Миллий чемпионатимининг янги мавсуми бошланишига ҳам 10 кун вақт қолмоқда. 15 март куни янги мавсум старт олади.
Ҳозир барча жамоалар яқинлашаётган мавсумга жиддий таёргарлик кўришмоқда. Келаётган мавсум ўтган йилгиларига қараганда янада шиддатлироқ ва кучлироқ ўтиши кутилмоқда. Чунки кўп жамоалар савия жиҳатдан бир-бирига яқин, тенг кучга эга. Айнан шу омиллар чемпионатимизда кучсиз жамоа қолмаганлигини билдиради: ҳеч бир жамоа бошқасини аяб ўтирмаслиги ҳозирданоқ маълум.
Албатта, ҳар бир жамоанинг ютуқлари фақатгина футболчилар ва мураббийлар қўлида эмас, балки ушбу муваффақиятларнинг қўлга киритилишида жамоа мухлисларининг ҳам беқиёс ҳиссалари бор. Бежизга «футбол мухлислар учун уйналади», деган ибора бот-бот тилга олинмайди.
«Бухоро» футбол клубининг мухлислари ҳам ўз жамоаларига содиқ мухлислар ҳисобланишади. Бухоро халқи футболни севади ва футбол билан яшашади. Бугунги маколам мухлисларни муҳокама қилиш учун ёзилгани йўқ, балки ҳар бир мухлис қалбида хавотир уйғотаётган, энг кўп муҳокама қилинаётган масала — СТАДИОН ҳақида кетади.
Ҳа, дарҳақиқат, бугун Бухородв кўчада кимни кўрсангиз, қайси футбол мухлисини учратсангиз ҳамма бир саволни беради: «Стадионда нега қурилиш тўхтаб қолган?!", «Наҳотки Фарҳод Магометовнинг «агар «Бухоро» жамоаси 2012 йил мартда стадион муаммосини бартараф этмаса, Муборакда уйнайди», айтган гапи рўй берса?!», «Ахир Муборакка шунча мухлис қандай қилиб бориб келади?!»
Борса 500 нафар мухлис ўз машинасида борар, қолганлар-чи? Ёш болалар-чи? Бутун Бухоро мухлислари футболни соғинишди. Барча 15 мартни интиқлик билан кутишмоқда, жуда қизиқарли ўтиши кутилаётган «Бухоро» — «Пахтакор» учрашувини байрам сифатида қабул қилишди, бу байрамни мухлислар ЎЗ УЙЛАРИДА НИШОНЛАШМОКЧИ! 20 МИНГДАН ОРТИҚ МУХЛИС ушбу ўйинга ташриф буюриши кутилмоқда.
Стадионга борганимда иш қизғин давом этаётганининг гувоҳи бўлдим. У ердаги баъзи мутассадилар билан суҳбатлашганимда СТАДИОН 15 МАРТГАЧА ТЎЛИҚ ТАЪМИРДАН ЧИҚИШИни айтишди ва юрагим озгина таскин топди! Ушбу хавотирларимиз ўринсиз бўлиб чиқишини жуда-жуда хоҳлар эдим ва 15 мартда стадион минглаб мухлисларни ўз бағрига қабул қилишига жуда-жуда ишонгим келади.
Акмал ИРГАШЕВ,
Бухоро шаҳридан
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
