ПСЖ бош мураббийи Маурисио Почеттино бугун Чемпионлар Лигаси доирасида ўтказиладиган "Манчестер Сити"га қарши ўйин олдидан ўз фикрларини билдириб ўтди.
Биз ривожланиш устида ишлаяпмиз. Бу фикр эмас, факт. Биз қаердан келганлигимиз ва ҳозир қаерда эканлигмизга назар солишимиз керак. Биз "Манчестер Сити"га ҳамда дунёнинг энг яхши мураббийи Пеп Гвардиолага қарши тўқнаш келяпмиз. Улар буюк жамоа, худди биздек Чемпионлар Лигасини ютишни орзу қилаётган клуб.
Улар балки биздан олдиндадир, лекин футболда ҳамма нарса содир бўлиши мумкин. Биз ҳаракат қиламиз ва уларга ўз хоҳишимиз, мақсадимиз, ғояларимизни амалга ошириш ҳамда уларнинг имкониятларини чегаралаш ва заиф томонларидан фойдаланиш орқали муаммо яратмоқчимиз. Бу футболчилар ўз маҳоратларини кўрсата оладиган футбоолчилар учун аталган ўйин.
Жамоа хотиржам, ўйинчилар хотиржам, улар бир-бирлари билан яхши чиқишиб кетишган. Жамоада муҳит ажойиб. ПСЖ махсус ҳолатлар билан ўзгача клуб, сиз буни бошқа клублардан топа олмайсиз. Сиз буни тушунинишингиз керак. Биринчи синов? Бундай ўйламайман. Ҳар ўйинда қийин чақирувларга дуч келамиз. Мавсум аввали осон ўтгани йўқ. Тўлиқ таркиб йиғилганидан бери ишлаяпмиз. Биздан кутилаётган нарсаларни биламиз ва бунга маъсулият, қатъият билан ёндашиш кераклигини ҳам тушуниб турибмиз.
Вератти ва Месси ҳақида
Марко охирги кунларда машғулотларда яхши қатнашди. Ўйлайманки, у таркибимизнинг бир қисми бўлади. У асосийда тушадими, билмадим, аммо унинг ўйинини кўришимиз мумкин. Леода ҳам шундай ҳолат. Жуда яхши ўсишда давом этмоқда ва у ҳам жамоа сафида бўлади деб ўйлайман. Лекин, бошланғичда тушадими, буни билмайман. Унинг мослашуви? У дунёнинг энг яхши ўйинчиси, бироқ у ҳам бошқалар каби инсон. У янги жамоага, янги маданият ва мамлакатга мошлашиши керак. У Барселонада 20 йил бўлди, бу ердаги барчаси у учун янги. Вақт ўтиши билан ҳаммаси яхши бўлади ва биргаликда ҳақиқий муваффақиятга эга бўламиз. Бунга шубҳа қилмайман.
Матбуот анжуманида ПСЖ ярим ҳимоячиси Андэр Эррера ҳам ўз фикрлари билан бўлишди.
"Биз позитив муносабат билан ўйинда ҳаракат қилишимиз керак. Ҳамма биздан нима кутаётганини биламиз, аммо бу бизга ёқади. Шунинг учун ҳам шу ердамиз. Бу маъсулиятни мамнуният билан зиммамизга оламиз. Чемпионлар Лигасини ютиши мумкин бўлган 10 жамоа бор, балки. Бизнинг жамоадан кутилмалардан хабаримиз бор, бироқ савияси юқори мусобақада қатнашяпмиз. Ҳеч нарсани олдиндан тахмин қилиб бўлмайди ва шунинг учун Чемпионлар Лигасида доим катта сюрпризлар бўлади".
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
