Луисма Эрнандес: «Ўзбекистон кубоги финалида «Насаф» «Пахтакор»га жанг таклиф қилса керак»
Суперлиганинг 26-туридан ўрин олган "Қизилқум" - "Металлург" (2:3) учрашувидан кейин меҳмонлар бош мураббийи Луисма Эрнандес матбуот анжуманида иштирок этди.
— Жамоамизни кўпроқ руҳий тарафдан тайёрлаш лозим эди. Охирги турда ҳаммаси ўзимизга боғлиқ эканлигини тушунтирдик. Жароҳатланганлар кўплигига қарамасдан, мавжуд футболчилар борларини бериб ҳаракат қилишди. Руҳий тайёргарлигимиз яхшилиги ҳисобига ғалаба қозондик.
— Учрашувга тайёргарлик жараёнида кўпроқ нималарга аҳамият берилган?
— Бу жамоани жуда қийин ҳолатда қабул қилиб олдим, лекин шунга қарамасдан, йигитлар билан астойдил меҳнат қилдик. Асосий эътиборни ўз жамоамиз ўйинига қаратдик ва жипслашган ҳолда ҳаракат қилдик.
— Ўйинни кузатиш давомида бутун-диққат эътиборингиз шу ўйинга қаратилганмиди ёки "Сурхон" – "Машъал" баҳси ҳақида ўйладингизми?
— Тўғрисини айтсам, у ўйинга умуман эътибор бермадим. Диққат-эътиборимизни фақат ўзимизнинг ўйинимизга қаратдик, буни йигитларга ҳам айтгандим.
— Ўзбекистон кубоги ярим финал учрашувларини кузатиб бордингизми?
— Ҳа.
— Кубок финали фаворити қайси жамоа деб ўйлайсиз?
— Қизиқ ўйин бўлади. Мавсумнинг якуний ўйин бўлгани учун икки жамоа ҳам борини бериб ҳаракатланади. Қоғозда "Пахтакор" – фаворит, лекин "Насаф" жанг таклиф қилади.
— Испания ва Ўзбекистон футболида ўхшаш жиҳатлар борми?
— Ҳозирча ҳақиқий испан футболи қанақа бўлишини мухлисларга кўрсатганимиз йўқ. Умид қиламанки, кейинчалик испан футболи қандай бўлишини "Металлург" билан намойиш этамиз. Албатта, ўхшаш жиҳатлар бор. Бироқ ҳозир бизга натижа муҳимлиги учун шунга мос услубдан фойдаландик. Футбол ўзига ишонган, мард ва жасур инсонлар ўйини.
Фурсатдан фойдаланиб, "Металлург" раҳбариятига, мухлисларига ва жамоа ходимларига ўз миннатдорчилигимни билдираман.
— "Металлург"ни Испаниянинг қайси жамоасига қиёслаш мумкин?
— Ҳозирча "Атлетико Мадрид" (кулади). Чунки асосий урғу натижага қаратдик ва шунга мос услубда ўйнадик. Бироқ кейинги мавсумдан бошқа жамоаларга ўхшасак керак...
Манба: https://t.me/metallurguz
Киритилди: 21:24, 27.11.2021. Ўқилди: 1987 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
