналду, Месси Руни каби юлдузлар ўз шахсий уйлари ҳудудида махсус футбол майдончалари ўрнатишади. Бу уларга кучли карантин чекловлари вақтида ҳам спорт формасини сақлаб туриш, қолаверса, оилавий вақт ўтказиш учун керак бўлган.
Собиқ «Вэст Хем» футболчиси Жек Уилшер ўзининг Лондондаги уйи томорқасида футбол майдони барпо этади. Ундан ташқари, майдонча ёнида чўмилиш ҳавзаси ҳам мавжуд эди. Гарчанд бу каби воситалар Уилшерни қувонтирсада, унинг қўшниларини ташвишга солиб қўйган эди. Чунки, майдондаги дарвоза тўри уларни кўзини қамаштириб, ноқулайлик туғдираётганди.
Англия терма жамоаси афсоналари Жон Терри ҳамда Рио Фердинанднинг уйида ҳам худди Жекники каби майдонлар мавжуд бўлган. Улар бутун умрини футболга бахш этган ва оғир дамларда ҳам футбол билан ҳамнафас ҳаракат қилишди. Айниқса, Фердинанд қурган майдон нисбатан катта бўлиб, дарвозалар ҳақиқий стандарт футболники каби эди. У бу нарсага ўзини стадиондагидек ҳис қилишни исташини айтиб, изоҳ берган.
«Манчестер Юнайтед» юлдузи Пол Погба ўзининг Англиядаги уйида мўъжаз футбол майдони барпо эттиради. Полда ҳатто совуқ кунларда ўйнаш учун ички майдон ҳам мавжуд. У майдон марказидаги айлана-доира ичига ўз брендини, яъни «PP» рамзини туширган. Ажойиб маркетинг! Шундай эмасми?
Манчестер шаҳрининг яна бир жамоаси аъзоси Бенжамин Менди уйида ҳам майдон бор эди. У бу майдонда бир неча ой мобайнида машғулотлар ўтайди. Футболчи майдонидаги дарвозалар ўзига хос бўлиб, улар жуда кичик ва гол уриш мураккаб бўлган.
Яна бир футболчи Стивен Ирланд. У машиналар борасида жуда дидли экани билан танилган. Унинг кичкина майдони «Nike» фирмаси рекламалари билан бойитилган эди.
Икки футбол афсонаси Роналду ҳамда Месси бу борада ҳамманикидан ҳам катта ва табиий майдонларга эга. Собиқ «Барселона» ҳамда «Ювентус» футболчилари ўтган йили ўз жамоларида бўлган. Хусусан, Роналду Туриндаги уйида майдон қурдирган бўлса, Месси Барселона шаҳрида бу ишни амалга оширган. Шундай бўлишида Месси, Терри, Роналду, Руни ҳамда Уилшерларни бир нарса бирлаштириб турар эди. У ҳам бўлса, уларнинг фарзандлари борлиги. Футболчиларнинг барчаси ўз майдонида қадрли фарзандлари билан вақтини мириқиб ўтказишган. Қолаверса, бу билан ўз формаларини меъёрида сақлай олишган.
инглиз тилидан Жалолиддин ИСМАТОВ таржимаси
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
