Япония миллий терма жамоаси бош мураббийи Альберто Дзаккерони 29 февраль куни бўлиб ўтадиган Ўзбекистонга қарши ўйин учун таркибни эълон қилди. "Болтон" клуби ҳужумчиси Рио Миячи Заккерони томонидан илк марта терма жамоага таклиф этилди.
"Мияичи тезкор футболчи. У ўзининг тезлиги эвазига ўйин суръатини ўзгартира олиши мумкин. У Ўзбекистонга қарши ўйинда майдонга тушиш учун яхши имкониятга эга", дейди италиялик мутахассис.
19 ёшли футболчи ўтган ойда "Арсенал"дан "Болтон" сафига қўшилганди. У илк марта терма жамоа сафида тўп суриши мумкин. Мияичи "Болтон" сафида 18 февраль куни Англия кубоги доирасида "Миллуол" клубига қарши ўйинда илк марта майдонга тушди ва гол уришга муваффақ бўлди.
Япониянинг икки етакчи футболчилари — Кейсуке Хонда ва Синдзи Кагава жароҳатида энди тикланаётани учун Ўзбекистонга қарши ўйинда ўз жамоаларига ёрдам бера олишмайди. Лекин Дзаккеронининг фикрича, у Кагавани терма жамоага чақириши мумкин эди, агар "Боруссия" (Дортмунд) якшанба куни "Ҳанновер-96" билан ўйнамаганида.
Япония 24 февраль куни Исландия билан ўртоқлик ўйинини ўтказди ва 3:1 ҳисобида ғалаба қозонди. Бу ўйинда Дзаккерони фақат Жей лигада тўп сураётган футболчилар хизматидан фойдаланди. Ўзбекистон билан ўйинга эса мураббий бир неча легионерларни ҳам таклиф қилди. Рио Мияичидан ташқари, яна 10 нафар легионер футболчини ўйинга жалб қилди.
Япония терма жамоасининг Ўзбекистонга қарши таркиби:
Дарозабонлар: Эйжи Кавашима ("Льерс", Бельгия), Каито Ямамото ("Шимицу С-Пульс"), Сюсаку Нишикава ("Санфречче Хиросима").
Ҳимоячилар: Юичи Комано ("Жубило Ивата"), Ясуюки Конно ("Гамба Осака"), Юзо Курихара ("Йокогама Маринос"), Масахико Иноха ("Виссел Кобе") Юто Нагатомо ("Интер", Италия), Томоаки Макино ("Урава Редс"), Атсуто Учида ("Шальке", Германия), Мая Йошида ("Венло", Голландия).
Яримҳимоячилар: Ясухито Эндо ("Гамба Осака"), Кенго Накамура ("Кавасаки Фронтале"), Макото Хасебе ("Вольфсбург", Германия), Чикаши Масуда ("Кашима Антлерс"), Хажиме Хосогай ("Аугсбург", Германия), Йосуке Кашиваги ("Урава Редс")
Ҳужумчилар: Жунго Фудзимото ("Нагоя Грампус"), Таданари Ли ("Саутгемптон", Англия), Шинжи Оказаки ("Штутгарт", Германия), Майк Хавенаар ("Витесс", Нидерланд), Такаши Инуи ("Бохум", Германия)
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
