"Норвич Сити" бош мураббийи Дин Смит "МЮ"га қарши баҳс олдидан катта муаммога дуч келиши мумкин. Жамоа ҳозирда коронавирус хавфи остида турибди. Бу ҳақида бош мураббий шундай дейди:
"Бизда COVID билан боғлиқ муаммолар вужудга келиши мумкин. Шу сабаб ҳозирда тест натижаларини кутишга мажбурмиз. Мен уларнинг исмини айта олмайман. Аммо бизда вирусга гумон қилинган бир нечта футболчилар бор. Ҳозирда уларнинг ПЦР тест натижларини кутмоқдамиз. Улар ўзларини ёмон ҳис қилишган эди.
Чунки улар "Тоттенхэм" билан баҳсда иштирок этган. Афсуски, вирус ҳаётимиз бир қисмига айланиб бормоқда ва умид қиламанки, биз бундан тез орада халос бўла оламиз. Менимча, қўлланилган чекловларга амал қилиш, касаллик тарқалишини олдини олишнинг ягона чораси".
Маълумот ўрнида, "Норвич" аввалги турни "Тоттенхэм"га қарши ўтказган эди(0-3). "Шпорлар"нинг бир нечта футболчисида вирус аниқланган. Ҳозирда Антонио Конте жамоаси ЕКЛ доирасида "Ренн"га қарши, АПЛда эса "Брайтон" билан ўйини бекор қилинган.
Матнда хатолик топсангиз, ўша хатони белгилаб, бизга жўнатинг (Ctrl + Enter).