“Манчестер Юнайтед” янги бош мураббийи Ральф Рангник Англиядаги юришини “Кристал Пэлас” устидан қозонилган ғалаба билан бошлади, аммо ўйиннинг янги принциплари анча муҳимроқ. Немис мураббийи биринчи ўйиндаёқ ўз ғояларини бутун дунёга кўрсатди. Янги схема, рақибга босим қилиш. Матбуот анжуманидаги фикрлари ва Европа матбуоти маълумотларига асосланиб, Рангник яқин келажакда жамоадан кеткизишга ҳаракат қиладиган футболчилар рўйхатини тузиб чиқилди. Биз немис мутахассиси учун қайси футболчи умуман фойдали эмаслигини таҳлил қилишга ҳаракат қиламиз.
Поль Погба
Погбанинг трансфери ҳақидаги миш-мишлар бир йилдан кўпроқ вақтдан бери давом этмоқда. Француз МЮга қўшилгандан бери деярли ҳар бир учрашувда, шунчаки вақт ўтказиш учун ўйнагандек таассурот қолдирди. У бир-икки учрашувларни юқори савияда ўтказган бўлса-да, жамоа раҳбариятидан Кевин де Брюйненидан-да кўпроқ маош сўради. Погба ҳатто Сульшер тизимида ҳам клубга бегона футболчи эди. Энди у мазкур тизимдан бутунлай чиқиб кетиши кутилмоқда.
“Кристал Пэлас”га қарши ўйинда “Юнайтед” 4-2-4 кўринишидаги тактик схемада прессингга бой ўйин намойиш этди.
Ральфнинг мақсадини у амалга ошириши мумкин бўлган трансферларидан ҳам тушунишингиз мумкин. Янги мураббийнинг асосий мақсадларидан бири – “Лейпциг”нинг марказий яримҳимоячи Амаду Айдара. 23 ёшли малилик футболчи Рангникнинг ўйин услубини тушунади ва Премьер-лига даражасида ўйнашга тайёр. Погба эса катта эҳтимол билан мавсум охиригача ўйнайди ва эркин агент сифатида бошқа клубга ўтади.
Антони Марсьял
Франууз “Юнайтед” тарихидаги энг тушунарсиз харидлардан бири ҳисобланади. Уни жамоага энг иқтидорли ўйинчиларидан бири сифатида олиб келишди ва якунда... Шу билан бирга, Марсьял ҳар доим ёмон ўйнаган деб айтиш мумкин эмас, лекин ҳозир уни жамоада олиб қоладиган ҳеч қандай сабаб йўқ.
Рэшфорд, Санчо ва Гринвуд “Юнайтед”нинг асосий футболчилари бўлиши керак. Шунингдек, МЮ раҳбарияти клубда катта маошга эга заҳира футболчини сақлашни хоҳламайдилар. Назарий жиҳатдан, франциялик футболчи “Олд Траффорд” эгаларининг шонли уйғониш давридан омон қолишини тахмин қилишингиз мумкин, аммо футболчининг намойиш этаётган ўйинидан шуни тахмин қилиш мумкинки, Марсьял кетиши керак.
Эдинсон Кавани
Уругвайлик ажойиб профессионал, ҳар доим ўзи ўйнаган жамоаларга фойда келтиради, аммо 35 ёшга тўлиши арафасида катта клубдан кетиш ҳақида ўйлаш вақти келди. Кавани аввалига захира ўриндиғида қолишдан хафа бўлди, кейин жароҳат олди. Уругвайлик футболчи бутун ўйин давомида босим остида ўйнашга тайёр, бироқ у ҳеч қандай шароитда Криштиану Роналдуни захира футболчисига айлантириб, жамоанинг асосий хужумчисига айлана олмайди. Тахминларга кўра, Кавани трансфери январь ойида амалга ошиши мумкин. Айтганча, “Барселона” Каванини ҳам, Марсьялни ҳам сотиб олишга тайёрлиги ҳақида хабарлар тарқалган.
Хуан Мата
Испан футболчи ватанигақайтиши ҳақидаги хабарлар тез-тез матбуотда кўзга ташланмоқда. Ҳақиқатдан ҳам Матани МЮдан кетадиган вақти бўлди. Ўтган мавсумда футболчи билан шартноманинг янгиланиши ғалати ҳолат эди. Сабаби, ўтган мавсумда Хуан деярли ўйнамаган эди. Жорий мавсумда эса футболчи бир дақиқа ўйнади.
Неманья Матич
“Манчестер Юнайтед”даги серб футболчиси “Челси”да кўрсатган ўйини ярмини ҳам намойиш этмади. У ўтган йилнинг январь ойида клубни тарк этиши керак эди, аммо кадрлар билан боғлиқ инқироз туфайли у жамоага қайтди. 33 ёшда, тезлик, чидамлилик ва келажакнинг йўқлиги футболчи минусига ишлайди. Рангник бундай футболчини ўз жамоасида кўришни истамаса керак.
Донни ван де Бек
Ван де Бек “Манчестер Юнайтед”нинг ҳозирги таркибидаги энг сирли футболчи ҳисобланади. Донни “Аякс”да қанчалик яхши ўйин кўрсатганини ҳамма эслайди, аммо “Олд Траффорд”да голландиялик футболчининг омади келмаяпти. Донни ҳужумкор футбол кўрсатишда Фернандешга ютқазмоқда, Голландиялик футболчи учун қайғули сигнал – “Кристал Пэлас” билан ўйин. Учрашувнинг охирида бир неча дақиқа ўйнаган Ван де Бекка немис мутахассисининг ҳам ишониши қийин. Карьера бошлаш вақти келди, Донни.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
